କରୋନା ଭାଇରସ ସଂକ୍ରମିତ ସଂଖ୍ୟା : ଗୋଟିଏ ମାସରେ ୧ ଲକ୍ଷରୁ ୧୦ ଲକ୍ଷ
ନୂଆଦିଲ୍ଲୀ : କରୋନା ଭାଇରସ ସମଗ୍ର ମାନବଜାତି ପାଇଁ ଏକ ଅଭୁତପୂର୍ବ ମାନବୀୟ ସଂକଟ ଆଣିଦେଇଛି । ୨ୟ ବିଶ୍ୱଯୁଦ୍ଧ ପରଠାରୁ ମାନବଜାତି କେବେ ମଧ୍ୟ ଏପରି ଗଭୀର ସଂକଟର ସାମନା କରିନଥିଲା । ଗତ କିଛି ଦିନ ମଧ୍ୟରେ ଏହି ଭାଇରସ ଏପରି ଦ୍ରୁତ ଗତିରେ ମାଡ଼ିଚାଲିଛି ଯେ ତାହା ବୈଜ୍ଞାନିକମାନଙ୍କୁ ମଧ୍ୟ ଆଶ୍ଚର୍ଯ୍ୟ କରିଦେଇଛି ।
Sambad is now on WhatsApp
Join and get latest news updates delivered to you via WhatsApp
ଚୀନର ଉହାନ ସହରରୁ ପ୍ରାୟ ତିନିମାସ ତଳେ ଆରମ୍ଭ ହୋଇଥିବା ଏହି କରୋନା ଭାଇରସ ପ୍ରଥମେ ଚୀନରେ ସୀମିତ ହୋଇରହିଥିଲା । ୧ ଲକ୍ଷ ସଂକ୍ରମିତ ସଂଖ୍ୟା ଛୁଇଁବାକୁ ଏହାକୁ ପ୍ରାୟ ୩ ମାସ ସମୟ ଲାଗିଯାଇଥିଲା । ଗତ ମାର୍ଚ୍ଚ ୬ ତାରିଖରେ ହିଁ ବିଶ୍ୱର ମୋଟ ସଂକ୍ରମିତଙ୍କ ସଂଖ୍ୟା ୧ ଲକ୍ଷ ଛୁଇଁଥିଲା । କିନ୍ତୁ ଏପ୍ରିଲ ୩ ତାରିଖରେ ଏହା ୧୦ ଲକ୍ଷ ଟପିଯାଇଛି । ଅର୍ଥାତ ୧ ଲକ୍ଷରୁ ୧୦ ଲକ୍ଷ ହେବା ପାଇଁ ଏହାକୁ ମାସକରୁ ମଧ୍ୟ କମ ସମୟ ଲାଗିଛି । ଅନ୍ୟପ୍ରକାରେ କହିଲେ ପ୍ରାୟ ୧୨ ସପ୍ତାହରେ ଏହା ୧ ଲକ୍ଷ ଟପିଥିବାବେଳେ ମାତ୍ର ୪ ସପ୍ତାହରେ ତାହା ୧୦ ଲକ୍ଷ ଛୁଇଁଛି । କରୋନା ଭାଇରସର ଏପରି ଦ୍ରୁତ ପ୍ରସାରକୁ ନେଇ ବିଶ୍ୱର ବୈଜ୍ଞାନିକମାନେ ଚିନ୍ତାରେ ପଡ଼ିଯାଇଛନ୍ତି । ଆହୁରି ଚିନ୍ତାଜନକ ବିଷୟ ହେଉଛି ଏହାକୁ ଆଗକୁ ଆହୁରି ଦ୍ରୁତ ଗତିରେ ବଢିବାର ଆଶଙ୍କା ବ୍ୟକ୍ତି କରିଛନ୍ତି ବିଶେଷଜ୍ଞ ।