ଶ୍ରୀନଗର: ଜମ୍ମୁ-କଶ୍ମୀର ଉପରାଜ୍ୟପାଳ ମନୋଜ ସିହ୍ନା ସୋମବାର କହିଛନ୍ତି ଯେ ଗଣ୍ଡରବଲରେ ହୋଇଥିବା ନୃଶଂସ ଆତଙ୍କବାଦୀ ଆକ୍ରମଣରେ ପ୍ରାଣ ହରାଇଥିବା ଶ୍ରମିକଙ୍କ ମୃତ୍ୟୁର ପ୍ରତିଶୋଧ ସୁରକ୍ଷା ବାହିନୀ ନେବ ଏବଂ ଏପରି ଶିକ୍ଷା ଦିଆଯିବ ଯେ ଭବିଷ୍ୟତରେ ଆତଙ୍କବାଦୀମାନେ ତାହାକୁ ମନେ ରଖିବେ। ସେ ମୃତକଙ୍କୁ ନ୍ୟାୟ ଦେବା ଉପରେ ଗୁରୁତ୍ୱାରୋପ କରିବା ସହ ଶାନ୍ତି ଭଙ୍ଗ କରିବା ପାଇଁ ପାକିସ୍ତାନ ଏବେ ବି ଏହି ଅଞ୍ଚଳରେ ନିରୀହ ଲୋକଙ୍କୁ ହତ୍ୟା କରିବାକୁ ଚେଷ୍ଟା କରୁଛି ବୋଲି ଅଭିଯୋଗ କରିଛନ୍ତି। କ୍ଷତିଗ୍ରସ୍ତ ପରିବାରକୁ ଆର୍ଥିକ ସହାୟତା ଯୋଗାଇ ଦେବାକୁ ସେ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି।

Advertisment

କଶ୍ମୀରର ଗୁଣ୍ଡ ଜିଲ୍ଲାରେ ଏକ ନିର୍ମାଣାଧୀନ ସୁଡ଼ଙ୍ଗରେ ଆତଙ୍କବାଦୀ ଆକ୍ରମଣରେ ଜଣେ ଡାକ୍ତର ଏବଂ ୬ ଜଣ ଅଣସ୍ଥାନୀୟ ଶ୍ରମିକଙ୍କ ସମେତ ୭ ଜଣଙ୍କ ମୃତ୍ୟୁ ଘଟିଥିବା ବେଳେ ୫ ଜଣ ଆହତ ହୋଇଛନ୍ତି। ସୋସିଆଲ ମିଡିଆ ପ୍ଲାଟଫର୍ମ 'ଏକ୍ସ'ରେ ଏକ ପୋଷ୍ଟରେ ସିହ୍ନା କହିଛନ୍ତି, ଶ୍ରମିକଙ୍କ ଉପରେ ହୋଇଥିବା ନିଷ୍ଠୁର ଓ ବର୍ବର ଆକ୍ରମଣ ପାଇଁ ପ୍ରତିଶୋଧ ନିଆଯିବ। ମୁଁ ଜମ୍ମୁ-କଶ୍ମୀର ପୁଲିସ ଏବଂ ସୁରକ୍ଷା ବାହିନୀକୁ କହିଛି ଯେ ଆତଙ୍କବାଦୀ ଏବଂ ସେମାନଙ୍କ ସମର୍ଥକମାନେ ଭବିଷ୍ୟତରେ ମନେ ରଖିବେ।