ଆଇପିଏଲ ପୂର୍ବରୁ ସିଏସକେ ଫ୍ୟାନଙ୍କ ପାଇଁ ଆସିଲା ଖୁସି ଖବର

ଚେନ୍ନାଇ: ଆଇପିଏଲ ୨୦୨୫ ପୂର୍ବରୁ ଚେନ୍ନାଇ ସୁପର କିଙ୍ଗ୍ସ ମ୍ୟାନେଜମେଣ୍ଟ  ଏବଂ ପ୍ରଶଂସକମାନଙ୍କ ପାଇଁ ଏକ ଖୁସି ଖବର ଅଛି | ବାସ୍ତବରେ ଚେନ୍ନାଇ ସୁପର କିଙ୍ଗ୍ସ ଅଲରାଉଣ୍ଡର ଶିବମ ଦୁବେ ବିଜୟ ହଜାରେ ଟ୍ରଫିରେ ଏକ ଚମତ୍କାର ଇନିଂସ ଖେଳିଥିଲେ। ବିଜୟ ହଜାରେ ଟ୍ରଫିରେ କର୍ଣ୍ଣାଟକ ବିପକ୍ଷରେ ମୁମ୍ବାଇ ପାଇଁ ମାତ୍ର ୩୬ଟି ବଲରେ ଶିବମ୍ ଦୁବେ ୬୩ ରନର ଏକ ଇନିଂସ ଖେଳିଥିଲେ। ସେ ତାଙ୍କ ୫ଟି ଚୌକା ଓ ୫ଟି ଛକା ମାରିଥିଲେ।

ଶିବମ୍ ଦୁବେଙ୍କ ବ୍ୟତୀତ ହାର୍ଦ୍ଦିକ ତମୋର ଏବଂ ଶ୍ରେୟସ୍ ଆୟର ଚମତ୍କାର ବ୍ୟାଟିଂ କରିଥିଲେ |ଏଥି ସହିତ ମୁମ୍ବାଇ ୫୦ ଓଭରରେ ୪ ୱିକେଟ୍ ବିନିମୟରେ ୩୮୨ର ବିଶାଳ ରନ୍ ସଂଗ୍ରହ କରିଥିଲା। ମୁମ୍ବାଇ ପାଇଁ ଅଧିନାୟକ ଶ୍ରେୟାସ ଆୟର ୫୫ ବଲରେ ୧୧୪ ରନ ସ୍କୋର କରିଥିଲେ। ସେ ତାଙ୍କ ଇନିଂସରେ ୫ ଚୌକା ଓ ୧୦ ଛକା ମାରିଥିଲେ।

ଏଥିସହ ହାର୍ଦ୍ଦିକ ତାମୋର ୯୪ ବଲରେ ୮୪ ରନ୍‌ର ଭଲ ଇନିଂସ ଖେଳିଥିଲେ। ଏହି ବ୍ୟାଟ୍ସମ୍ୟାନ୍ ତାଙ୍କ ଇନିଂସରେ ୭ ଚୌକା ଓ ୩ଟି ଛକା ମାରିଥିଲେ। ତେବେ ଆଇପିଏଲ ପୂର୍ବରୁ ଚେନ୍ନାଇ ସୁପର କିଙ୍ଗ୍ସ ପାଇଁ ଶିବମ ଦୁବେଙ୍କ ଦୃଢ଼ ଫର୍ମ ଏକ ଖୁସି ଖବର। ସୂଚନା ଥାଉ କି ଯେ ଆଇପିଏଲ୍ ମେଗା ନିଲାମ ପୂର୍ବରୁ ଚେନ୍ନାଇ ସୁପର କିଙ୍ଗ୍ସ ଶିବମ୍ ଦୁବେଙ୍କୁ ରୀଟେନ ରଖିଥିଲା।