ମଇ ୧୯ରେ ହେବ ପାନାଜୀ ଆସନ ପାଇଁ ଭୋଟ ଗ୍ରହଣ, ମନୋହର ପାରିକରଙ୍କ ନିଧନ ପରେ ଆସନଟି ଖାଲି ରହିଛି
ନୂଆଦିଲ୍ଲୀ : ଗୋଆର ପାନାଜୀ ବିଧାନସଭା ଆସନ ପାଇଁ ଆସନ୍ତା ମଇ ୧୯ରେ ନିର୍ବାଚନ ଅନୁଷ୍ଠିତ ହେବ । ଗୋଆର ପୂର୍ବତନ ମୁଖ୍ୟମନ୍ତ୍ରୀ ମନୋହର ପାରିକରଙ୍କ ନିଧନ ପରେ ଏହି ଆସନଟି ଖାଲି ରହିଛି । ଏ ସଂପର୍କରେ ଭାରତର ନିର୍ବାଚନ ଆୟୋଗ ଆଜି ଘୋଷଣା କରିଛନ୍ତି । ଏହା ସହିତ ତାମିଲନାଡୁର ୪ଟି ଓ କର୍ଣ୍ଣାଟକର ଗୋଟିଏ ଆସନ ପାଇଁ ଭୋଟ ଗ୍ରହଣ ଏହି ତାରିଖରେ ହେବ ।
Sambad is now on WhatsApp
Join and get latest news updates delivered to you via WhatsApp
ଆସନ୍ତା ୨୨ ତାରିଖରେ ଏହି ୬ଟି ଆସନ ପାଇଁ ବିଜ୍ଞପ୍ତି ପ୍ରକାଶ ପାଇବା ସହ ମନୋନୟନ ପତ୍ର ଦାଖଲ ପ୍ରକ୍ରିୟା ଆରମ୍ଭ ହେବ । ମଇ ୧୯ ତାରିଖରେ ସାଧାରଣ ନିର୍ବାଚନର ଶେଷ ପର୍ଯ୍ୟାୟ ଭୋଟ ଗ୍ରହଣ ହେବାକୁ ଥିବାବେଳେ ସେହି ଦିନ ଏହି ୬ଟି ଆସନ ପାଇଁ ମଧ୍ୟ ଭୋଟ ଗ୍ରହଣ ହେବ । ମଇ ୨୩ରେ ଭୋଟ ଗଣତି ହେବ । ସାଧାରଣ ନିର୍ବାଚନ ପାଇଁ ମଧ୍ୟ ଏହି ଦିନ ଭୋଟ ଗଣତି ହେବ ।