ନୂଆଦିଲ୍ଲୀ: ଟିମ୍ ଇଣ୍ଡିଆର ମୁଖ୍ୟ ପ୍ରଶିକ୍ଷକ ଗୌତମ ଗମ୍ଭୀର ଏକ କାର୍ଯ୍ୟକ୍ରମରେ ବିରାଟ କୋହଲି ଏବଂ ରୋହିତ ଶର୍ମାଙ୍କ ଭବିଷ୍ୟତ ବିଷୟରେ ଏକ ବଡ଼ ବୟାନ ଦେଇଛନ୍ତି। କାର୍ଯ୍ୟକ୍ରମରେ ଗମ୍ଭୀରଙ୍କୁ ପଚରାଯାଇଥିଲା ଯେ ରୋହିତ ଏବଂ ବିରାଟ ୨୦୨୭ ଦିନିକିଆ ବିଶ୍ୱକପରେ ଖେଳିବେ କି? ଗମ୍ଭୀର ଏହାର ଏକ ଆକର୍ଷଣୀୟ ଉତ୍ତର ଦେଇଥିଲେ। ମୁଖ୍ୟ ପ୍ରଶିକ୍ଷକ ଗୌତମ ଗମ୍ଭୀର କହିଛନ୍ତି, "ଏହା ଉଭୟଙ୍କ ନିଷ୍ପତ୍ତି ହେବ। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଉଭୟ କିପରି ପ୍ରଦର୍ଶନ କରିବେ। ଚାମ୍ପିଅନ୍ସ ଟ୍ରଫିରେ ଦୁହେଁ କିପରି ପ୍ରଦର୍ଶନ କରିଥିଲେ ତାହା ବିଶ୍ୱ ଦେଖିଛି। ଯେପର୍ଯ୍ୟନ୍ତ ସେମାନେ ଖେଳୁଛନ୍ତି, ସେମାନେ ଦଳର ଅଂଶ ରହିବେ। ଯେପର୍ଯ୍ୟନ୍ତ ସେମାନେ ପ୍ରଦର୍ଶନ ଜାରି ରଖିବେ, ସେପର୍ଯ୍ୟନ୍ତ ସେମାନେ ଖେଳୁଥିବେ। ଯଦି ଜଣେ ଖେଳାଳି ୪୦ କିମ୍ବା ୪୫ ବର୍ଷ ବୟସରେ ମଧ୍ୟ ପ୍ରଦର୍ଶନ କରୁଛି, ତେବେ ସେ ଖେଳିବା ଉଚିତ।"

Advertisment

ସେହିପରି ରୋହିତ ଶର୍ମା ଏବଂ ବିରାଟ କୋହଲିଙ୍କୁ ବିଦାୟ ମିଳିବ କି? ଏହା ଉପରେ ଗମ୍ଭୀର କହିଛନ୍ତି, "ବିଦାୟ କୌଣସି କ୍ରିକେଟରଙ୍କ ପାଇଁ ଗୁରୁତ୍ୱପୂର୍ଣ୍ଣ ନୁହେଁ। ଦେଶ ପାଇଁ ବିଜୟରେ ସେ କେତେ ଅବଦାନ ଦେଇଛନ୍ତି ତାହା ଗୁରୁତ୍ୱପୂର୍ଣ୍ଣ। ଯାହାହେଉ, ଖେଳାଳି ଚୟନ କରିବା ପ୍ରଶିକ୍ଷକଙ୍କ କାମ ନୁହେଁ। ଚୟନକାରୀଙ୍କ କାମ ଚୟନ କରିବା।

ସେହିପରି ଫାଇନାଲରେ ଭାରତର ବିଜୟ ପାଇଁ ତାଙ୍କୁ ଶ୍ରେୟ ଦିଆନଯିବା ନେଇ କଣ କହିବେ ବୋଲି ପଚରାଯାଇଥିଲା | ଗମ୍ଭୀର ଉତ୍ତର ଦେଇଥିଲେ, ଯେତେବେଳେ ଜଣେ ଖେଳାଳି ଏତେ ବଡ଼ ମ୍ୟାଚ୍ ଖେଳିବାକୁ ଯାଉଛନ୍ତି, ସେ ଶ୍ରେୟ ନେବା ବିଷୟରେ ଚିନ୍ତା କରନ୍ତି ନାହିଁ। ଗମ୍ଭୀର କହିଛନ୍ତି, "ଯେଉଁମାନେ ପ୍ରଶ୍ନ ଉଠାନ୍ତି ଯେ ଫାଇନାଲରେ ବିଜୟ ପାଇଁ ମୋତେ ଶ୍ରେୟ ଦିଆଯାଇ ନଥିଲା, ସେମାନେ ପ୍ରକୃତରେ ସେହି ଲୋକ ଯେଉଁମାନେ ମୋତେ ବିଜୟ ପାଇଁ ଶ୍ରେୟ ଦେଇ ନଥିଲେ। ବାକି ଲୋକମାନେ ମୋତେ ସେହି ଇନିଂସ ପାଇଁ ବହୁତ ଭଲପାଇବା ଦେଇଛନ୍ତି।"