ବିନା କୌଣସି ଅତିରିକ୍ତ ଚାର୍ଜରେ ପାଇପାରିବେ ଅସୀମିତ ହାଇସ୍ପିଡ଼ ଡାଟା

ନୂଆଦିଲ୍ଲୀ: ଭୋଡାଫୋନ୍ ଆଇଡିଆ (ଭିଆଇ) ଉପଭୋକ୍ତାମାନଙ୍କ ପାଇଁ ଏକ ଖୁସି ଖବର। କମ୍ପାନୀ ଏହାର ପ୍ରିପେଡ୍ ପ୍ଲାନରେ ଅସୀମିତ ଡାଟା ପ୍ରଦାନ କରିବାକୁ ନିଷ୍ପତ୍ତି ନେଇଛି। ଏହାର ଅର୍ଥ ହେଉଛି ଯେ ଏବେ ଭିଆଇ ଉପଭୋକ୍ତାମାନେ କୌଣସି ଚିନ୍ତା ବିନା ଡାଟା ବ୍ୟବହାର କରିପାରିବେ। କମ୍ପାନୀ ଡାଟା ବ୍ୟବହାର ଉପରେ କୌଣସି ସୀମା ଧାର୍ଯ୍ୟ କରିନାହିଁ। କୁହାଯାଉଛି ଯେ କମ୍ପାନୀ ବର୍ତ୍ତମାନ ଏହି ଡାଟା ପ୍ୟାକ୍ ପରୀକ୍ଷାମୂଳକ ଭାବରେ ଆଣିଛି। ଏହା ବିଶ୍ୱାସ କରାଯାଉଛି ଯେ ଏହି ସୁବିଧା ଭବିଷ୍ୟତରେ ସମସ୍ତ ଉପଭୋକ୍ତାଙ୍କ ପାଇଁ କାର୍ଯ୍ୟକାରୀ କରାଯାଇପାରିବ।

 କମ୍ପାନୀର ଏହି ଅଫର ବିଷୟରେ କହିବାକୁ ଗଲେ ଭିଆଇ ଏବେ ୩୬୫ ଟଙ୍କାରୁ ଅଧିକ ରିଚାର୍ଜ କରୁଥିବା ଉପଭୋକ୍ତାମାନଙ୍କୁ ଅସୀମିତ ଡାଟା ପ୍ରଦାନ କରିବ। ଅର୍ଥାତ୍, କମ୍ପାନୀ ଏହି ଅଫର ୩୬୫, ୩୭୯, ୪୦୭, ୪୪୯, ୪୦୮, ୪୬୯, ୬୪୯, ୯୭୯, ୯୯୪, ୯୯୬, ୯୯୭, ୯୯୮ ଏବଂ ୧୧୯୮ ଟଙ୍କାର ପ୍ଲାନରେ ପ୍ରଦାନ କରୁଛି। ଉଲ୍ଲେଖ ଥାଉ କି ଯେ ଏହି ପ୍ଲାନଗୁଡ଼ିକ ପୂର୍ବରୁ କାର୍ଯ୍ୟକାରୀ ହୋଇସାରିଛି। ଏବେ ଏଗୁଡ଼ିକ ଉପରେ ନୂତନ ସୁବିଧା ଘୋଷଣା କରାଯାଇଛି। ବର୍ତ୍ତମାନ ଏହି ଅଫର ମଧ୍ୟପ୍ରଦେଶ, ରାଜସ୍ଥାନ ଏବଂ ଆନ୍ଧ୍ର ପ୍ରଦେଶରେ ଚାଲୁଛି।

ଆଶା କରାଯାଉଛି ଯେ କମ୍ପାନୀ ଭବିଷ୍ୟତରେ ଏହାକୁ ସାରା ଦେଶରେ କାର୍ଯ୍ୟକାରୀ କରିପାରିବ। ଭିଆଇ ଦେଶର ତୃତୀୟ ବୃହତ୍ତମ ଟେଲିକମ୍ କମ୍ପାନୀ ଏବଂ ଏପର୍ଯ୍ୟନ୍ତ ଏହା ଏହାର ବ୍ୟବହାରକାରୀଙ୍କୁ କେବଳ ୪ଜି ସଂଯୋଗ ପ୍ରଦାନ କରୁଛି। କମ୍ପାନୀ ମାର୍ଚ୍ଚ ମାସରୁ ଦେଶର ୭୫ଟି ସହରରେ ୫ଜି ସେବା ଆରମ୍ଭ କରିବାକୁ ଯାଉଛି। ନୂତନ ଅଫରକୁ ସେପର୍ଯ୍ୟନ୍ତ ଗ୍ରାହକମାନଙ୍କୁ ବଜାୟ ରଖିବାର ଏକ ପ୍ରୟାସ ଭାବରେ ଦେଖାଯାଉଛି।