ମୁମ୍ବାଇ: ଚର୍ଲିଲ ଚାମ୍ବର ବିଲ୍ଡିଂରେ ଅଗ୍ନିକାଣ୍ଡ, ୧ ମୃତ

ମୁମ୍ବାଇ: ମୁମ୍ବାଇର ପୋସ କୋଲାବା ଅଞ୍ଚଳରେ ଥିବା ଆଇକନିକ୍‌ ‘ତାଜ୍‌ ମହଲ ପ୍ୟାଲେସ୍‌ ହୋଟେଲ୍‌’ ନିକଟରେ ଥିବା ଚର୍ଚିଲ୍‌ ଚାମ୍ବର ବିଲ୍ଡିଂରେ ଭୟାବହ ଅଗ୍ନିକାଣ୍ଡ ଘଟିଛି। ଏହି ଅଗ୍ନିକାଣ୍ଡ ଘଟିବା ପରେ ଅଗ୍ନିଶମ ବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ନିଆଁ ଲିଭା କାମ ଜାରି ରଖିଛନ୍ତି।

ଏହି ଅଗ୍ନିକାଣ୍ଡରେ ଜଣେ ବ୍ୟକ୍ତିଙ୍କର ମୃତ୍ୟୁ ଘଟିଛି। ମୃତକଙ୍କୁ ଛାଡ଼ିଲେ ନିଆଁ ଲାଗି ଯାଇଥିବା ବିଲ୍ଡିଂରୁ ୯ ଜଣଙ୍କୁ ଉଦ୍ଧାର କରାଯାଇଛି। ‘ତାଜ୍‌ ମହଲ ପ୍ୟାଲେସ୍‌ ହୋଟେଲ୍‌’ ନିକଟରେ ନିଆଁ ଲାଗିଥିବା ଏହି ବିଲ୍ଡିଂଟି ୪ ମହଲା ବିଶିଷ୍ଟ।

ପ୍ରାଥମିକ ରିପୋର୍ଟରୁ ଜାଣିବାକୁ ମିଳିଛି ଯେ ବିଲ୍ଡିଂର ୩ ମହଲାରେ ପ୍ରଥମେ ନିଆଁ ଲାଗିବା ଆରମ୍ଭ ହୋଇ ଧୀରେ ଧୀରେ ଏହା ଅନ୍ୟ ମହଲାଗୁଡ଼ିକୁ ବ୍ୟାପିବା ଆରମ୍ଭ କରିଥିଲା।

ଏହି ନିଆଁକୁ ଆୟତ୍ତକୁ ଆଣିବା ପାଇଁ ଅଗ୍ନିଶମ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ଲୁହା ସିଡ଼ି ଲଗାଇ ଚଢ଼ି ଉପରୁ ପାଣି ପକାଇଥିଲେ। ଏହି ସବୁ ଘଟଣା ଏକ ଭିଡିଓରେ ଦେଖିବାକୁ ମିଳିଛି।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

ସମ୍ବନ୍ଧିତ ଖବର

Comments are closed.