କ୍ରିକେଟର ନ ହୋଇଥିଲେ ଗ୍ୟାଙ୍ଗଷ୍ଟର ହୋଇଥାନ୍ତି: କ୍ରିକେଟର ସାଜିଦ ଖାନ

ନୂଆଦିଲ୍ଲୀ: ଯଦି ଜଣେ କ୍ରିକେଟର କହିବେ ଯେ ଯଦି ସେ ଖେଳ ଦୁନିଆକୁ ଆସି ନ ଥାଆନ୍ତେ, ତେବେ ସେ ହୁଏତ ଜଣେ ଗ୍ୟାଙ୍ଗଷ୍ଟର ହୋଇଥାଆନ୍ତେ, ତେବେ ଆପଣ କ'ଣ ଏହାକୁ ବିଶ୍ୱାସ କରିପାରିବେ? ଏହି କାହାଣୀଟି ପାକିସ୍ତାନ କ୍ରିକେଟ ଦଳର ସ୍ପିନ୍ ବୋଲର ସାଜିଦ ଖାନଙ୍କର। ସାଜିଦ ଗତ କିଛି ମାସ ମଧ୍ୟରେ ପାକିସ୍ତାନର ଟେଷ୍ଟ ଦଳର ଶ୍ରେଷ୍ଠ ଖେଳାଳିମାନଙ୍କ ମଧ୍ୟରୁ ଜଣେ, ସେ ଏପର୍ଯ୍ୟନ୍ତ ୧୨ଟି ମ୍ୟାଚ୍ ଖେଳି ୫୯ଟି ୱିକେଟ୍ ନେଇଛନ୍ତି। ନିକଟରେ ଏକ ଗଣମାଧ୍ୟମ ସାକ୍ଷାତକାରରେ ସେ କହିଥିଲେ ଯେ ଯଦି ସେ ଜଣେ କ୍ରିକେଟର ହୋଇନଥାନ୍ତେ, ତେବେ ସେ ହୁଏତ ଜଣେ ଗ୍ୟାଙ୍ଗଷ୍ଟର ହୋଇଥାନ୍ତେ।

ତେବେ ଗ୍ୟାଙ୍ଗଷ୍ଟର ହେବାକୁ ଇଚ୍ଛା କାହିଁକି ହୋଇଥିଲା ବୋଲି ଯେତେବେଳେ ପଚରାଯାଇଥିଲା, ଏନେଇ ସେ କିଛି ଜବାବ ଦେଇନଥିଲେ | ଆଉ ଏହି ସାକ୍ଷାତକାରର ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ଏହାକୁ ନେଇ ଚର୍ଚ୍ଚା ଜୋର ଧରିଛି | ସାଜିଦ ଖାନଙ୍କୁ ପଚରାଯାଇଥିଲା ଯେ ଯଦି ସେ କ୍ରିକେଟର ନ ହୋଇଥାନ୍ତେ ତେବେ ସେ କଣ କରିଥାନ୍ତେ? ପାକିସ୍ତାନୀ ସ୍ପିନର ତୁରନ୍ତ ଉତ୍ତର ଦେଲେ, "ମୁଁ ଜଣେ ଗ୍ୟାଙ୍ଗଷ୍ଟର ହୋଇଥାନ୍ତି।" ଏହି ଆଲୋଚନା ସମୟରେ, ସାକ୍ଷାତକାରର ଉପସ୍ଥାପକ କହିଥିଲେ ଯେ ସାଜିଦ କ୍ରିକେଟ୍ ପଡ଼ିଆରେ ମଧ୍ୟ ଜଣେ ଗ୍ୟାଙ୍ଗଷ୍ଟର ଭଳି ଦେଖାଯାନ୍ତି । ଏହି ସମୟରେ ସାଜିଦ ଖାନ ପୂର୍ବତନ ପାକିସ୍ତାନ ଦଳର ଅଧିନାୟକ ବାବର ଆଜମଙ୍କୁ ବିଶ୍ୱର ସର୍ବୋତ୍ତମ କ୍ରିକେଟର ବୋଲି କହିଥିଲେ। ତଥାପି, ସେ ବିରାଟ କୋହଲିଙ୍କୁ ଇତିହାସର ସର୍ବୋତ୍ତମ ଭାରତୀୟ କ୍ରିକେଟର ବୋଲି ମଧ୍ୟ କହିଥିଲେ। ଯଦି ଆମେ ବାବର ଆଜମ ଏବଂ ବିରାଟ କୋହଲିଙ୍କ ତୁଳନା କରିବା, ତେବେ ୧୩୦ଟି ଦିନିକିଆ ମ୍ୟାଚରେ, ବାବର ଏପର୍ଯ୍ୟନ୍ତ ୧୩୦ଟି ଦିନିକିଆ ମ୍ୟାଚ୍ ଖେଳି ୫୫.୨୨ ହାରରେ ୬,୧୮୫ ରନ୍ କରିଛନ୍ତି। ସମାନ ସଂଖ୍ୟକ ଦିନିକିଆ ମ୍ୟାଚ୍‌ରେ, ବିରାଟ କୋହଲି ୫୧.୮୬ ହାରରେ ୫୪୪୫ ରନ୍ କରିଥିଲେ।