୨୦୧୯ ଲୋକସଭା ନିର୍ବାଚନରେ କଂଗ୍ରେସ ଖର୍ଚ୍ଚ କରିଛି ୮୨୦ କୋଟି ଟଙ୍କା
ନୂଆଦିଲ୍ଲୀ: ୨୦୧୯ ଲୋକସଭା ଏବଂ ଆନ୍ଧ୍ରପ୍ରଦେଶ, ଅରୁଣାଚଳ ପ୍ରଦେଶ, ତେଲଙ୍ଗାନା, ଓଡ଼ିଶା ଏବଂ ସିକିମ୍ ବିଧାନସଭା ନିର୍ବାଚନ ପାଇଁ କଂଗ୍ରେସ ପାର୍ଟି ୮୨୦ରୁ ଅଧିକ ଟଙ୍କା ବ୍ୟୟ କରିଛି।
Sambad is now on WhatsApp
Join and get latest news updates delivered to you via WhatsApp
୨୦୧୪ ସାଧାରଣ ନିର୍ବାଚନରେ କଂଗ୍ରେସ ଖର୍ଚ୍ଚ କରିଥିବା ଅର୍ଥ ଟ. ୫୧୬/- କୋଟି ଠାରୁ ଏହା ଢେର୍ ଅଧିକ। ୨୦୧୪ ସାଧାରଣ ନିର୍ବାଚନରେ ବିଜେପି ଖର୍ଚ୍ଚ କରିଥିଲା ୭୧୪ କୋଟି ଟଙ୍କା। ୨୦୧୯ ଲୋକସଭା ନିର୍ବାଚନରେ ବିଜେପି କେତେ ଖର୍ଚ୍ଚ କରିଛି ଏ ପର୍ଯ୍ୟନ୍ତ ତାହାର ହିସାବ ଦାଖଲ କରିନାହିଁ।
ଅକ୍ଟୋବର ୩୧ ତାରିଖ ଦିନ ନିର୍ବାଚନ କମିସନ୍ଙ୍କ ଠାରେ କଂଗ୍ରେସ ପାଟି ଦାଖଲ କରିଥିବା ବ୍ୟୟ ବିବରଣୀ ଅନୁସାରେ, ଦଳର ସାଧାରଣ ପ୍ରଚାର ପାଇଁ ୬୨୬. ୩ କୋଟି ଟଙ୍କା ଏବଂ ପ୍ରାର୍ଥୀମାନଙ୍କ ନିମନ୍ତେ ୧୯୩. ୯ କୋଟି ଟଙ୍କା ଖର୍ଚ୍ଚ ହୋଇଛି। ନିର୍ବାଚନ ଘୋଷଣା ଏବଂ ଶେଷ ମଧ୍ୟରେ ଦଳର ସମୁଦାୟ ନିର୍ବାଚନ ବାବଦ ଖର୍ଚ୍ଚ ହେଉଛି ୮୫୬ କୋଟି ଟଙ୍କା।
ଅନ୍ୟାନ୍ୟ ଦଳ ଦାଖଲ କରିଥିବା ଖର୍ଚ୍ଚ ମଧ୍ୟରେ ରହିଛି- ତୃଣମୂଳ କଂଗ୍ରେସ ଟ. ୮୩. ୬ କୋଟି, ବିଏସ୍ପି ଟ. ୫୫. ୪ କୋଟି, ଏନ୍ସିପି ଟ. ୭୨. ୩ କୋଟି ଏବଂ ସିପିଏମ୍ ଟ. ୭୩. ୧ ଲକ୍ଷ।