ଜନ୍ମଦିନ‌ରେ ଦଳକୁ ବିଜୟ ଉପହାର ଦେଲେ ହର୍ମନପ୍ରୀତ

ରାଉରକେଲା: ସୁର୍‌ମା ହକି କ୍ଲବ ଓ ଦିଲ୍ଲୀ ଏସ୍‌ଜି ପାଇପର୍ସ ମଧ୍ୟରେ ସୋମବାର ଖେଳାଯାଇଥିବା ହକି ଇଣ୍ଡିଆ ଲିଗ୍‌ର ୧୩ତମ ମ୍ୟାଚ୍‌ ବେଶ୍‌ ଉତ୍କଣ୍ଠାପୂର୍ଣ୍ଣ ହୋଇଛି। ତୃତୀୟ କ୍ବାର୍ଟର୍‌ ଶେଷ ସୁଦ୍ଧା ୦-୨ ଗୋଲ୍‌ରେ ପଛୁଆ ଥିବା ସୁର୍‌ମା ଚମତ୍କାର ପ୍ରତ୍ୟାବର୍ତ୍ତନ କରି ମ୍ୟାଚ୍‌କୁ ୨-୨ ଗୋଲ୍‌ରେ ଅମୀମାଂସିତ ରଖିଥିଲା। ପରେ ସୁଟ୍‌ଆଉଟ୍‌ରେ ୩-୧ ଗୋଲ୍‌ରେ ବିଜୟୀ ହୋଇ ପଏଣ୍ଟ୍‌ ତାଲିକାର ଦ୍ବିତୀୟ ସ୍ଥାନକୁ ଉଠିଛି। ହର୍ମନପ୍ରୀତ ମ୍ୟାଚ୍‌ର ଶ୍ରେଷ୍ଠ ଖେଳାଳି ପୁରସ୍କାର ପାଇଛନ୍ତି।