ରାଉରକେଲା: ବିଜେପି ସରକାର ଦାୟିତ୍ବ ନେବା ପରେ ଦଳରେ ବିଭିନ୍ନ ପଦପଦବି ହାତେଇବାକୁ ନେଇ ଏବେ ଚାଲିଛି ପ୍ରତିଯୋଗିତା। ଆସନ୍ତା ମାସକ ଭିତରେ ଖାଲି ପଡ଼ିଥିବା ନିଗମ ଓ ଅନ୍ୟ ପଦବି ପୂରଣ ପାଇଁ ବିଜେପି ପକ୍ଷରୁ ପ୍ରକ୍ରିୟା ଆରମ୍ଭ ହୋଇଛି। ମୁଖ୍ୟମନ୍ତ୍ରୀ ମୋହନ ଚରଣ ମାଝି ଓ ରାଜ୍ୟ ସଭାପତି ମନମୋହନ ସାମଲ ଦିଲ୍ଲୀ ଗସ୍ତ କରିବା ପରେ ରାଉରକେଲାର ନେତାମାନେ ଲବି ଆରମ୍ଭ କରିଦେଇଛନ୍ତି। 

Advertisment

ଦଳର କେତେକ ବରିଷ୍ଠ ନେତା ଏବଂ ନୂଆ କରି ସାମିଲ ହୋଇଥିବା ଅନ୍ୟଦଳର ନେତା ଭୁବନେଶ୍ବରରେ ଡେରା ପକାଇଛନ୍ତି। ଏସବୁ ଭିତରେ ବିଜେଡି ଓ କଂଗ୍ରେସର କେତେକ ନେତା ଓ କର୍ମୀ ଦଳ ଛାଡ଼ି ବିଜେପିରେ ସାମିଲ ହେବାକୁ ଯାଉଛନ୍ତି। ଆଜି (ସୋମବାର) ସେକ୍ଟର-୩ ପାର୍ଟି କାର୍ଯ୍ୟାଳୟରେ  କେନ୍ଦ୍ରମନ୍ତ୍ରୀ ତଥା ସୁନ୍ଦରଗଡ଼ ସାଂସଦ ଜୁଏଲ ଓରାମ ଓ ବିଜେପି ସାଙ୍ଗଠନିକ ସଭାନେତ୍ରୀ ପୂର୍ଣ୍ଣିମା କେର୍କେଟାଙ୍କ ଉପସ୍ଥିତିରେ ଶତାଧିକ ବିଜେଡି ଓ କଂଗ୍ରେସ ନେତା ଓ କର୍ମୀ ସାମିଲ ହେବେ ବୋଲି ବିଜେପି ପକ୍ଷରୁ କହାଯାଇଛି। ତେବେ, ବିଜେଡି ଓ କଂଗ୍ରେସର କେଉଁ ନେତା କର୍ମୀ ସାମିଲ ହେବାର ଅଛି, ସେ ସଂକ୍ରାନ୍ତରେ ବିଜେପି ପକ୍ଷରୁ କିଛି ସ୍ପଷ୍ଟ କରାଯାଇ ନାହିଁ।

ବିଜେଡି ସରକାରରୁ ଯିବା ପରେ କେତେକ ନେତା ଓ କର୍ମୀଙ୍କୁ ଦଳୀୟ କାର୍ଯ୍ୟକ୍ରମରେ ଆଉ ଏତେଟା ଦେଖିବାକୁ ମିଳୁନି।  ନିର୍ବାଚନ ସମୟରେ କଂଗ୍ରେସ ଛାଡ଼ି ବିଜେଡି ଓ ବିଜେପିରୁ ବିଜେଡିରେ ସାମିଲ ହୋଇଥିବା କିଛି ପୁରୁଣା ନେତା ବିଜେପି ସମ୍ପର୍କରେ ଅଛନ୍ତି। କେବଳ ଏତିକି ନୁହେଁ ଦିଲୀପ ରାୟଙ୍କୁ ବିଜେପି ବିଧାୟକ ଟିକେଟ୍‌ ମିଳିବା ପରେ ବିଜେପିରୁ ଦୂରେଇ ଯାଇଥିବା କିଛି ନେତା ଓ କର୍ମୀ ପୁଣି ବିଜେପିରେ ସାମିଲ ହେବାକୁ ଯାଉଛନ୍ତି ବୋଲି ରାଜନୈତିକ ମହଲରେ ଚର୍ଚ୍ଚା ହେଉଛି। ଆଗାମୀ ଦିନରେ ଆର୍‌ଏମ୍‌ସି ନିର୍ବାଚନ ହେବାକୁ ଯାଉଥିବାରୁ କଂଗ୍ରେସ ଓ ବିଜେଡି କିଛି ନେତା କର୍ପୋରେଟର ହେବା ଆଶାରେ ବିଜେପିରେ ମିଶିବାକୁ ନିଷ୍ପତ୍ତି ନେଇଥିବା ମଧ୍ୟ ଚର୍ଚ୍ଚା ହେଉଛି। ସେପଟ‌େ ଅନ୍ୟ ଦଳରୁ ଡିଆଁମରାନେତା ଓ ନୂଆ କରି ସାମିଲ ହୋଇଥିବା କିଛି ନେତାଙ୍କୁ ବିଜେପିରେ ଅଗ୍ରାଧିକାର ଦିଆଯାଉଥିବାରୁ ପୁରୁଣା ନେତାମାନଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି। ବିଗତ ଦିନରେ ବିଜେପିର ଅନେକ କାର୍ଯ୍ୟକ୍ରମରେ ନୂଆନେତା ଓ ପୁରୁଣା ନେତା ପୃଥକ ପୃଥକ କାର୍ଯ୍ୟକ୍ରମ କରୁଥିବା ଦେଖିବାକୁ ମିଳିଥିଲା।

