କେରଳର ଏହି ବିଜେପି ପ୍ରାର୍ଥୀଙ୍କ ଉପରେ ସମଗ୍ର ଦେଶର ନଜର ରହିଛି, କାରଣ ଜାଣନ୍ତୁ
ନୂଆଦିଲ୍ଲୀ : ଆଗାମୀ ଲୋକସଭା ନିର୍ବାଚନ ପାଇଁ ବିଜେପି ଆଜି ଆଉ ଏକ ପ୍ରାର୍ଥୀ ତାଲିକା ପ୍ରକାଶ କରିଛି । ଏଥିରେ ୧୧ ଟି ଲୋକସଭା କ୍ଷେତ୍ର ପାଇଁ ପ୍ରାର୍ଥୀ ଘୋଷଣା କରାଯାଇଛି । ଏହି ତାଲିକା ଥିବା ପ୍ରାର୍ଥୀମାନଙ୍କ ମଧ୍ୟରୁ ସମସ୍ତଙ୍କ ନଜର ରହିଥିଲା କେରଳର ପଥନାମଥିଥା ଲୋକସଭା ନିର୍ବାଚନ ମଣ୍ଡଳୀ ପାଇଁ ବିଜେପିର ପ୍ରାର୍ଥୀଙ୍କ ଉପରେ । ଏହି ଆସନ ପାଇଁ ବିଜେପି କେ.ସୁରେନ୍ଦ୍ରନଙ୍କୁ ପ୍ରାର୍ଥୀ କରିଛି । ଏହି ଆସନଟି ଏକ ନିର୍ଦ୍ଦିଷ୍ଟ କାରଣରୁ ସମସ୍ତଙ୍କ ନଜରରେ ରହିଛି । ତାହା ହେଉଛି ଏହି ନିର୍ବାଚନ ମଣ୍ଡଳୀ ଅଧିନରେ ଆସୁଛି କେରଳର ପ୍ରସିଦ୍ଧ ତୀର୍ଥ କ୍ଷେତ୍ର ସାବରିମାଲା ।
Sambad is now on WhatsApp
Join and get latest news updates delivered to you via WhatsApp
ସାବରିମାଲାର ଆୟପ୍ପାସ୍ବାମୀ ମନ୍ଦିରରେ ଗତ ବର୍ଷ ମହିଳାଙ୍କ ପ୍ରବେଶକୁ ନେଇ ବ୍ୟାପକ ଜନଅସନ୍ତୋଷ ଦେଖାଦେଇଥିଲା । ସୁପ୍ରିମକୋର୍ଟଙ୍କ ନିର୍ଦ୍ଦେଶ ସତ୍ତ୍ବେ ମହିଳାଙ୍କ ପ୍ରବେଶକୁ ସ୍ଥାନୀୟ ଭକ୍ତମାନେ ବିରୋଧ କରୁଥିଲେ । ଏହି ବିରୋଧର ନେତୃତ୍ବ ନେଇଥିଲେ ବିଜେପି ନେତା ସୁରେନ୍ଦ୍ରନ । ଏହି ବିରୋଧ କାରଣରୁ ତାଙ୍କୁ କେରଳର ବାମପନ୍ଥୀ ସରକାର ୨୫ ଦିନ ପାଇଁ ଜେଲରେ ଭର୍ତ୍ତି କରିଥିଲେ । କିନ୍ତୁ ଏହି ଆନ୍ଦୋଳନ ଯୋଗୁଁ ସେ ଏହି ଅଂଚଳରେ ବେଶ ଲୋକପ୍ରିୟ ହୋଇଯାଇଛନ୍ତି । ତାଙ୍କପଛରେ ଜନସମର୍ଥନ ରହିଥିବା କୁହାଯାଉଛି ।