ପରାଜୟର କାରଣ ଖୋଜିବ କଂଗ୍ରେସ : ୬ ସବ୍କମିଟିର ସଦସ୍ୟ ଜିଲ୍ଲା ଗସ୍ତ କରି ତଥ୍ୟ ସଂଗ୍ରହ କରିବେ
ଭୁବନେଶ୍ୱର: ନିକଟରେ ଶେଷ ହୋଇଥିବା ସାଧାରଣ ନିର୍ବାଚନରେ ଓଡ଼ିଶାରେ କଂଗ୍ରେସ କାହିଁକି ଶୋଚନୀୟ ଭାବେ ପରାଜିତ ହେଲା, ତାହାର କାରଣ ଖୋଜିବ ଦଳ । କାରଣ ଖୋଜିବା ପାଇଁ କଂଗ୍ରେସ ୬ଟି ସବ୍-କମିଟି ଗଠନ କରିବ। ପ୍ରତ୍ୟେକ କମିଟିରେ ୩ ଜଣ ଲେଖାଏଁ ସଦସ୍ୟ ରହିବେ। ପ୍ରତ୍ୟେକ ସବ୍ କମିଟି ୫ଟି ଲେଖାଏଁ ଜିଲ୍ଲା ଗସ୍ତ କରିବେ। କମିଟିର ସଦସ୍ୟମାନେ ଜିଲ୍ଲା କର୍ମକର୍ତ୍ତା ଓ ସାଧାରଣ ଲୋକଙ୍କୁ ଭେଟି ପରାଜୟର କାରଣ ସଂପର୍କରେ ଅବଗତ ହେବେ। ଜୁନ ଶେଷ ସୁଦ୍ଧା କମିଟି ଏଆଇସିସିକୁ ରିପୋର୍ଟ ପ୍ରଦାନ କରି ପରବର୍ତ୍ତୀ ପଦକ୍ଷେପ ପାଇଁ ଯୋଜନା ପ୍ରସ୍ତୁତ କରିବ।
Sambad is now on WhatsApp
Join and get latest news updates delivered to you via WhatsApp
କଂଗ୍ରେସର ପରାଜୟ କାରଣ ଖୋଜିବା ପାଇଁ ୬ଟି ସବ-କମିଟି ଗଠନ କରାଯିବ ବୋଲି କମିଟି ଅଧ୍ୟକ୍ଷ ନରସିଂହ ମିଶ୍ର ଗଣମାଧ୍ୟମକୁ ସୂଚନା ଦେଇଛନ୍ତି । ପ୍ରତି ସବ କମିଟି ୫ଟି ଲେଖାଏଁ ଜିଲ୍ଲା ଯିବେ। ନିଜ ଅଂଚଳକୁ କମିଟି ସଦସ୍ୟ ଯିବେନାହିଁ। ପ୍ରତି ଜିଲ୍ଲାକୁ ଯାଇ ଆଶାୟୀ ପାର୍ଥୀ, ସାଧାରଣ ଜନତା, ବୁଦ୍ଧିଜୀବୀ, ଜିଲ୍ଲା କର୍ମକର୍ତାଙ୍କ ଠାରୁ ରିପୋର୍ଟ ଆଣିବେ ଓ ଚଳିତ ମାସ ଶେଷ ସୁଦ୍ଧା ରିପୋର୍ଟ ଦେବେ। ତାପରେ ଏହାର ତର୍ଜମା କରାଯିବ। ଯଦି ଦରକାର ପଡେ ଆଉଥରେ ଲୋକଙ୍କ ପାଖକୁ କଂଗ୍ରେସ ଯିବ। କଂଗ୍ରେସ କଣ ପାଇଁ ହାରିଲା ଓ କଣ କଲେ କଂଗ୍ରେସ ସୁଦୃଢ ହୋଇପାରିବ ସେ ନେଇ ସବିଶେଷ ରିପୋର୍ଟ ଏଆଇସିସିକୁ ଦିଆଯିବ।