ଗ୍ରାମ୍ୟ ନିର୍ମାଣ ବିଭାଗ ପ୍ରକଳ୍ପରେ ଶିଥିଳତା: ତିନି ବର୍ଷରେ ତିଆରି ହୋଇଛି ୩୪୫.୧୩୮ କିଲୋମିଟର ରାସ୍ତା, ୧ ସେତୁ, ୨୧ ପୋଲ

ରାଉରକେଲା: ଗାଁକୁ ସଂଯୋଗୀକରଣ ପାଇଁ ଉଭୟ ରାଜ୍ୟ ଓ କେନ୍ଦ୍ର ସରକାର ବିଭିନ୍ନ ଯୋଜନା ମାଧ୍ୟମରେ ଅନୁଦାନ ଦେଉଛନ୍ତି। ବିଶେଷକରି ଗାଁକୁ ରାସ୍ତା, ସେତୁ, ପୋଲ ନିର୍ମାଣ ପାଇଁ ସରକାର ପ୍ରାଥମିକତା ଦେଉଛନ୍ତି। କିନ୍ତୁ ଗ୍ରାମ୍ୟ ନିର୍ମାଣ ବିଭାଜନ(ଆର୍‌ଡବ୍ଲ୍ୟୁ ଡିଭିଜନ)ର ଚିରାଚରିତ ଅବହେଳା ଯୋଗୁଁ ପ୍ରକଳ୍ପ ବେଗ ଧରିପାରୁନି। ବର୍ଷବର୍ଷ ହେଲା ନିର୍ମାଣ ଆରମ୍ଭ ହୋଇଥିବା ପ୍ରକଳ୍ପ ଶେଷହେବାର ନାଁ ନେଉନି; ଯଦ୍ବାରା ଜନସାଧାରଣ ଯାବତୀୟ ସମସ୍ୟା ଭୋଗିବା ହିଁ ସାର ହେଉଛି। ରାଉରକେଲା ଗ୍ରାମ୍ୟ ବିଭାଜନ ପକ୍ଷରୁ ଗତ ତିନି ବର୍ଷ ଭିତରେ ହାତକୁ ନିଆଯାଇଥିବା ପ୍ରକଳ୍ପ, ତା’ର ଅଗ୍ରଗତି, ସାଂପ୍ରତିକ ସ୍ଥିତିକୁ ଦେଖିଲେ, ବିଭାଗୀୟ ଅବହେଳା ଜଳଜଳ ହୋଇ ଦିଶୁଛି।