ନୂଆଦିଲ୍ଲୀ – ଆଉ ଦୁଇଟି ନିର୍ବାଚନ ଆଚରଣବିଧି ଉଲ୍ଲଙ୍ଘନ ମାମଲାରେ ନିର୍ବାଚନ ଆୟୋଗ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ କ୍ଲିନଚିଟ ଦେଇଛି । ଏହି ଦୁଇଟି ମାମଲା ହେଲା ହେଉଛି ବାଲାକୋଟ ହିରୋଙ୍କ ନାଁରେ ଭୋଟ ମାଗିବା ଓ ଅନ୍ୟଟି ହେଉଛି ଭୋଟ ଦେବା ପରେ ଗୁଜୁରାଟରେ ରୋଡ୍ ସୋ କରିବା । ଏହି ଦୁଇ କ୍ଲିନଚିଟକୁ ମିଶାଇଲେ ମୋଦିଙ୍କୁ ଇସି ମୋଟ ୮ଟି ମାମଲାରେ କ୍ଲିନଚିଟ ଦେଇଛି ।
Sambad is now on WhatsApp
Join and get latest news updates delivered to you via WhatsApp
ଗତ ଏପ୍ରିଲ ୯ରେ କର୍ଣ୍ଣାଟକର ଚିତ୍ରଦୂର୍ଗାରେ ମୋଦି ଏକ ସଭାରେ କହିଥିଲେ ଯେ ଲୋକମାନେ ବାଲାକୋଟ ହିରୋଙ୍କ ପାଇଁ ଭୋଟ ଦିଅନ୍ତୁ । ପ୍ରଚାରରେ ସେନାକୁ ନ ଆଣିବାକୁ ଆୟୋଗ ଦେଇଥିବା ନିଦେ୍ର୍ଦଶର ଏହା ଉଲ୍ଲଙ୍ଘନ ବୋଲି କଂଗ୍ରେସ ଅଭିଯୋଗ କରିଥିଲା । ଅନ୍ୟପକ୍ଷରେ ଏପ୍ରିଲ ୨୩ରେ ଅହମଦାବାଦରେ ଭୋଟ ଦେବା ପରେ ମୋଦି କିଛି ବାଟ ରୋଡସୋ କରିବା ପରେ ସାମ୍ବାଦିକମାନଙ୍କ ସହ କଥା ହୋଇଥିଲେ । ଏହା ଆଚରଣବିିଧିରର ଉଲ୍ଲଙ୍ଘନ ବୋଲି କଂଗ୍ରେସ ଅଭିଯୋଗ କରିଥିଲା ।