ହାଇଦ୍ରାବାଦରେ ଦୁଃଖଦ ଘଟଣା : ଦୁଇ ପୁଅଙ୍କ ରୋଗ ଯନ୍ତ୍ରଣା ସହି ନପାରି ମା’-ବାପା, ଦୁଇ ସନ୍ତାନଙ୍କ ସହ ମିଶି କଲେ ଆତ୍ମହତ୍ୟା
ହାଇଦ୍ରାବାଦ: ହାଇଦ୍ରାବାଦରେ ଏକ ଦୁଃଖଦ ଘଟଣା ସାମନାକୁ ଆସିଛି । ସହରର କୁଶାଇଗୁଡ଼ା ଅଞ୍ଚଳରେ ଥିବା ଏକ ଆପାର୍ଟମେଣ୍ଟରେ ଗୋଟିଏ ପରିବାରର ୪ ଜଣ ସଦସ୍ୟ ବିଷ ପିଇ ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ମୃତକମାନେ ହେଲେ ସତୀଶ, ତାଙ୍କ ପତ୍ନୀ ବେଦା ଓ ଦୁଇ ସନ୍ତାନ ନିଶିକେତ ଓ ନିହାଲ । ପୁଲିସ ସମସ୍ତଙ୍କ ମୃତଦେହକୁ ଅଟକ ରଖି ବ୍ୟବଚ୍ଛେଦ ପାଇଁ ପଠାଯାଇଥିବା ବେଳେ ପୀଡ଼ିତାଙ୍କ ପରିବାର ପକ୍ଷରୁ ଏ ନେଇ କୌଣସି ମାମଲା ରୁଜୁ କରାଯାଇନାହିଁ।
Sambad is now on WhatsApp
Join and get latest news updates delivered to you via WhatsApp
ପ୍ରାଥମିକ ତଦନ୍ତରୁ ଜଣାପଡିଛି ଯେ ଉଭୟ ଶିଶୁ ସ୍ୱାସ୍ଥ୍ୟ ସମସ୍ୟାରେ ପୀଡ଼ିତ ଥିଲେ ଏବଂ ବହୁ ଚିକିତ୍ସା ପରେ ମଧ୍ୟ ସେମାନେ ସୁସ୍ଥ ହେଉନଥିଲେ । ବଡ଼ ପୁଅ ନିଶିକେତ ମାନସିକ ବିକାରଗ୍ରସ୍ତ ଥିବା ବେଳେ ସାନ ପୁଅ ନିହାଲ କାନ ସମସ୍ୟାରେ ପୀଡ଼ିତ ଥିଲା । ବାପା ମା’ ନିଜର ଦୁଇ ପିଲାଙ୍କ ଯନ୍ତ୍ରଣା ସହି ପାରୁନଥିଲେ । ଏହାକୁ ନେଇ ଉଭୟ ଗଭୀର ମାନସିକ ଚାପରେ ଥିବା ଓ ଅବସାଦଗ୍ରସ୍ତ ରହୁଥିଲେ । ଶେଷରେ ପୂରା ପରିବାର ମୃତ୍ୟୁକୁ ଗ୍ରହଣ କରିନେଇଥିଲେ । ସମସ୍ତେ ବିଷ ପିଇ ଆତ୍ମହତ୍ୟା କରିଥିଲେ ।
କୁଶେଇଗୁଡା ଥାନା ଅଧିକାରୀ ପି ଭେଙ୍କଟେଶ୍ୱରଲୁ କହିଛନ୍ତି, କାଣ୍ଡିଗୁଡା ଅଞ୍ଚଳରେ ଜଣେ ବାପା, ମା’ ଓ ଦୁଇ ପିଲା ବିଷ ପିଇ ଆତ୍ମହତ୍ୟା କରିଛନ୍ତି । ଏ ନେଇ ଅଧିକ ତଦନ୍ତ ଜାରି ରହିଛି ।