ଧୋନିଙ୍କ ନାମରେ ଟିକେଟ ବିକୁଛି କ୍ରିକେଟ ଆର୍ୟରଲାଣ୍ଡ
ନୂଆଦିଲ୍ଲୀ: ଟିମ ଇଣ୍ଡିଆର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନି ନିକଟରେ ଚେନ୍ନାଇ ସୁପର କିଙ୍ଗସ୍କୁ ତୃତୀୟ ଥର ଆଇପିଏଲରେ ଚମ୍ପିଅନ୍ କରାଇଛନ୍ତି। ସେ ଏବେ ଆରାମ କରୁଛନ୍ତି। ଏହା ପରେ ଧୋନି ଆର୍ୟରଲାଣ୍ଡ ବିରୋଧରେ ଟି-୨୦ ଶୃଙ୍ଖଳାରେ କ୍ରିକେଟ ପଡିଆକୁ ଓହ୍ଲାଇବେ।
Sambad is now on WhatsApp
Join and get latest news updates delivered to you via WhatsApp
ଆର୍ୟରଲାଣ୍ଡ ଗସ୍ତରେ ଟିମ୍ ଇଣ୍ଡିଆ ୨ଟି ଟି-୨୦ ମ୍ୟାଚ ଖେଳିବ। ଏହି ୨ଟି ମ୍ୟାଚ ମଲାହାଇଡରେ ଜୁନ ୨୭ ଓ ୨୯ରେ ଖେଳାଯିବ। ଟିମ୍ ଇଣ୍ଡିଆର ଇଂଲଣ୍ଡ ଗସ୍ତ ଟି-୨୦ ଶୃଙ୍ଖଳାରୁ ଆରମ୍ଭ ହେବ।
MS Dhoni is coming and you can see him play at Malahide on 27 June 2018.
How big is this? In 2011 Time Magazine included Dhoni in its annual Time 100 list as one of the “Most Influential People in the World”!
Buy your tickets now: https://t.co/XMLgIpWpDu #BackingGreen pic.twitter.com/9RXnp8EBoq
— Cricket Ireland (@Irelandcricket) June 5, 2018
ଏହି ଗସ୍ତ ପୂର୍ବରୁ ଧୋନିଙ୍କୁ ନେଇ ଆର୍ୟରଲାଣ୍ଡ ଉତ୍ସାହିତ ଅଛି। କ୍ରିକେଟ ଆର୍ୟରଲାଣ୍ଡ ଦର୍ଶକଙ୍କୁ ଆକର୍ଷିତ ଓ ଟିକେଟ ବିକ୍ରୀ କରିବା ପାଇଁ ମହେନ୍ଦ୍ର ସିଂହ ଧୋନିଙ୍କ ଫଟୋକୁ ନିଜର ଅଫିସିଆଲ ଟୁଇଟର ହ୍ୟାଣ୍ଡେଲରେ ଟୁଇଟ୍ କରି ଲେଖିଛି, ଏମ୍ଏସ୍ ଧୋନି ଆସୁଛନ୍ତି ଓ ଆପଣ ତାଙ୍କୁ ୨୦୧୮ ଜୁନ ୨୭ରେ ମଲାହାଇଡରେ ଦେଖିବେ।
ଧୋନିଙ୍କ କଥା କହିବା ଯଦି ଆଇପିଏଲ ୨୦୧୮ ଚମ୍ପିଅନ ହେବା ପରେ ମହେନ୍ଦ୍ର ସିଂହ ଧୋନି କ୍ରିକେଟ ଠାରୁ ନିଜକୁ ଦୂରରେ ରଖି ଆରାମ କରୁଛନ୍ତି। ଧୋନି ଆଇପିଏଲ-୧୧ରେ ୧୬ଟି ମ୍ୟାଚରୁ ୭୫.୮୩ ହାରରେ ୪୫୫ ରନ୍ ସଂଗ୍ରହ କରିଥିଲେ। ଏଥିରେ ୩ଟି ଅର୍ଦ୍ଧଶତକ ସାମିଲ ଥିଲା। ଏହି ଟୁର୍ଣ୍ଣାମେଣ୍ଟରେ ଧୋନି ୩୦ଟି ଛକା ଓ ୨୪ଟି ଚୌକା ମାରିଥିଲେ।