ଟଙ୍କା ପାଇଁ ମା’ଙ୍କୁ ହତ୍ୟାକଲା ପୁଅ

ବାଲିଶଙ୍କରା: ତଳସରା ଥାନା ଅନ୍ତର୍ଗତ ତୁମୁଲିଆ ପଞ୍ଚାୟତ ତୁମୁଲିଆ ଗ୍ରାମ ନୂଆପଡ଼ାରେ ଶନିବାର ରାତି ପ୍ରାୟ ୯ଟାରେ ଏକ ଅଭାବନୀୟ ଘଟଣା ