ଏମାନଙ୍କର ସବୁ ଭ୍ରଷ୍ଟାଚାରର ଜବାବ ଦେବ ଏନଡିଏ ସରକାର

ନୂଆଦିଲ୍ଲୀ: ଝାଡ଼ଖଣ୍ଡ ବିଧାନସଭା ନିର୍ବାଚନକୁ ଦୃଷ୍ଟିରେ ରଖି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ବୋକାରୋ ଏବଂ ଗୁମଲାରେ ସାଧାରଣ ସଭାକୁ ସମ୍ବୋଧିତ କରିଛନ୍ତି। ଏହି ସମୟରେ ପ୍ରଧାନମନ୍ତ୍ରୀ ଜନସାଧାରଣଙ୍କୁ ନିବେଦନ କରିଛନ୍ତି ଯେ ବିଜେପି, ଆଜସୁ, ଜେଡିୟୁ ଏବଂ ଏଲଜେପି ପ୍ରାର୍ଥୀଙ୍କୁ ବହୁ ଭୋଟ୍ ଦେଇ ନିର୍ବାଚନରେ ​​ଜିତାନ୍ତୁ। ଏହା ସହ ସେ କହିଛନ୍ତି, “ଝାଡଖଣ୍ଡରେ ଆମକୁ ଏପରି ସରକାର ଗଠନ କରିବାକୁ ପଡିବ ଯେ ଆପଣଙ୍କ ଝିଅ ଏବଂ ଜମି ଯେଭଳି ସୁରକ୍ଷିତ ରହିବ।

 ଧାରା ୩୭୦ ବିଷୟରେ ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ଜାମ୍ମୁ କାଶ୍ମୀର ବିଧାନସଭାରେ ଧାରା ୩୭୦ ଆଣିବାକୁ କଂଗ୍ରେସ ପୁଣିଥରେ ପ୍ରସ୍ତାବ ଦେଇଛି। ସେମାନେ ଆମର ଯବାନମାନଙ୍କୁ ପୁଣି ଆତଙ୍କର ଅଗ୍ନିରେ ବଳି ଦେବାକୁ ଚାହୁଁଛନ୍ତି | ଏହି ନିର୍ବାଚନ ପରେ ପ୍ରଥମ ଥର ପାଇଁ ଜାମ୍ମୁ କାଶ୍ମୀରର ମୁଖ୍ୟମନ୍ତ୍ରୀ ବାବା ସାହେବଙ୍କ ସମ୍ବିଧାନ ଉପରେ ଶପଥ ନେଇଛନ୍ତି। ବାବା ସାହେବଙ୍କ ସମ୍ବିଧାନ କାଶ୍ମୀରରେ ଲାଗୁ ହେଉନଥିଲା।

ଗୁମଲାରେ ଏକ ସାଧାରଣ ସଭାରେ ସମ୍ବୋଧିତ କରିବାବେଳେ ପ୍ରଧାନମନ୍ତ୍ରୀ ମୋଦୀ କହିଛନ୍ତି, ଜେଏମଏମ -କଂଗ୍ରେସର ଆପଣଙ୍କ ଖୁସି ଏବଂ ସୁବିଧା ସହିତ କୌଵାନାସି ସମ୍ପର୍କ ନାହିଁ, ସେମାନେ ସେମାନଙ୍କର ସିନ୍ଦୁକ ଭର୍ତ୍ତି କରିବାରେ ବ୍ୟସ୍ତ ଅଛନ୍ତି | ଝାଡ଼ଖଣ୍ଡରେ ଏମିତି କୌଣସି ପରୀକ୍ଷା ନାହିଁ, ଯାହା ଲିକ୍ ହୋଇନାହିଁ। ବିଜେପି ଏବଂ ଏନଡିଏ ସରକାର ସେମାନଙ୍କର ପ୍ରତ୍ୟେକ ଦୁର୍ନୀତିର ହିସାବ କରିବେ।