କମନୱେଲଥ ଭାରୋତ୍ତୋଳନ ଚାମ୍ପିଅନସିପ: ଯୁବ ଓ କନିଷ୍ଠ ବର୍ଗରେ ମୀନା ଜିତିଲେ ସ୍ୱର୍ଣ୍ଣ ପଦକ

ଭୁବନେଶ୍ବର: ଫିଜିରେ ଆୟୋଜିତ ଯୁବ କମନୱେଲଥ ଭାରୋତ୍ତୋଳନ ଚାମ୍ପିଅନସିପରେ ଓଡିଶାର ମୀନା ସାନ୍ତା ସ୍ବର୍ଣ୍ଣ ପଦକ ଜିତିଛନ୍ତି। ସେ ବରିଷ୍ଠ ବିଭାଗରେ ରୌପ୍ୟପଦକ ହାସଲ କରିଛନ୍ତି। ସେ ସ୍ନାକରେ ୮୧ କିଲୋ ଓ କ୍ଲିନ ଓ ଜର୍କରେ ୯୯ କିଲୋ ଭାରୋତ୍ତୋଳନ କରିଛନ୍ତି। ମୀନା ମୋଟ ୧୮୦କିଲୋ ଭାରୋତ୍ତଳନ କରି ଏହି କୃତିତ୍ବ ହାସଲ କରିଛନ୍ତି। 

ଯୁବ କମନୱେଲଥ ଭାରୋତ୍ତୋଳନ ଚାମ୍ପିଅନସିପରେ ଓଡିଶାର ମୀନା ସାନ୍ତା ଓ ଜ୍ୟୋସ୍ନା ସବର ଏହି ପ୍ରତିଯୋଗିତାରେ ସ୍ୱର୍ଣ୍ଣ ପଦକ ଜିତିଛନ୍ତି।

ସେହିପରି ଜ୍ୟୋସ୍ନା ସବର ଏହି ପ୍ରତିଯୋଗିତାରେ ସ୍ୱର୍ଣ୍ଣ ପଦକ ଜିତିଛନ୍ତି। ସେ ସ୍ନାକରେ ୫୮ କିଲୋ ଓ କ୍ଲିନ ଆଣ୍ଡ ଜର୍କରେ ୬୫ କିଲୋ ଭାରୋତତ୍ତନ କରିଛନ୍ତି। ସେ ମୋଟ ୧୨୩ କିଲୋ ଭାରୋତ୍ତଳନ କରି ଯୁବ ବିଭାଗରେ ସ୍ବର୍ଣ୍ଣ ପଦକ ହାସଲ କରିଛନ୍ତି। ଉଭୟ ମୀନା ଓ ଜ୍ୟୋସ୍ନା ସବର ଭୁବନେଶ୍ବରସ୍ଥିତ କଳିଙ୍ଗ ଷ୍ଟାଡିୟମର ହାଇ ପରଫରମାନ୍ସ ସେଣ୍ଟରରେ ଅଭ୍ୟାସ କରୁଥିଲେ। ବର୍ତ୍ତମାନ ସମୟରେ ଉଭୟ କ୍ରୀଡ଼ାବିତ୍‌ ପଂଜବାର ପଟିଆଲାରେ ଅଭ୍ୟାସରତ ଅଛନ୍ତି। ଉଭୟ କ୍ରୀଡ଼ାବିତ୍‌ଙ୍କ ସଫଳତାରେ ଓଡ଼ିଶାର କ୍ରୀଡ଼ାବି୍‌ତ୍‌ ଓ କ୍ରୀଡ଼ାପ୍ରେମୀ ଶୁଭେଚ୍ଛା ଜଣାଇଛନ୍ତି।