ଏନଆଇଟି ତିଆରି କଲା ‘ଡବ୍ଲୁଏଚଓ’ମାନର ସାନିଟାଇଜର

ରାଉରକେଲା: ସହରରେ ସାନିଟାଇଜର ଏବେ ସାଧାରଣ ଲୋକଙ୍କ ଠାରୁ ଆରମ୍ଭ କରି ମେଡିକାଲ ଡାକ୍ତର ଓ କର୍ମଚାରୀ ପାଇଁ ସ୍ୱପ୍ନ ହୋଇଛି l ପ୍ରତ୍ୟକ ଦିନ ସାନିଟାଇଜରଟି ପାଇଁ ଔଷଧ ଦୋକାନ ଚକ୍କର କାଟିଛୁନ୍ତି l କିନ୍ତୁ ମିଳୁନି l ଯେଉଁଠି ଅଛି ସେଠି ଚଢା ଦରରେ ବିକ୍ରି ହେଉଛି l ଏଭଳି ସ୍ଥିତିରେ ରାଉରକେଲା ଏନଆଇଟି କେମେଷ୍ଟ୍ରି ବିଭାଗ ପ୍ରସ୍ତୁତ କରିଛି ବିଶ୍ବ ସ୍ବାସ୍ଥ୍ୟ ସଂଗଠନ ମାନଦଣ୍ଡର ସାନିଟାଇଜର ।

କେମେଷ୍ଟ୍ରି ବିଭାଗ ତରଫରୁ ବିଶ୍ବ ସ୍ବାସ୍ଥ୍ୟ ସଂଗଠନ ମାନଦଣ୍ଡର ସାନିଟାଇଜର ପ୍ରସ୍ତୁତ କରାଯାଇ ହାଇଟେକ କୋଭିଡ-୧୯  ହସ୍ପିଟାଲ, ରୋଟାରୀ କ୍ଲବ ଷ୍ଟିଲ ସିଟି ସହିତ ବିଭିନ୍ନ ସଂସ୍ଥାକୁ ପ୍ରଦାନ କରା ଯାଇଛି। ମହାମାରୀ କରୋନା ମୁକାବିଲା କରିବାରେ ଏହା ବେଶ ସହାୟକ ହେବ ବିଭାଗ ପକ୍ଷରୁ କୁହାଯାଇଛି l ଏଠାରେ ୧୦୦ ଲିଟର ସାନିଟାଇଜର ତିଆରି କରିବାର କ୍ଷମତା ରହିଛି। ସାନିଟାଇଜରର ବିଶେଷତ୍ୱ ହେଉଛି ତିଆରି କରିବା ସମୟରେ ଗୋଲାପ ଜଳ ପ୍ରୟୋଗ କରାଯାଇଛି l ଯାହା ସବୁଠାରୁ ସୁରକ୍ଷିତ ଅଟେ ।

ବଜାରରେ ଭଲ ସାନିଟାଇଜରର ଅଭାବ ଥିବାବେଳେ ଏନଆଇଟିର ଏହି ସାନିଟାଇଜର କୋରୋନା ପାଇଁ ସଂଘର୍ଷ କରୁଥିବା ଡାକ୍ତର, ନର୍ସ , ମେଡିକାଲ କର୍ମଚାରୀଙ୍କ ସାଧାରଣ ଲୋକଙ୍କ ପାଇଁ ସହାୟକ ହେବ। ହାଇଟେକ କଲେଜ ତରଫରୁ ସଲିଲ ପଟ୍ଟନାୟକ, ରୋଟାରୀ କ୍ଲବ ଷ୍ଟିଲ ତରଫରୁ ଅଞ୍ଜନା ମୈତ୍ର ସିଂହା ଏବଂ ଅନ୍ୟମାନେ ଉପସ୍ଥିତ ରହି ଏହାକୁ ଏନଆଇଟି ନିର୍ଦ୍ଦେଶକଙ୍କ ନିକଟରୁ ଗ୍ରହଣ କରିଥିଲେ।

ସମ୍ବନ୍ଧିତ ଖବର