ଆଇପିଏଲରୁ କେତେ ଟଙ୍କା ରୋଜଗାର କରନ୍ତି ସରକାର?

ନୂଆଦିଲ୍ଲୀ: ଏବେ ଭାରତରେ ଆଇପିଏଲ ଋତୁ ଚାଲିଛି | ଫଟାଫଟ କ୍ରିକେଟର ଏହି ଜ୍ୱର ଏବେ କ୍ରିକେଟପ୍ରେମୀଙ୍କୁ ଧରିଛି | ତେବେ ଆଇପିଏଲ କେବଳ ଦର୍ଶକଙ୍କୁ ମନୋରଞ୍ଜନର ଖୋରାକ ସହ ନୂଆ ପ୍ରତିଭାଙ୍କୁ ସୁଯୋଗ ଦେଉନାହିଁ ବରଂ ସରକାରଙ୍କୁ ଏକ ବଡ ଲାଭ ମଧ୍ୟ ଦେଉଛି | ଯଦିଓ ଆଇପିଏଲର ଲାଭ ଟିକସମୁକ୍ତ କିନ୍ତୁ ଭାରତ ସରକାର ଏହି ଟୁର୍ଣ୍ଣାମେଣ୍ଟରୁ କୋଟି କୋଟି ଟଙ୍କା ଅନ୍ୟ ଉପାୟରେ ପାଇଥାନ୍ତି |

ପ୍ରକୃତରେ, ପ୍ରତିବର୍ଷ ସରକାର ଆଇପିଏଲ ପାଇଁ ଅନୁଷ୍ଠିତ ମେଗା ନିଲାମରୁ ବିପୁଳ ପରିମାଣର ଟଙ୍କା ରୋଜଗାର କରନ୍ତି। ଏହି ଆୟ ଖେଳାଳିଙ୍କ ଦରମାରୁ କଟାଯାଉଥିବା ଟିଡ଼ିଏସ ମାଧ୍ୟମରେ ଆସିଥାଏ। ଯଦି ଆମେ ଆଇପିଏଲ ୨୦୨୫ ମେଗା ନିଲାମ ବିଷୟରେ କଥା ହେବା, ତେବେ ଏହା ଭାରତ ସରକାରଙ୍କ ରାଜକୋଷକୁ ୮୯.୪୯ କୋଟି ଟଙ୍କା ଆଣିଥିଲା।

ଆଇପିଏଲ ୨୦୨୫ ମେଗା ନିଲାମରେ, ୧୦ଟି ଦଳ ଖେଳାଳିଙ୍କୁ କିଣିବା ପାଇଁ ମୋଟ ୬୩୯.୧୫ କୋଟି ଟଙ୍କା ଖର୍ଚ୍ଚ କରିଥିଲେ। ଏଥିରେ ୧୨୦ ଜଣ ଭାରତୀୟ ଖେଳାଳି ଏବଂ ୬୨ ଜଣ ବିଦେଶୀ ଖେଳାଳି ବିକ୍ରି ହୋଇଥିଲେ। ୧୦ଟି ଦଳ ଭାରତୀୟ ଖେଳାଳିଙ୍କ ନିଲାମ ପାଇଁ ୩୮୩.୪୦ କୋଟି ଟଙ୍କା ଏବଂ ବିଦେଶୀ ଖେଳାଳିଙ୍କ ପାଇଁ ୨୫୫.୭୫ କୋଟି ଟଙ୍କା ଖର୍ଚ୍ଚ କରିଛନ୍ତି। ରିପୋର୍ଟ ଅନୁଯାୟୀ, ଭାରତୀୟ ଖେଳାଳିଙ୍କ ଆଇପିଏଲ ଦରମା ଉପରେ ୧୦ ପ୍ରତିଶତ ଏବଂ ବିଦେଶୀ ଖେଳାଳିଙ୍କ ଉପରେ ୨୦ ପ୍ରତିଶତ ଟିଡିଏସ୍ କଟାଯାଏ। ଏହି ଅନୁସାରେ, ଭାରତ ସରକାର ଏଥିରୁ ୮୯.୪୯ କୋଟି ଟଙ୍କା ଲାଭ କରିଥିଲେ।