ସମ୍ବଲପୁରରେ ପୁଣି ଏନକାଉଣ୍ଟର, ଦୁର୍ଦ୍ଦାନ୍ତ ଅପରାଧୀ ତ୍ରିଦେବ ବାଗ୍ ଆହତ
ସମ୍ବଲପୁର : ସମ୍ବଲପୁରରେ ପୁଣି ଏନକାଉଣ୍ଟର । ମିଳିଥିବା ସୂଚନା ଅନୁଯାୟୀ ସମ୍ବଲପୁର ଜିଲ୍ଲା କୁଲୁଥକାନି-ପୁଟୀବନ୍ଧ ରାସ୍ତାରେ ପୁଲିସ ଏନ୍କାଉଣ୍ଟରରେ ଦୁର୍ଦ୍ଦାନ୍ତ ଅପରାଧୀ ତ୍ରିଦେବ ବାଗ୍ ଆହତ ହୋଇଛି । ତା’ର ବାମ ଗୋଡ଼ରେ ଗୁଳି ବାଜିଛି । ତାକୁ ଗୁରୁତର ଅବସ୍ଥାରେ ସମ୍ବଲପୁର ସଦର ଡାକ୍ତରଖାନାରେ ଭର୍ତ୍ତି କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ତ୍ରିଦେବ ଏବଂ ତାର ଦୁଇ ଜଣ ସହଯୋଗୀ ଏକ ଡକାୟତି କରିବାକୁ ଯୋଜନା କରୁଥିବାବେଳେ ବିଶ୍ୱସ୍ତ ସୂତ୍ରରୁ ଖବର ପାଇ ପୁଲିସ ସେଠାରେ ପହଞ୍ଚି ଯାଇଥିଲା । ତ୍ରିଦେବକୁ ପୁଲିସ ଧରିବାକୁ ଉଦ୍ୟମ କରିବା ସମୟରେ ତ୍ରିଦେବ ପୁଲିସ ଉପରକୁ ଗୁଳି ଚଳାଇଥିଲା । ତାପରେ ପାଲଟା ଗୁଳିମାଡ଼ କରିଥିଲା ପୁଲିସ୍ ।
ତ୍ରିଦେବର ବାମ ଗୋଡରେ ଗୁଳି ବାଜିଛି । ତ୍ରିଦେବ ନିକଟରୁ ଗୋଟିଏ ବନ୍ଧୁକ, ଦୁଇଟି ଜୀବନ୍ତ ଗୁଳି, ୩୦ ହଜାର ନଗଦ ଟଙ୍କା ଓ ଗୋଟିଏ ଖେଳନା ବନ୍ଧୁକ ଜବତ କରିଛି ପୁଲିସ୍ । ତ୍ରିଦେବ ନାମରେ ସମ୍ବଲପୁରର ବିଭିନ୍ନ ଥାନାରେ ୫ଟି ମାମଲା ରହିଛି । ତେବେ ଘଟଣାସ୍ଥଳରୁ ତ୍ରିଦେବର ଦୁଇ ସହଯୋଗୀ ଫେରାର ହୋଇଯାଇଛନ୍ତି । ସୂଚନାଯୋଗ୍ୟ ଗତ ୨ ତାରିଖରେ ଦୁର୍ଦ୍ଦାନ୍ତ ଅପରାଧୀ ମୌସିମ ଅଖତାରକୁ ପୁଲିସ ଏନକାଉଂଟର କରିଥିଲା ।