ଆଇପିଏଲ ୨୦୨୫ ପାଇଁ ମୁମ୍ବାଇ ଇଣ୍ଡିଆନ୍ସରେ ସାମିଲ ହେଲେ ନୂଆ ଖେଳାଳି

ନୂଆଦିଲ୍ଲୀ: ଆଇପିଏଲ ୨୦୨୫ ପୂର୍ବରୁ, ହାର୍ଦ୍ଦିକ ପାଣ୍ଡ୍ୟାଙ୍କ ନେତୃତ୍ୱାଧୀନ ମୁମ୍ବାଇ ଇଣ୍ଡିଆନ୍ସକୁ ଏକ ଝଟକା ଲାଗିଛି । ସେମାନଙ୍କ ଦଳରେ ଥିବା ଲିଜାଡ୍ ୱିଲିୟମ୍ସ ଆଘାତ ଯୋଗୁଁ ଟୁର୍ଣ୍ଣାମେଣ୍ଟରୁ ବାଦ ପଡ଼ିଛନ୍ତି। ମୁମ୍ବାଇ ଲିଜାଡ଼ଙ୍କୁ ନିଲାମରେ ୭୫ ଲକ୍ଷ ଟଙ୍କାରେ କିଣିଥିଲା। ଏବେ ତାଙ୍କ ବିଦାୟ ପରେ, ଦଳ ତାଙ୍କ ବଦଳ ଖେଳାଳିଙ୍କୁ ମଧ୍ୟ ଆନୁଷ୍ଠାନିକ ଭାବରେ ଘୋଷଣା କରିଛି। ଦଳ ଦକ୍ଷିଣ ଆଫ୍ରିକାର ଅଲରାଉଣ୍ଡର କର୍ବିନ ବୋଶଙ୍କୁ ଦଳରେ ସାମିଲ କରିଛି।

କର୍ବିନ୍ ବୋଶ୍ ତାଙ୍କ ଘରୋଇ ଦଳ ପାଇଁ ସମସ୍ତ ଫର୍ମାଟରେ ନିୟମିତ ଖେଳାଳି ହୋଇଆସିଛନ୍ତି। ସେ ୨୦୨୪ ମସିହାରେ ଦକ୍ଷିଣ ଆଫ୍ରିକା ପାଇଁ ତାଙ୍କର ଅନ୍ତର୍ଜାତୀୟ କ୍ରିକେଟରେ ଡେବ୍ୟୁ କରିଥିଲେ।

ଲିଜାଡ଼ ୱିଲିୟମ୍ସଙ୍କ ବଦଳ ସ୍ୱରୂପ, ମୁମ୍ବାଇ ଇଣ୍ଡିଆନ୍ସ ଆଇପିଏଲ ୨୦୨୫ ପାଇଁ ଜଣେ ୭ମ ଅଲରାଉଣ୍ଡରଙ୍କୁ ମନୋନୀତ କରିଛି। କର୍ବିନ ବୋଶଙ୍କ ପୂର୍ବରୁ ହାର୍ଦ୍ଦିକ ପାଣ୍ଡ୍ୟାଙ୍କ ସମେତ ୬ ଜଣ ଅଲରାଉଣ୍ଡରଙ୍କୁ ଦଳରେ ସାମିଲ କରାଯାଇଥିଲା। ଡାହାଣହାତୀ ବ୍ୟାଟସମ୍ୟାନ୍ କର୍ବିନ ମଧ୍ୟମ କ୍ରମରେ ଭଲ ବ୍ୟାଟିଂ କରିପାରିବେ। ସେ ୮୬ଟି ଟି-୨୦ ମ୍ୟାଚ୍ ଖେଳି ୬୬୩ ରନ୍ କରିଛନ୍ତି ଏବଂ ୫୯ଟି ୱିକେଟ୍ ନେଇଛନ୍ତି।