କଂଗ୍ରେସର ଚିନ୍ତା ଏବେ ବଢାଇଲେ ମାୟାବତୀ; ୟୁପିଏ ଅଧ୍ୟକ୍ଷା ସୋନିଆ ଗାନ୍ଧିଙ୍କୁ ଭେଟିବାକୁ ମନାକଲେ

2

ନୂଆଦିଲ୍ଲୀ: ଭୋଟ ଗଣତିକୁ ଆଉ ଦୁଇ ଦିନ ବାକି ଥିବା ବେଳେ ଏକଜିଟ୍ ପୋଲ ରିପୋର୍ଟ  ଆସିସାରିଛି । ଆସନ୍ତା ୨୩ ତାରିଖରେ ୨୦୧୯ ନିର୍ବାଚନର ଫଳାଫଳ ବାହାରିବାକୁ ଥିବା ବେଳେ ଏକଜିଟ୍ ପୋଲର ଆକଳନ ଦେଶରେ ବଢାଇଛି ରାଜନୀତି । ଆଉ ଏକଜିଟ୍ ପୋଲର ପ୍ରଭାବ ସବୁଠୁ ଅଧିକ ଦେଖିବାକୁ ମିଳିଛି ମଧ୍ୟପ୍ରଦେଶରେ । ତେବେ ବିଧାନସଭା ନିର୍ବାଚନରେ ମଧ୍ୟପ୍ରଦେଶରେ କଂଗ୍ରେସ ଯେଉଁ କମାଲ୍ କରିଥିଲା, ଲୋକସଭାରେ ତାହା ଫିକା ପଡିଥିବା ଏକଜିଟ୍ ପୋଲ୍ ଆକଳନ କହୁଛି । କଂଗ୍ରେସ ପାଖରେ ମୋଟ୍ ୧୧୪ ବିଧାୟକ ଥିବା ବେଳେ ବହୁମତ ପାଇଁ ୧୧୬ ଅଙ୍କ ଆବଶ୍ୟକ, ଯାହାକୁ ପୂରା କରିବା ପାଇଁ କଂଗ୍ରେସ ୨ ଜଣ ବହୁଜନ ସମାଜ ପାର୍ଟି ବିଧାୟକଙ୍କ ସମର୍ଥନ ଲୋଡିଥିଲା ।

ତେବେ କଂଗ୍ରେସର ଚିନ୍ତା ଏବେ ବଢାଇଦେଇଛନ୍ତି ବସପା ସୁପ୍ରିମୋ ମାୟାବତୀ । କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ଏବଂ ୟୁପିଏ ଅଧ୍ୟକ୍ଷା ସୋନିଆ ଗାନ୍ଧିଙ୍କ ସହ ସାକ୍ଷାତ କରିବାକୁ ମନା କରି ଦେଇଛନ୍ତି ମାୟାବତୀ । ତେବେ ପୂର୍ବରୁ ଯାହା କୁହାଯାଉଥିଲା, ଏକଜିଟ୍ ପୋଲ୍ ରିପୋର୍ଟ ପରେ ସୋନିଆଙ୍କ ସହ ସାକ୍ଷାତ କରି ଆଗାମୀ ରଣନୀତି ପାଇଁ ବ୍ଲୁପ୍ରିଣ୍ଟ ପ୍ରସ୍ତୁତ କରିପାରନ୍ତି ବିଏସପି ସୁପ୍ରିମୋ।

ନିର୍ବାଚନ ଫଳାଫଳ ପୂର୍ବରୁ ରାଜନୀତିକୁ ଆହୁରି ସରଗରମ କରିଦେଇଛି ଏକଜିଟ୍ ପୋଲ୍ । ତେବେ ଚର୍ଚ୍ଚା ହେଉଛି, କଂଗ୍ରେସ ଉପରେ ମାୟାବତୀ ନାରାଜ ହେବାର କାରଣ ହେଉଛି, ଗୁନା ଲୋକସଭା ଆସନରୁ ବସପା ଟିକେଟରେ ଲଢୁଥିବା ପ୍ରାର୍ଥୀଙ୍କୁ କଂଗ୍ରେସ ନିଜ ଦଳରେ ସାମିଲ୍ କରିନେଇଛି । ତେବେ ରାଜନୀତି ମୈଦାନରେ କଂଗ୍ରେସ କିମ୍ବା ଗାନ୍ଧି ପରିବାରକୁ କେବେ ହେଲେ ସିଧାସଳଖ ଟାର୍ଗେଟ୍ କରିନାହାନ୍ତି ମାୟାବତୀ । ଆଉ ୨୦୧୯ ନିର୍ବାଚନ ଫଳାଫଳ ପ୍ରକାଶ ପାଇବା ପରେ କ’ଣ ରହିବ ବସପା ସୁପ୍ରିମୋଙ୍କ ଆଭିମୁଖ୍ୟ, ତାକୁ ନେଇ ଏବେ ଚର୍ଚ୍ଚା ଜୋର ଧରିଛି ।

ସମ୍ବନ୍ଧିତ ଖବର

Leave A Reply

Your email address will not be published.

2 Comments
  1. Children's day says

    The results of Parliament and state assemblies are going to be factors for forming new government at Centre in New Delhi and Muslims are backed up to both Congress and Smt.Mayawati,Smt.Mamta Banerjee and in South the Regional Political Parties TRS,TDP are going to form a Third Front are the reasons and In Karnataka State Elections are model for settlement of a consensus.

  2. mahadev says

    Amit Shah is going to organize a Feast for NDA Members to discuss businesses and business partners allotment in several states in India is a News in Various States.