ବିସିସିଆଇ ନିଷ୍ପତ୍ତିକୁ ନେଇ ପ୍ରଶ୍ନ ଉଠାଇଲେ ରୋହିତ!

ନୂଆଦିଲ୍ଲୀ: ବର୍ଡର-ଗାଭାସ୍କର ଟ୍ରଫିରେ ଭାରତ ୧-୩ରେ ପରାଜୟ ହେବାର କିଛି ଦିନ ପରେ, ବିସିସିଆଇ ଦଳରେ ଶୃଙ୍ଖଳା ରକ୍ଷା କରିବା ପାଇଁ ୧୦-ସୂତ୍ରୀ ନିର୍ଦ୍ଦେଶ ଜାରି କରିଥିଲା, ଯେଉଁଥିରେ ଘରୋଇ କ୍ରିକେଟକୁ ବାଧ୍ୟତାମୂଳକ କରିବା ସହିତ ପରିବାର ସଦସ୍ୟଙ୍କ ରହିବା ସମୟ ସୀମିତ କରାଯାଇଥିଲା ଏବଂ ବ୍ୟକ୍ତିଗତ କର୍ମଚାରୀଙ୍କୁ ଗସ୍ତରେ ନେବାକୁ ଅନୁମତି ଦିଆଯାଇନାହିଁ। ଏହା ସହ ସିରିଜ୍ ଚାଲିଥିବା ବେଳେ ବ୍ୟକ୍ତିଗତ ବିଜ୍ଞାପନ କରିବା ଉପରେ ମଧ୍ୟ ପ୍ରତିବନ୍ଧକ ଲଗାଯାଇଥିଲା । ତେବେ ଏହି ନିୟମକୁ ନେଇ ଖପ୍ପା ହୋଇଛନ୍ତି  ରୋହିତ ଶର୍ମା | ଭାରତୀୟ ଅଧିନାୟକ ରୋହିତ ଶର୍ମା ଏହି ନିୟମ ଉପରେ ପ୍ରଶ୍ନ ଉଠାଇଛନ୍ତି। ଏହି ସମୟରେ, ମୁଖ୍ୟ ଚୟନକର୍ତ୍ତା ଅଜିତ ଅଗରକର କହିଛନ୍ତି ଯେ ଏହା କୌଣସି ସ୍କୁଲ ନୁହେଁ।

ରୋହିତ ଶର୍ମାଙ୍କୁ ବିସିସିଆଇର ନୂତନ ନୀତି ବିଷୟରେ ଏକ ପ୍ରଶ୍ନ ପଚରାଯାଇଥିଲା। ଏହାର ଉତ୍ତରରେ ରୋହିତ ଶର୍ମା କହିଥିଲେ, "ଏହି ନିୟମଗୁଡ଼ିକ ବିଷୟରେ ତୁମକୁ କିଏ କହିଲା? ଏଗୁଡ଼ିକ କ'ଣ ବିସିସିଆଇର ଅଧିକାରୀକ ହ୍ୟାଣ୍ଡେଲରୁ ଆସିଛି? ସେଗୁଡ଼ିକୁ ଅଧିକାରୀକ ଭାବରେ ଆସିବାକୁ ଦିଅ।" ଏହା ବ୍ୟତୀତ ରୋହିତ ଶର୍ମାଙ୍କୁ ସାମ୍ବାଦିକ ସମ୍ମିଳନୀରେ ଏହା ମଧ୍ୟ କହିବାର ଶୁଣାଯାଇଥିଲା ଯେ ସମସ୍ତ ଖେଳାଳି ତାଙ୍କୁ ନୂତନ ନିୟମ ସମ୍ପର୍କରେ ଫୋନ୍ କରୁଛନ୍ତି।

ଏହା ବ୍ୟତୀତ, ଅଜିତ ଅଗରକର ବିସିସିଆଇର ନୂତନ ନିୟମ ଉପରେ କହିଛନ୍ତି, "ପ୍ରତ୍ୟେକ ଦଳର କିଛି ନିୟମ ଅଛି ଏବଂ ଆପଣ ଖେଳିବା ସମୟରେ ନିୟମ ପାଳନ କରନ୍ତି। ଏହା କୌଣସି ସ୍କୁଲ ନୁହେଁ। ଏହା କୌଣସି ଦଣ୍ଡ ନୁହେଁ। ଆପଣ ସ୍ୱାଭାବିକ ଭାବରେ କିଛି ଜିନିଷ ପାଳନ କରନ୍ତି।