ରିକିଙ୍କୁ ମୁଖ୍ୟ ପ୍ରଶିକ୍ଷକ ଭାବେ ନିଯୁକ୍ତ କଲା ପଞ୍ଜାବ କିଙ୍ଗସ

ନୂଆଦିଲ୍ଲୀ: ପଞ୍ଜାବ କିଙ୍ଗସ୍ ଅଷ୍ଟ୍ରେଲିଆର ପୂର୍ବତନ ଖେଳାଳି ରିକି ପଣ୍ଟିଙ୍ଗଙ୍କୁ ଆଇପିଏଲ୍ ୨୦୨୫ ପାଇଁ ନୂତନ ମୁଖ୍ୟ ପ୍ରଶିକ୍ଷକ ଭାବରେ ନିଯୁକ୍ତ କରିଛି। ପଣ୍ଟିଂ ବର୍ତ୍ତମାନ ଟ୍ରେଭର୍ ବୋଲିସଙ୍କ ସ୍ଥାନ ନେବେ, ଯିଏକି ଗତ କିଛି ବର୍ଷ ଧରି ପଞ୍ଜାବର କୋଚ୍ ଥିଲେ। ପଣ୍ଟିଙ୍ଗଙ୍କ ବିଷୟରେ କହିବାକୁ ଗଲେ ସେ ପ୍ରାୟ ୨ ମାସ ପୂର୍ବରୁ ଦିଲ୍ଲୀ କ୍ୟାପିଟାଲସର ମୁଖ୍ୟ ପ୍ରଶିକ୍ଷକ ପଦରୁ ଇସ୍ତଫା ଦେଇଥିଲେ। ବର୍ତ୍ତମାନ ସେ ପଞ୍ଜାବ କିଙ୍ଗ୍ସ ଫ୍ରାଞ୍ଚାଇଜ୍ ସହିତ ୪ ବର୍ଷର ଚୁକ୍ତି ସ୍ୱାକ୍ଷର କରିଛନ୍ତି, ଯାହା ୨୦୨୮ରେ ଶେଷ ହେବ।

 କୁହାଯାଉଛି ଯେ ପଞ୍ଜାବ କିଙ୍ଗ୍ସର କୋଚିଂ ଏବଂ ସପୋର୍ଟ ଷ୍ଟାଫଙ୍କ ସମ୍ପୂର୍ଣ୍ଣ ନିୟନ୍ତ୍ରଣ ରିକି ପଣ୍ଟିଙ୍ଗଙ୍କ ହାତରେ ଦିଆଯାଇପାରେ। କିନ୍ତୁ ବର୍ତ୍ତମାନ ପୁରୁଣା କୋଚିଂ କର୍ମଚାରୀଙ୍କ ଉପରେ କ’ଣ ନିଷ୍ପତ୍ତି ନିଆଯିବ ସେନେଇ କୌଣସି ସ୍ପଷ୍ଟତା ନାହିଁ। ପଞ୍ଜାବର ପୁରୁଣା କୋଚିଂ କର୍ମଚାରୀଙ୍କ ମଧ୍ୟରେ ଟ୍ରେଭର୍ ବୋଲିସ୍ (ହେଡ୍ କୋଚ୍), ସଞ୍ଜୟ ବଙ୍ଗର (କ୍ରିକେଟ୍ ଡେଭଲପମେଣ୍ଟ୍ ହେଡ୍), ଚାର୍ ଲାଙ୍ଗେଭେଲ୍ଡ (ଫାଷ୍ଟ ବୋଲିଂ କୋଚ୍) ଏବଂ ସୁନୀଲ ଯୋଶୀ (ସ୍ପିନ୍ ବୋଲିଂ କୋଚ୍) ଅଛନ୍ତି। ସୂଚନାଯୋଗ୍ୟ ଯେ ଗତ ୭ଟି ସିଜିନରେ ପଞ୍ଜାବ ୬ ଜଣ କୋଚଙ୍କୁ ବଦଳାଇଛି।

ପଞ୍ଜାବ କିଙ୍ଗ୍ସର ଶେଷ ସିଜିନ ବିଷୟରେ କହିବାକୁ ଗଲେ ଏହି ଦଳ ଲିଗ୍ ପର୍ଯ୍ୟାୟରେ ୧୪ଟି ମ୍ୟାଚ୍ ଖେଳିଥିଲେ ବି କେବଳ ପାଞ୍ଚ ଥର ଜିତିବାରେ ସକ୍ଷମ ହୋଇଥିଲା। ପଏଣ୍ଟ ଟେବୁଲରେ ପଞ୍ଜାବ ତଳୁ ଦ୍ୱିତୀୟ ସ୍ଥାନରେ ରହିଲା। ପ୍ଲେ ଅଫ୍ ନିକଟତର ହେବା ପରେ ପଞ୍ଜାବର ଟାଇଟଲ୍ ଦୌଡ଼ରୁ ଦୂରେଇ ରହିବାର ଏକ ଦୀର୍ଘ ଇତିହାସ ରହିଛି | ଇଣ୍ଡିଆନ୍ ପ୍ରିମିୟର ଲିଗର ୧୭ଟି ସିଜିନ ପରେ ବି ଏହି ଦଳ କପ ହାତେଇପାରିନାହିଁ | ରିକି ୨୦୧୪ରେ ପ୍ରଥମ ଥର ମୁମ୍ବାଇ ଇଣ୍ଡିଆନ୍ସର କୋଚ୍ ହୋଇଥିଲେ । ଏହା ପରେ ସେ ଦିଲ୍ଲୀ ଡେୟାରଡେଭିଲ୍ସ / ଦିଲ୍ଲୀ କ୍ୟାପିଟାଲସରେ ୭ ବର୍ଷ କାର୍ଯ୍ୟ କରିଥିଲେ|