‘ଓଡ଼ିଶା ବିଶ୍ୱର ଆଲୁମିନିୟମ ରାଜଧାନୀ' ଓଡ଼ିଶା ଦିବସ ଅବସରରେ କହିଲେ ଅନିଲ ଅଗ୍ରୱାଲ

ଭୁବନେଶ୍ୱର: ଓଡ଼ିଶା ଦିବସ ଅବସରରେ ବେଦାନ୍ତ ଅଧ୍ୟକ୍ଷ ଅନିଲ ଅଗ୍ରୱାଲ  କହିଛନ୍ତି ଯେ ଉଭୟ ଭୂପୃଷ୍ଠ ଏବଂ ଭୂତଳ କ୍ଷେତ୍ରରେ ପ୍ରଚୁର ପ୍ରାକୃତିକ ସମ୍ବଳ ଯୋଗୁଁ ଓଡ଼ିଶା ବିଶ୍ୱସ୍ତରରେ ଭାରତ ପାଇଁ ଏକ ଗୁରୁତ୍ୱପୂର୍ଣ୍ଣ ସ୍ଥାନ ସୃଷ୍ଟି କରିଛି। ଓଡ଼ିଶା ହେଉଛି ବିଶ୍ବର ଆଲୁମିନିୟମ ରାଜଧାନୀ ।

ସେ ରାଜ୍ୟର ସାଂସ୍କୃତିକ ପରମ୍ପରା, ଜୀବନ୍ତ ଐତିହ୍ୟ ଏବଂ ବିକାଶମୂଳକ ପଦକ୍ଷେପକୁ ସମ୍ମାନ ଜଣାଇ ଓଡ଼ିଶାର ଜନସାଧାରଣଙ୍କୁ ହାର୍ଦ୍ଦିକ ଶୁଭେଚ୍ଛା ଜଣାଇଛନ୍ତି। ସେ ନିଜ ବାର୍ତ୍ତାରେ ଓଡ଼ିଶାର ଆଧ୍ୟାତ୍ମିକ ଗଭୀରତା, ପାରମ୍ପରିକ କଳା, ରନ୍ଧନ ପ୍ରଣାଳୀ ଏବଂ ସମୃଦ୍ଧ ପ୍ରାକୃତିକ ଦୃଶ୍ୟ ଦ୍ୱାରା ଗଠିତ ସ୍ୱତନ୍ତ୍ର ପରିଚୟ ବିଷୟରେ କହିଥିଲେ। ନିଜର ସମର୍ପଣ ଏବଂ ପ୍ରତିଭା ଜରିଆରେ ବିଶ୍ୱ ମଞ୍ଚରେ ଭାରତର ଉପସ୍ଥିତିକୁ ସୁଦୃଢ଼ କରିବାରେ ଓଡ଼ିଆ ଜନସାଧାରଣଙ୍କ ଦୀର୍ଘସ୍ଥାୟୀ ଯୋଗଦାନକୁ ସେ ପ୍ରଶଂସା କରିଥିଲେ। ଓଡ଼ିଶାକୁ 'ବିଶ୍ୱର ଆଲୁମିନିୟମ ରାଜଧାନୀ' ବୋଲି ଅଭିହିତ କରି ଶ୍ରୀ ଅଗ୍ରୱାଲ ରାଜ୍ୟ ସହିତ ବେଦାନ୍ତର ଦୃଢ଼ ସମ୍ପର୍କ ବିଷୟରେ ଉଲ୍ଲେଖ କରିଥିଲେ।