ନୂଆଦିଲ୍ଲୀ: ଚଳିତ ଥର ମଧ୍ୟ ବିଭିନ୍ନ ସଂସ୍ଥା ଓ ଗଣମାଧ୍ୟମ ନିଜର ଏକଜିଟ ପୋଲ କରିଥିଲେ । କେବଳ ତାହା ନୁହେଁ, ବିଭିନ୍ନ ଦଳ ମଧ୍ୟ ନିଜନିଜର ପ୍ରଦର୍ଶନ ମାପିବାକୁ ଏକଜିଟ ପୋଲ କରିଥିଲେ । ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁସାରେ, କଂଗ୍ରେସ ଦଳ ପକ୍ଷରୁ ଏକ ଏକଜିଟ ପୋଲ କରାଯାଇଥିଲା । ଯାହାର ଫଳାଫଳ ଆସିଛି । ଏହା ଅନୁସାରେ ଚଳିତ ଥର ଏନଡିଏ ୨୩୦ ସିଟରେ ବିଜୟୀ ହେଉଥିବା ବେଳେ ବିଜେପି ୨୦୦ ସିଟରେ ବିଜୟୀ ହେବାର ସମ୍ଭାବନା ରହିଛି । ତେବେ କଂଗ୍ରେସ ୧୪୦ ସିଟରେ ବିଜୟ ହେବା ବେଳେ ୟୁପିଏ ୧୯୫ ସିଟରୁ ଅଧିକ ସିଟରେ ଜିତିବ ।
Sambad is now on WhatsApp
Join and get latest news updates delivered to you via WhatsApp
ଏହାସହ ପାର୍ଟି ଆକଳନ କରିଛି ଯେ, ପଞ୍ଜାବ, ତାମିଲନାଡୁ, କେରଳରେ ଦଳ ଉତ୍ତମ ପ୍ରଦର୍ଶନ କରିବା ବେଳେ ବିହାର, ଛତିଶଗଡ, ମଧ୍ୟପ୍ରଦେଶ, ମହାରାଷ୍ଟ୍ର , ଗୁଜୁରାଟ ,ହରିୟାଣା ଓ ଝାରଖଣ୍ଡରେ ଦଳ ବି ଭଲ ପ୍ରଦର୍ଶନ କରିବ । ଏହାସହ ଉତ୍ତରପ୍ରଦେଶରେ ୫, ଦିଲ୍ଲୀରେ ୨, ପଞ୍ଜାବ ୯, ଛତିଶଗଡ ୯, ଓଡ଼ିଶା ୨, ତେଲେଙ୍ଗାନା ୨, ଜାମ୍ମୁ-କାଶ୍ମୀରରେ ୨, ହିମାଚଳ-ପ୍ରଦେଶରେ ୧ ଏପରି ଭାବରେ ପ୍ରତ୍ୟେକ ରାଜ୍ୟରେ କେତେ ଆସନରେ ଦଳ ବିଜୟୀ ହେବ ତାହାକୁ ନେଇ ଏକ ଆକଳନ କରାଯାଇଛି । ତେବେ ଦଳ ପକ୍ଷରୁ କରାଯାଇଥିବା ଏହି ସର୍ଭେରେ ବିଭିନ୍ନ ନିର୍ବାଚନମଣ୍ଡଳୀର ୨୬୦ ପର୍ଯ୍ୟବେକ୍ଷକଙ୍କୁ ନେଇ କରାଯାଇଥିବା ଜଣାଯାଇଛି ।
କିନ୍ତୁ ଦକ୍ଷିଣ ଭାରତରେ ଆଶାନୁରୂପ ଫଳ ପାଇବ ବୋଲି କୁହାଯାଉଛି । ଦଳ ପକ୍ଷରୁ କରାଯାଇଥିବା ସର୍ଭେ ରିପୋର୍ଟ ଅନୁସାରେ, ଏନଡିଏକୁ ୨୦୦ ଆସନ ମିଳିବ । ତେବେ ଏହି ଗୁରୁତ୍ୱପୂର୍ଣ୍ଣ ସମୟରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ମଧ୍ୟ ଏକ ଟ୍ୱିଟ କରିଛନ୍ତି । ସେ କହିଛନ୍ତି ଯେ, ଆଗାମୀ ୨୪ ଘଣ୍ଟା ଆମ ପାଇଁ ମହତ୍ୱପୂର୍ଣ୍ଣ, ଦେଶ ପାଇଁ ଲଢେଇ କରିଛନ୍ତି, ଏକଜିଟ ପୋଲକୁ ନେଇ ବ୍ୟସ୍ତ ହୁଅନ୍ତୁ ନାହିଁ । ନିଜ ଉପରେ ଏବଂ ଦଳ ଉପରେ ବିଶ୍ୱାସ ରଖନ୍ତୁ । ଆମେମାନେ ମିଶିକି ଯେଉଁ କାମ ଅର୍ଥାତ ପରିଶ୍ରମ କରିଛନ୍ତି ତାହା କେବେ ବିଫଳ ହେବ ନାହିଁ ବୋଲି ରାହୁଲ କହିଛନ୍ତି । ତେବେ ଆସନ୍ତାକାଲି ସକାଳ ୮ଟାରୁ ଭୋଟ ଗଣତି ଆରମ୍ଭ ହେବ । ତେବେ ସେହି ସମୟରେ ହିଁ ଜଣାପଡିବ କେତେ ଆସନରେ କିଏ ବିଜୟୀ ହେବ ।