ହାତଗୋଡ଼ ବାନ୍ଧି ପୋଷ୍ଟ ମାଷ୍ଟରଙ୍କ ଘରୁ ଲୁଟିନେଲେ ୫ ଲକ୍ଷ ଟଙ୍କା ଓ ୫ ଭରି ସୁନା

ସୋର: ସୋର ଥାନା ତେଣ୍ଟେଇ ପଞ୍ଚାୟତ ତେଣ୍ଟେଇ ଗ୍ରାମର ଜଣେ ବ୍ୟକ୍ତିଙ୍କ ଘରୁ ହାତଗୋଡ଼ ବାନ୍ଧି ପାଞ୍ଚ ଲକ୍ଷ ନଗଦ ଟଙ୍କା ସହିତ ଝିଅ ବାହାଘର ପାଇଁ ରଖାଯାଇଥିବା ୫ ଭରି ସୁନା ଲୁଟ ହୋଇଥିବା ଜଣାପଡିଛି।

ବଟକୃଷ୍ଣ ମଳିକ ସ୍ଥାନୀୟ ପୋଷ୍ଟ ଅଫିସରେ ପୋଷ୍ଟ ମାଷ୍ଟର ଅଛନ୍ତି। ଗତକାଲି ରାତିରେ ବଟକୃଷ୍ଣ ତାଙ୍କ ସ୍ତ୍ରୀ ସୁରତି ମଳିକ ଓ ଝିଅ ସୁନନ୍ଦା ମଳିକ ଖାଇପିଇ ଶୋଇଥିବା ବେଳେ ରାତି ୨ ଟା ସମୟରେ ଚାରିଜଣ ଯୁବକ ଘର ପଛପଟ କବାଟ ଭାଙ୍ଗି ଘର ଭିତରକୁ ପଶିଥିଲେ। ପରେ ବଟକୃଷ୍ଣ ଓ ତାଙ୍କ ସ୍ତ୍ରୀ ସୁରତୀଙ୍କ ହାତ ଗୋଡ଼ ବାନ୍ଧିବା ସହିତ ଝିଅ ସୁନନ୍ଦା ବେକରେ ଭୁଜାଲି ଲଗାଇ ଝିଅ ବାହାଘର ପାଇଁ ରଖାଯାଇଥିବା ପାଞ୍ଚ ଲକ୍ଷ ନଗଦ ଟଙ୍କା ସହିତ ଗୋଟିଏ ନେକଲେସ, ୨ହଳ କାନଫୁଲ,ଗୋଟିଏ ସୁନା ଚେନ ଓ ୨ହଳ ପାଉଁଜି ଆଦି ୫ ଭରି ଓଜନର ଗହଣା ଲୁଟିନେଇଥିଲେ।

ସୂଚନା ଅନୁସାରେ ଏହି ଗ୍ରାମର ବଟକୃଷ୍ଣ ମଳିକ ସ୍ଥାନୀୟ ପୋଷ୍ଟ ଅଫିସରେ ପୋଷ୍ଟ ମାଷ୍ଟର ଅଛନ୍ତି। ଗତକାଲି ରାତିରେ ବଟକୃଷ୍ଣ ତାଙ୍କ ସ୍ତ୍ରୀ ସୁରତି ମଳିକ ଓ ଝିଅ ସୁନନ୍ଦା ମଳିକ ଖାଇପିଇ ଶୋଇଥିବା ବେଳେ ରାତି ୨ ଟା ସମୟରେ ଚାରିଜଣ ଯୁବକ ଘର ପଛପଟ କବାଟ ଭାଙ୍ଗି ଘର ଭିତରକୁ ପଶିଥିଲେ। ପରେ ବଟକୃଷ୍ଣ ଓ ତାଙ୍କ ସ୍ତ୍ରୀ ସୁରତୀଙ୍କ ହାତ ଗୋଡ଼ ବାନ୍ଧିବା ସହିତ ଝିଅ ସୁନନ୍ଦା ବେକରେ ଭୁଜାଲି ଲଗାଇ ଝିଅ ବାହାଘର ପାଇଁ ରଖାଯାଇଥିବା ପାଞ୍ଚ ଲକ୍ଷ ନଗଦ ଟଙ୍କା ସହିତ ଗୋଟିଏ ନେକଲେସ, ୨ହଳ କାନଫୁଲ,ଗୋଟିଏ ସୁନା ଚେନ ଓ ୨ହଳ ପାଉଁଜି ଆଦି ୫ ଭରି ଓଜନର ଗହଣା ଲୁଟିନେଇଥିଲେ। ପରେ ଏନେଇ ବଟକୃଷ୍ଣ ସୋର ଥାନାରେ ଅଭିଯୋଗ କରିବା ପରେ ପୁଲିସ ଘଟଣାର ତଦନ୍ତ ଆରମ୍ଭ କରିଛି।