ହାଇଦ୍ରାବାଦ: ଆଜିକାଲି ସାଉଥ ସିନେମାର ପ୍ରସିଦ୍ଧ ଅଭିନେତା ନାଗାର୍ଜୁନ ଅସୁବିଧାରେ ଅଛନ୍ତି। ଶନିବାର ଦିନ ହାଇଦ୍ରାବାଦରେ ତାଙ୍କ ମାଲିକାନାରେ ଥିବା ଏନ-କନଭେନସନ୍ ସେଣ୍ଟରକୁ ବୁଲଡୋଜର ଲଗାଇ  ଭାଙ୍ଗି ଦିଆଯାଇଥିଲା। ସରକାରୀ ଜାଗାକୁ ମାଡ଼ିବସିଥିବାରୁ ଏହି କାର୍ଯ୍ୟାନୁଷ୍ଠାନ ନିଆଯାଇଛି। ବାସ୍ତବରେ, ୧୦ ଏକର ଜମିରେ ନିର୍ମିତ ଏନ-କନଭେନସନ୍ କେନ୍ଦ୍ରକୁ ନେଇ ବହୁ ବର୍ଷ ଧରି ତଦନ୍ତ ଚାଲିଛି | ହାଇଦ୍ରାବାଦର ମାଧପୁର ଅଂଚଳରେ ଥିବା ଥାମ୍ମିଡୁକୁଣ୍ଟା ହ୍ରଦର ଜମିକୁ କବଜା କରି ଏହି ବେଆଇନ ନିର୍ମାଣ ଅଭିଯୋଗ ଆସିବା ପରେ ଏହାକୁ ଭାଙ୍ଗି ଦିଆଯାଇଛି।

Advertisment

ହାଇଦ୍ରାବାଦ ବିପର୍ଯ୍ୟୟ ମୁକାବିଲା ଏବଂ ସମ୍ପତ୍ତି ମନିଟରିଂ ଆଣ୍ଡ ପ୍ରୋଟେକସନ (HYDRA) ଅଧିକାରୀମାନେ ଅନେକ ଅଭିଯୋଗ ପାଇବା ପରେ ତଦନ୍ତ ଆରମ୍ଭ କରିଥିଲେ। ଅଭିଯୋଗ ହୋଇଥିଲା ଯେ ଥାମ୍ମିଡୁକୁଣ୍ଟା ହ୍ରଦର ଅଂଚଳ ପ୍ରାୟ ୨୯.୨୪ ଏକର | ଅଭିଯୋଗ ହେଉଛି ଯେ ଏନ-କନଭେନସନ୍ ପ୍ରାୟ ୧.୧୨ ଏକର ଜମିକୁ କବଜା କରି ଏହାକୁ ପୋତି ବିଳାସମୟ ହଲ ନିର୍ମାଣ କରିଥିଲା |

ଏନେଇ ବାରମ୍ବାର ଅଭିଯୋଗ ପରେ ଏହାର ତଦନ୍ତ କରାଯାଇଥିଲା | ଆଉ ଅଭିଯୋଗ ସତ ବୋଲି ଜଣାପଡିବା ପରେ ଶନିବାର ସକାଳୁ ଅଧିକାରୀମାନେ ଘଟଣାସ୍ଥଳରେ ପହଂଚି ଏହି ଭାଙ୍ଗିବା କାର୍ଯ୍ୟରେ ଅନେକ ବୁଲଡୋଜରକୁ ନିୟୋଜିତ କରିଥିଲେ | ହାଇଦ୍ରାବାଦ ମ୍ୟୁନିସିପାଲ କର୍ପୋରେସନର ଅଧିକାରୀମାନେ ଘଟଣାସ୍ଥଳରେ ଉପସ୍ଥିତ ଥିଲେ ଏବଂ ସେମାନଙ୍କ ସହ ବହୁ ସଂଖ୍ୟକ ପୁଲିସ ନିୟୋଜିତ ହୋଇଥିଲେ।