ସୁନ୍ଦରଗଡ଼ ସହରରେ ମହୁମାଛି ଆକ୍ରମଣ

ସୁନ୍ଦରଗଡ଼: ଆଜି ସକାଳ ୯ଟା ୪୫ ରେ ସୁନ୍ଦରଗଡ଼ ସହର ପଞ୍ଚମୁଖୀ ହନୁମାନ ଛକରେ ମହୁମାଛି ଲୋକଙ୍କୁ ଗୋଡ଼ାଇ ଗୋଡ଼ାଇ ଆକ୍ରମଣ କରିଛି। ଆକ୍ରମଣରେ କିଛି ଶିଶୁଙ୍କ ସମେତ ୪ ଜଣ ଆହତ ହୋଇଥିବାବେଳେ ସେମାନଙ୍କ ମଧ୍ଯରୁ ଜଣକୁ ଜିଲ୍ଲା ମୁଖ୍ଯ ଡାକ୍ତରଖାନାରେ ଭର୍ତ୍ତି କରାଯାଇଛି।

ବିଏସଏନଏଲ ଭବନର ସୁଉଚ୍ଚ କୋଠା କାନ୍ଥରେ ମହୁମାଛି ଏକାଧିକ ଫେଣା ବାନ୍ଧି ରହିଛନ୍ତି । ସକାଳୁ ବାଜପକ୍ଷୀ ଫେଣାରେ ଥଣ୍ଟ ମାରି ଦେଇଥିବା ଅଥବା କୌଣସି କାରଣରୁ ମହୁମାଛି ପଥଚାରୀମାନଙ୍କୁ ଅତର୍କିତ ଆକ୍ରମଣ କରିଥିଲେ । ଲୋକେ ଧାଇଁ ପଳାଇଥିଲେ। କିଛି ସମୟ ପରେ ମହୁମାଛି ଫେରି ଯାଇଥିଲେ।