ନିକଟରେ ରାହୁଲ ଗାନ୍ଧୀ ଓଡ଼ିଶା ଗ୍ରସ୍ତରେ ଆସିଥିଲେ। ଦଳର ନେତା ଓ କର୍ମୀଙ୍କୁ ଏକାଠି କରି କାମ କରିବାକୁ ଆହ୍ବାନ ଦେଇଛନ୍ତି। ଏହା ସତ୍ତ୍ବେ ରାଉରକେଲା ଜିଲ୍ଲା କଂଗ୍ରେସ ଗୋଷ୍ଠୀ ବିବାଦ ଥମୁନି। ବିଜେଡି ସରକାରରୁ ଯିବା ପରେ କେତେକ ନେତା ଓ କର୍ମୀଙ୍କୁ ଦଳୀୟ କାର୍ଯ୍ୟକ୍ରମରେ ଆଉ ଏତେଟା ଦେଖିବାକୁ ମିଳୁନି।  ନିର୍ବାଚନ ସମୟରେ କଂଗ୍ରେସ ଛାଡ଼ି ବିଜେଡି ଓ ବିଜେପିରୁ ବିଜେଡିରେ ସାମିଲ ହୋଇଥିବା କିଛି ପୁରୁଣା ନେତା ବିଜେପି ସମ୍ପର୍କରେ ଅଛନ୍ତି। କେବଳ ଏତିକି ନୁହେଁ ଦିଲୀପ ରାୟଙ୍କୁ ବିଜେପି ବିଧାୟକ ଟିକେଟ୍‌ ମିଳିବା ପରେ ବିଜେପିରୁ ଦୂରେଇ ଯାଇଥିବା କିଛି ନେତା ଓ କର୍ମୀ ପୁଣି ବିଜେପିରେ ସାମିଲ ହେବାକୁ ଯାଉଛନ୍ତି ବୋଲି ରାଜନୈତିକ ମହଲରେ ଚର୍ଚ୍ଚା ହେଉଛି। ଆଗାମୀ ଦିନରେ ଆର୍‌ଏମ୍‌ସି ନିର୍ବାଚନ ହେବାକୁ ଯାଉଥିବାରୁ କଂଗ୍ରେସ ଓ ବିଜେଡି କିଛି ନେତା କର୍ପୋରେଟର ହେବା ଆଶାରେ ବିଜେପିରେ ମିଶିବାକୁ ନିଷ୍ପତ୍ତି ନେଇଥିବା ମଧ୍ୟ ଚର୍ଚ୍ଚା ହେଉଛି। ସେପଟ‌େ ଅନ୍ୟ ଦଳରୁ ଡିଆଁମରାନେତା ଓ ନୂଆ କରି ସାମିଲ ହୋଇଥିବା କିଛି ନେତାଙ୍କୁ ବିଜେପିରେ ଅଗ୍ରାଧିକାର ଦିଆଯାଉଥିବାରୁ ପୁରୁଣା ନେତାମାନଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି। ବିଗତ ଦିନରେ ବିଜେପିର ଅନେକ କାର୍ଯ୍ୟକ୍ରମରେ ନୂଆନେତା ଓ ପୁରୁଣା ନେତା ପୃଥକ ପୃଥକ କାର୍ଯ୍ୟକ୍ରମ କରୁଥିବା ଦେଖିବାକୁ ମିଳିଥିଲା। ଆଗାମୀ ଦିନରେ ଦଳଡିଆଁ ଓ ନୂଆ କରି ଯୋଗଦେଇଥିବା ନେତାମାନଙ୍କୁ ନିୟନ୍ତ୍ରଣ କରିବାରେ ବିଜେପି ନେତାମାନେ କେତେଦୂର ସକ୍ଷମ ହେଉଛନ୍ତି, ତା’ ଉପରେ ସମସ୍ତଙ୍କ ନଜର ରହିଛି।