ଏହି ସାଉଥ ଫିଲ୍ମରେ ନଜର ଆସିବେ ଡେଭିଡ୍ ୱାର୍ଣ୍ଣର

ନୂଆଦିଲ୍ଲୀ: ଅଷ୍ଟ୍ରେଲିୟ କ୍ରିକେଟର ଡେଭିଡ୍ ୱାର୍ଣ୍ଣର ଭାରତକୁ ତାଙ୍କର ଦ୍ୱିତୀୟ ଘର ବୋଲି ଭାବନ୍ତି, ସେ ଏହା ଅନେକ ଥର କହିଛନ୍ତି। ସେ ବଲିଉଡ ଏବଂ ଟଲିଉଡର ଜଣେ ବଡ଼ ପ୍ରଶଂସକ, ସେ ପ୍ରାୟତଃ ସୋସିଆଲ ମିଡିଆରେ ହିନ୍ଦୀ କିମ୍ବା ତାମିଲ ଗୀତର ରିଲ୍ ସେୟାର କରନ୍ତି। ଏବେ ତାଙ୍କ ବିଷୟରେ ଏକ ନିଶ୍ଚିତ ଖବର ଆସିଛି, ସେ ଟଲିଉଡରେ ଡେବ୍ୟୁ କରିବାକୁ ଯାଉଛନ୍ତି। ଏହା ପ୍ରଯୋଜକ ନିଜେ ପ୍ରକାଶ କରିଛନ୍ତି। ଡେଭିଡ୍ ୱାର୍ଣ୍ଣର ଭେଙ୍କି କୁଡୁମୁଲାଙ୍କ ନିର୍ଦ୍ଦେଶିତ ଫିଲ୍ମ ରବିନ୍ ହୁଡ୍ ରେ ତାଙ୍କର ଅଭିନୟ କ୍ୟାରିଅର୍ ଆରମ୍ଭ କରିବାକୁ ଯାଉଛନ୍ତି। ଏହି ଆକ୍ସନରେ ପରିପୂର୍ଣ୍ଣ ମନୋରଞ୍ଜନକାରୀ ଫିଲ୍ମରେ ୱାର୍ଣ୍ଣର ଏକ କ୍ୟାମିଓ ଭୂମିକାରେ ନଜର ଆସିବେ, ଯାହା ତାଙ୍କ ପ୍ରଶଂସକମାନଙ୍କୁ ବହୁତ ଉତ୍ସାହିତ କରିଛି।

ଏହା ଫିଲ୍ମର ଅନ୍ୟତମ ପ୍ରଯୋଜକ ୱାଇ ରବିଶଙ୍କର ନିଜେ ନିଶ୍ଚିତ କରିଛନ୍ତି।ଟଲିଉଡରେ ଡେଭିଡ ୱାର୍ଣ୍ଣରଙ୍କୁ ଲଞ୍ଚ କରିବା ବିଷୟରେ ପ୍ରଯୋଜକ ଖୁସି ପ୍ରକାଶ କରି କହିଛନ୍ତି, "ଆମେ ଆମର 'ରବିନ୍ ହୁଡ୍' ସହିତ ଭାରତୀୟ ସିନେମାରେ ଡେଭିଡ ୱାର୍ଣ୍ଣରଙ୍କୁ ଲଞ୍ଚ କରି ବହୁତ ଖୁସି।" ରବିନ୍ ହୁଡ୍ ଫିଲ୍ମରେ ପ୍ରସିଦ୍ଧ ତେଲୁଗୁ ଅଭିନେତା ନୀତିନ୍ ମୁଖ୍ୟ ଭୂମିକାରେ ନଜର ଆସିବେ। ନୀତିନ ହନି ସିଂହ ନାମକ ଜଣେ ଚୋର ଭୂମିକାରେ ଅଭିନୟ କରିଛନ୍ତି, ଯିଏ ଗରିବ ଲୋକଙ୍କୁ ସାହାଯ୍ୟ କରିବା ପାଇଁ ଧନୀମାନଙ୍କୁ ଲୁଟେ। ଫିଲ୍ମର କାହାଣୀ ହନିଙ୍କ ଚାରିପାଖରେ ଘୂରି ବୁଲୁଛି, ଯିଏ କୌଣସି ବ୍ୟକ୍ତିଗତ ଏଜେଣ୍ଡା ବିନା କେବଳ ସାହସ ଏବଂ ନିର୍ଭୀକତା ଦ୍ୱାରା ପ୍ରେରିତ ହୋଇ ଅନେକ ଡକାୟତି କରେ।

 ଆପଣଙ୍କୁ କହି ରଖୁଛୁ ଯେ ରବିନ ହୁଡ୍ ସିନେମାଟି ଗତ ବର୍ଷ ସ୍ଥଗିତ ରଖାଯାଇଥିଲା, ଏହା ଚଳିତ ବର୍ଷ ୨୮ ମାର୍ଚ୍ଚରେ ରିଲିଜ୍ ହେବାର ଥିଲା। କ୍ରିକେଟର ଡେଭିଡ୍ ୱାର୍ଣ୍ଣରଙ୍କ ଯୋଗୁଁ ଏହି ଫିଲ୍ମଟି ବହୁତ ଚର୍ଚ୍ଚା ସୃଷ୍ଟି କରିଥିଲା। ନବୀନ ୟେର୍ନେନି ଏବଂ ୱାଇ ରବିଶଙ୍କରଙ୍କ ଦ୍ୱାରା ନିର୍ମିତ ଏହି ଚଳଚ୍ଚିତ୍ରରେ ଶ୍ରୀଲୀଲାଙ୍କ ସହ ନୀତିନ୍ ଅଭିନୟ କରିଛନ୍ତି। ରବିନ୍ ହୁଡ୍ ପାଇଁ ସଙ୍ଗୀତ ରଚନା କରିଛନ୍ତି ଜାତୀୟ ପୁରସ୍କାର ବିଜେତା ସଙ୍ଗୀତ ନିର୍ଦ୍ଦେଶକ ଜିଭି ପ୍ରକାଶ କୁମାର।