ନୂଆଦିଲ୍ଲୀ : କରୋନା ମହାମାରୀ ପରି ବିପତ୍ତି ସମୟରେ ଚୀନ ଶସ୍ତା ଓ ତ୍ରୁଟିଯୁକ୍ତ ଟେଷ୍ଟ କିଟ ବିକ୍ରି କରି ଦେଶମାନଙ୍କୁ ଠକିଚାଲିଛି । ଭାରତରେ ମଧ୍ୟ ଚୀନ ନିର୍ମିତ ରାପିଡ ଟେଷ୍ଟିଂ କିଟ (ଆରଟି-ପିସିଆର)ରେ ଅନେକ ସମୟରେ ଭୁଲ ରିପୋର୍ଟ ଆସୁଥିବାରୁ ସରକାର ଆସନ୍ତା ଦୁଇଦିନ ପାଇଁ ଏହାର ବ୍ୟବହାର ଉପରେ ରୋକ ଲଗାଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
SD Biosensor has just started production from its Manesar facility with a capacity of 500,000 rapid test kits per week. This will be further enhanced in coming weeks to meet growing demand. @MEAIndia @mofa_kr @MOTIEKoreaEng @MoHFW_INDIA @SDBIOSENSOR_PR pic.twitter.com/hV3AqONIlu
— India in ROK (@IndiainROK) April 21, 2020
ଏହା ପରେ ଭାରତରେ ଏବେ ଦକ୍ଷିଣ-କୋରିଆ ନିର୍ମିତ କିଟ ବ୍ୟବହାର କରିବାକୁ ସରକାର ଯୋଜନା କରୁଛନ୍ତି । ଦକ୍ଷିଣ-କୋରିଆ କମ୍ପାନି ଏସଡି ବାୟୋସେନସର ପକ୍ଷରୁ ହରିୟାଣାର ମାନେସରରେ ଏକ କିଟ ନିର୍ମାଣକାରୀ କାରଖାନା ନିର୍ମାଣ କରାଯାଇଛି । ଏହି କାରଖାନାର କ୍ଷମତା ୫ ଲକ୍ଷ ରାପିଡ ଟେଷ୍ଟ କିଟ ରହିଛି ।ଏହି କାରଖାନାରୁ ନିର୍ମାଣ ଆରମ୍ଭ ହୋଇଗଲାଣି ଓ ଆସନ୍ତା କିଛି ସପ୍ତାହ ମଧ୍ୟରେ କମ୍ପାନି ନିଜର ଉତ୍ପାଦନ ବୃଦ୍ଧି କରିବ ।
ରାପିଡ୍ ଟେଷ୍ଟିଂ କିଟ ଗୁଡ଼ିକର ଫଳାଫଳରେ ଭିନ୍ନତା ପରିଲକ୍ଷିତ ହେଉଥିବାରୁ ଆସନ୍ତା ୨ ଦିନ ପର୍ଯ୍ୟନ୍ତ ରାପିଡ ଟେଷ୍ଟ ନକରିବାକୁ ଭାରତୀୟ ଭେଷଜ ଗବେଷଣା ପରିଷଦ (ଆଇସିଏମଆର) ପକ୍ଷରୁ ପରାମର୍ଶ ଜାରି କରାଯାଇଛି ।
ରାପିଡ ଟେଷ୍ଟ କିଟ ସଂପର୍କରେ ରାଜସ୍ଥାନ ସରକାର ଆପତ୍ତି ଉଠାଇ ଏହି ପରୀକ୍ଷାକୁ ବନ୍ଦ କରିଦେଇଥିଲେ । ଏହି କିଟଗୁଡ଼ିକରେ ଭୁଲ ଫଳାଫଳ ବାହାରୁଛି । ମାତ୍ର ୫.୪ ପ୍ରତିଶତ ସଠିକ ରିପୋର୍ଟ ବାହାରୁଛି ବୋଲି ରାଜ୍ୟର ସ୍ୱାସ୍ଥ୍ୟମନ୍ତ୍ରୀ ରଘୁ ଶର୍ମା କେନ୍ଦ୍ର ସରକାରଙ୍କୁ ଜଣାଇଥିଲେ ।