ମଙ୍ଗଳସୂତ୍ର ପିନ୍ଧାଉ ପିନ୍ଧାଉ ଚାଲିଗଲା ବରର ଜୀବନ

ବେଙ୍ଗାଲୁରୁ: କର୍ଣ୍ଣାଟକର ବାଗଲକୋଟରେ ବିବାହ ସମୟରେ ବରର ହୃଦଘାତ ହୋଇଥିଲା, ଯାହା ଫଳରେ ତାଙ୍କର ମୃତ୍ୟୁ ହୋଇଥିଲା। କୁହାଯାଉଛି ଯେ ମଙ୍ଗଳସୂତ୍ର ପିନ୍ଧାଉଥିବା ମାତ୍ରେ ବରର ହୃଦଘାତ ହୋଇଥିଲା। ବରର ବୟସ ମାତ୍ର ୨୫ ବର୍ଷ ଥିଲା। ଏହି ଘଟଣା ପରେ ବର ଏବଂ କନ୍ୟା ପରିବାର ଲୋକେ ଦୁଃଖରେ ଭାଙ୍ଗିପଡିଛନ୍ତି । ତେବେ ଏହା ଜଣେ ଯୁବକଙ୍କ ହୃଦଘାତ ହେବାର ପ୍ରଥମ ଘଟଣା ନୁହେଁ। ଗତ କିଛି ବର୍ଷ ମଧ୍ୟରେ, ଯୁବପିଢ଼ିଙ୍କ ମଧ୍ୟରେ ହୃଦଘାତ ମାମଲା ଦ୍ରୁତ ଗତିରେ ବୃଦ୍ଧି ପାଇଛି।

ମିଳିଥିବା ସୂଚନା ମୁତାବକ ଘଟଣାଟି ଶନିବାର ଜାମଖଣ୍ଡି ସହରରେ ଘଟିଥିଲା। ଏହି ସମୟରେ ଏକ ବିବାହ ଉତ୍ସବ ଚାଲିଥିଲା। ବିବାହ ଉତ୍ସବରେ ଉପସ୍ଥିତ ଜଣେ ବ୍ୟକ୍ତି କହିଛନ୍ତି ଯେ ମଙ୍ଗଳସୂତ୍ର ବାନ୍ଧିବାର କିଛି ମିନିଟ୍ ପରେ, ବର ପ୍ରବୀଣ ତାଙ୍କ ଛାତିରେ ଯନ୍ତ୍ରଣା ଅନୁଭବ କଲେ ଏବଂ ତଳେ ପଡ଼ିଗଲେ।

ଅନ୍ୟ ଜଣେ ବ୍ୟକ୍ତି କହିଛନ୍ତି ଯେ ବାପାମାଆ ବରକୁ ଏକ ଘରୋଇ ହସ୍ପିଟାଲକୁ ନେଇଯାଇଥିଲେ। ଯେଉଁଠାରେ ଡାକ୍ତରମାନେ ତାଙ୍କୁ ମୃତ ଘୋଷଣା କରିଥିଲେ। ମୃତଦେହକୁ ପୋଷ୍ଟମର୍ଟମ ପାଇଁ ପଠାଯାଇଛି। ଉଲ୍ଲେଖ ଥାଉ କି ଫେବୃଆରୀ ମାସରେ, ମଧ୍ୟପ୍ରଦେଶର ଏକ ବିବାହ ସଙ୍ଗୀତରେ ନାଚୁଥିବା ସମୟରେ ଜଣେ ୨୩ ବର୍ଷୀୟ ମହିଳା ହୃଦଘାତର ଶିକାର ହୋଇଥିଲେ ଏବଂ ମଞ୍ଚ ଉପରେ ତାଙ୍କର ମୃତ୍ୟୁ ହୋଇଥିଲା।