୩୦ ଏପ୍ରିଲରୁ ଏହି ସବୁ ଫିଲ୍ମକୁ ହଟାଇଦେବ ନେଟଫ୍ଲିକ୍ସ

ନୂଆଦିଲ୍ଲୀ: ଖୁବ ଶୀଘ୍ର ଆପଣ କିଛି ଫିଲ୍ମ ଆଉ ନେଟଫ୍ଲିକ୍ସ ପ୍ଲାଟଫର୍ମରେ ଦେଖିବାକୁ ପାଇବେ ନାହିଁ | ଏହି ରିପୋର୍ଟରେ, ଆମେ ଆପଣଙ୍କ ପାଇଁ ସେହି ବଡ଼ ବଲିଉଡ୍ ଫିଲ୍ମର ଏକ ତାଲିକା ଆଣିଛୁ। ଯାହାକୁ ଏପ୍ରିଲ ୩୦ରେ ନେଟଫ୍ଲିକ୍ସରୁ ହଟାଇ ଦିଆଯିବ। 

ପ୍ରକୃତରେ, ନେଟଫ୍ଲିକ୍ସରେ ପ୍ରତି ମାସରେ କଣ୍ଟେଣ୍ଟ ହଟାଇଦିଆଯାଏ | ଯାହା ମାଧ୍ୟମରେ ନୂତନ ଚଳଚ୍ଚିତ୍ର ପାଇଁ ସ୍ଥାନ ସୃଷ୍ଟି ହୁଏ। ଏପରି ପରିସ୍ଥିତିରେ, ନେଟଫ୍ଲିକ୍ସ ଏପ୍ରିଲ ୩୦ରେ ଅନେକ ବଡ଼ ବଲିଉଡ୍ ଫିଲ୍ମ ହଟାଇବାକୁ ଯାଉଛି। ଯଦି ଆପଣ ଏହାକୁ ଏପର୍ଯ୍ୟନ୍ତ ଦେଖିନାହାଁନ୍ତି, ତେବେ ଏହି ସପ୍ତାହାନ୍ତରେ ଏହାକୁ ଦେଖିଦିଅନ୍ତୁ |

ବର୍ଫି - ତାଲିକାରେ ପ୍ରଥମ ନାମ ହେଉଛି ରଣବୀର କପୁର ଏବଂ ପ୍ରିୟଙ୍କା ଚୋପ୍ରାଙ୍କ ଫିଲ୍ମ 'ବର୍ଫି'। ଏହା ୨୦୧୨ ମସିହାରେ ମୁକ୍ତିଲାଭ କରିଥିଲା। ଫିଲ୍ମଟି ୩୦ ଏପ୍ରିଲରେ ନେଟଫ୍ଲିକ୍ସରୁ ହଟାଇ ଦିଆଯିବ। 
ଜଗ୍ଗା ଜାସୁସ୍ - ରଣବୀର କପୁର ଏବଂ କ୍ୟାଟ୍ରିନା କୈଫଙ୍କ ଏହି ଫିଲ୍ମ ମଧ୍ୟ ୩୦ ଏପ୍ରିଲ ପରେ ନେଟଫ୍ଲିକ୍ସରେ ଦେଖାଯିବ ନାହିଁ। 
ଦିଲ୍ଲୀ ୬ - ଅଭିଷେକ ବଚ୍ଚନ ଏବଂ ସୋନମ କପୁରଙ୍କ ଫିଲ୍ମ 'ଦିଲ୍ଲୀ ୬'ର ନାମ ମଧ୍ୟ ଏହି ତାଲିକାରେ ସାମିଲ ଅଛି। ନେଟଫ୍ଲିକ୍ସ ଏହାକୁ ମଧ୍ୟ ଏପ୍ରିଲ ୩୦ରେ ହଟାଇବାକୁ ଯାଉଛି। 
'କାଇ ପୋ ଚେ' - ଏପ୍ରିଲ ୩୦ ପରେ ଆପଣ ଦିବଂଗତ ଅଭିନେତା ସୁଶାନ୍ତ ରାଜପୁତଙ୍କ ଫିଲ୍ମ 'କାଇ ପୋ ଚେ' ନେଟଫ୍ଲିକ୍ସରେ ଦେଖିପାରିବେ ନାହିଁ। ଏଗୁଡ଼ିକ ବ୍ୟତୀତ ଶାହିଦ କପୁରଙ୍କ କ୍ୟାରିୟରର ସର୍ବୋତ୍ତମ ଫିଲ୍ମ କୁହାଯାଉଥିବା ହାଇଦର ମଧ୍ୟ ଏହି ତାଲିକାରେ ସାମିଲ ଅଛି। ଯଦି ଆପଣ ଏହାକୁ ଦେଖିନାହାଁନ୍ତି ତେବେ ୩୦ ଏପ୍ରିଲ ପୂର୍ବରୁ ଏହାକୁ ଦେଖିଦିଅନ୍ତୁ। 
'କମିନେ' - ଅଭିନେତା ଶାହିଦ କପୁରଙ୍କ ଫିଲ୍ମ 'କମିନେ' ମଧ୍ୟ ଏହି ତାଲିକାରେ ସାମିଲ ଅଛି। 'ଦି ୱେଡିଂ ଗେଷ୍ଟ', 'ଚିଲର ପାର୍ଟି', 'ଟୁ ଫର୍ ଦି ମନି', 'ଦିସ୍ ଇଜ୍ ଦି ଏଣ୍ଡ', 'ଅଣ୍ଡରୱାର୍ଲ୍ଡ: ବ୍ଲଡ୍ ୱାର୍ସ' ଏବଂ 'ଆଲଫା' ମଧ୍ୟ ଏହି ତାଲିକାରେ ଅଛି ।