ମାଲକାନଗିରି: ମାଲକାନଗିରି ଜିଲ୍ଲା ଅନ୍ତର୍ଗତ କୋରକୋଣ୍ଡା ବ୍ଲକର ଦୁର୍ଗମ ନାକାମାମୁଡି ପଞ୍ଚାୟତରେ ନକ୍ସଲ ପ୍ରବଣ ତଥା ଅପହଞ୍ଚ ଗ୍ରାମ ଆମଲିବେଡାକୁ ପ୍ରଥମ ଥର ଏକ ଡାକ୍ତିରୀ ଦଳ ପହଞ୍ଚିଛି। କୁଡୁମୁଲୁଗୁମ୍ମା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର ଡାକ୍ତର ଧନେଶ୍ବର ମହାପାତ୍ର, ରଜନୀକାନ୍ତ ଦାସ,ତନ୍ମୟ ବାଚାର, ଆଲୋକ ମାଝି, ଡାକ୍ତର ସାମଲ ପ୍ରମୁଖ ଆମଲିବେଡା ଗ୍ରାମରେ ପହଞ୍ଚି ସେବା ଯୋଗାଇ ଥିଲେ।
Sambad is now on WhatsApp
Join and get latest news updates delivered to you via WhatsApp
ମ୍ୟାଲେରିଆ ଦମନ ନେଇ ଏହି ଟିମ କାମ କରୁଥିବା ଜଣାପଡିଛି।ବର୍ଷା ଋତୁ ଆସୁଥିବା ବେଳେ ଦୁର୍ଗମ ଗ୍ରାମଗୁଡିକରେ ମ୍ୟାଲେରିଆ ବ୍ୟାପିବା ସ୍ବାଭାବିକ ହୋଇଥିବା ବେଳେ ଡାକ୍ତରୀ ଦଳ ପକ୍ଷରୁ ଏହାର ଦମନ ନେଇ ପୂର୍ବ ପ୍ରସ୍ତୁତି କରାଯାଇଛି। ଗ୍ରାମରେ ଡିଡିଟି ସିଞ୍ଚନ କରାଯାଇଥିବା ବେଳେ ଗ୍ରାମର ସମସ୍ତ ଲୋକଙ୍କ ସ୍ବାସ୍ଥ୍ୟ ପରୀକ୍ଷା କରାଯାଇଥିଲା। ତେବେ ଏହି ଗ୍ରାମକୁ ସ୍ବାଧୀନତାର ସାତ ଦଶନ୍ଧି ପରେ କୌଣସି ଏକ ସ୍ବାସ୍ଥ୍ୟ ସେବା ଦଳ ପହଞ୍ଚିଥିବାରୁ ଗ୍ରାମବାସୀଙ୍କ ଖୁସି କହିଲେ ନସରେ। ତେବେ ଆଗମୀ ଦିନରେ ଏଭଳି ସମସ୍ତ ଦୁର୍ଗମ ଗ୍ରାମକୁ ସେବା ଯୋଗାଇ ଦିଆଯିବ ବୋଲି କୁହାଯାଇଛି।