କୋଲକାତା ହସ୍ପିଟାଲ୍ର ଅଷ୍ଟମ ମହଲାରୁ ଡେଇଁ ରୋଗୀ ଗୁରୁତର
କୋଲକାତା: ଶନିବାର କୋଲକାତାସ୍ଥିତ ଇନ୍ଷ୍ଟିଚ୍ୟୁଟ୍ ଅଫ୍ ନ୍ୟୁରୋସାଇନ୍ସ ହସ୍ପିଟାଲ୍ର ଅଷ୍ଟମ ମହଲା ଉପରୁ ଜଣେ ରୋଗୀ ଡେଇଁ ତଳେ ପଡ଼ି ଗୁରୁତର ହୋଇଛନ୍ତି। ରୋଗୀ ଜଣକ ସେଠାରେ ଭର୍ତ୍ତି ହୋଇ ଚିକିତ୍ସାଧୀନ ଥିବା ବେଳେ ସେ ହସ୍ପିଟାଲ୍ର ଅଷ୍ଟମ ମହଲାର ଝରକା ଉପରକୁ ଯାଇ ସେଠାରୁ ତଳକୁ ଡେଇଁ ପଡ଼ିଥିବା ଜାଣିବାକୁ ମିଳିଛି।
Sambad is now on WhatsApp
Join and get latest news updates delivered to you via WhatsApp
ବ୍ୟକ୍ତି ଜଣକ ହସ୍ପିଟାଲ୍ର ଏତେ ଉଚ୍ଚ ସ୍ଥାନରେ ଅସୁରକ୍ଷିତ ଅବସ୍ଥାରେ ଥିବା ଜାଣିବା ପରେ ପୁଲିସ୍, ଅଗ୍ନିଶମ ବାହିନୀ ଓ ହସ୍ପିଟାଲ୍ କର୍ତ୍ତୃପକ୍ଷ ସମସ୍ତେ ତାଙ୍କୁ ଉଦ୍ଧାର କରିବାକୁ ଚେଷ୍ଟା କରିଥିଲେ। ମାତ୍ର ସେ କାହାକୁ ବି ତାଙ୍କ ପାଖକୁ ଯିବାକୁ ଦେଇନଥିଲେ।
Kolkata, West Bengal | A patient has climbed out of a ward to sit on a highrise edge of the Institute of NeuroScience Hospital and is showing unwillingness to get down. Hydraulic ladder is reportedly being brought to bring him down pic.twitter.com/QWRhyhbhxq
— ANI (@ANI) June 25, 2022
ଏହି ରୋଗୀ ଜଣକ ହେଉଛନ୍ତି ସୁଧୀର ଅଧିକାରୀ। ସେ ଅପରାହ୍ନ ପ୍ରାୟ ୧.୧୦ ସମୟରେ ଉପରୁ ତଳକୁ ଖସିଥିଲେ। ସେ ତଳକୁ ଖସିବା ସମୟରେ ମଝିରେ ୨ ଥର ହସ୍ପିଟାଲ୍ର କୋଣରେ ପିଟି ହୋଇ ତଳେ ପଡ଼ିଥିଲେ।
କିଛି ସମୟ ସେଠାରେ ବସିବା ପରେ ସୁଧୀର ତଳକୁ ଓହଳି ଥିବାର ଦେଖିବାକୁ ମିଳିଥିଲା। ତାଙ୍କୁ ଦେଖିବା ପାଇଁ ହସ୍ପିଟାଲ୍ ପରିସରରେ ଅନେକ ଲୋକଭିଡ଼ ଜମିଥିଲା। ସୁଧୀର କିଛି କହୁଥିଲେ ବି ତାଙ୍କ କଣ୍ଠସ୍ବର ତଳ ପର୍ଯ୍ୟନ୍ତ ଶୁଭୁନଥିଲା। ତାଙ୍କୁ ଉଦ୍ଧାର କରିବାକୁ ଲୋକେ ଯେତେ ଚେଷ୍ଟା କରିିଥିଲେ ବି ସେ ବାରମ୍ବାର ମନା କରୁଥିଲେ।