ଦୁବାଇ: ଅନ୍ତର୍ଜାତୀୟ ସ୍ତରରେ ପାକିସ୍ତାନ ଏକ ବଦନାମ ଦେଶ । ବିଶ୍ୱର କୌଣସି ଦେଶର ପାକିସ୍ତାନ ପ୍ରତି ତିଳେମାତ୍ର ସମ୍ମାନ ନାହିଁ । ଭାରତର ପ୍ରଧାନମନ୍ତ୍ରୀ ମୋଦି ପାକିସ୍ତାନ ଉପରେ ଆଧିପତ୍ୟ ବିସ୍ତାର କରି ରହିଛନ୍ତି । ମୋଦି ସରକାରର ବିଚକ୍ଷଣ କୂଟନୀତିର ସାମନା କରିନପାରି ପାକିସ୍ତାନ ବିଶ୍ୱରେ ଏକଘରିଆ ହୋଇଯାଇଛି । ଏକଥା ଭାରତ ସରକାରଙ୍କ କୌଣସି ପ୍ରବକ୍ତା ବା କୌଣସି ବିଜେପି ନେତା କହୁନାହାନ୍ତି, ବରଂ ଏକଥା କହିଛନ୍ତି ପାକିସ୍ତାନର ପୂର୍ବତନ ରାଷ୍ଟ୍ରପତି ଜେନେରାଲ ପରଭେଜ ମୁସାରଫ ।
Sambad is now on WhatsApp
Join and get latest news updates delivered to you via WhatsApp
ଏକ ପାକିସ୍ତାନି ଟିଭି ଚ୍ୟାନେଲକୁ ସାକ୍ଷାତକାର ଦେଇ ସେ କହିଛନ୍ତି ଯେ ବିଶ୍ୱ କୂଟନୀତି କ୍ଷେତ୍ରରେ ମୋଦିଙ୍କ ସାମନା କରିପାରୁନାହିଁ ପାକିସ୍ତାନ । ମୋଦି ଆସିବା ପରେ ପାକିସ୍ତାନ ବିଶ୍ୱରେ କଣଠେସା ହୋଇଯାଇଛି । ଆମଦେଶର କୂଟନୀତି ବିଫଳ ହୋଇଛି, କୌଣସି ଦେଶ ଆମକୁ ଭରଷା କରୁନାହାନ୍ତି ବୋଲି ସେ ସ୍ୱୀକାର କରିଛନ୍ତି ।
ଆଉ ଏକ ପ୍ରସଙ୍ଗରେ ସେ କହିଛନ୍ତି ଯେ କୂଳଭୂଷଣ ଯାଦବ ପ୍ରସଙ୍ଗରେ ପାକିସ୍ତାନ କୂଟନୀତି ବେଶ ଶାଣିତ ରହିଛି । ଯଦି ଯାଦବଙ୍କୁ ଭାରତ ଜଣେ ଗୁପ୍ତଚର ବୋଲି ସ୍ୱୀକାର କରୁନାହିଁ, ଆମେ କାହିଁକି ଲସ୍କର-ଇ-ତୋଇବାକୁ ଏକ ଆତଙ୍କବାଦୀ ସଂଗଠନ ବୋଲି ସ୍ୱୀକାର କରିବା, ବୋଲି ସେ ପ୍ରଶ୍ନ କରିଛନ୍ତି ।
କିଛିଦିନ ତଳେ ମୁସାରଫ କହିଥିଲେ ଯେ ସେ ହେଉଛନ୍ତି ଲସ୍କର-ଇ-ତୋଇବା ଓ ଜୈସ-ଇ-ମହମ୍ମଦ ସଂଗଠନର ଜଣେ ବଡ଼ ସମର୍ଥକ ।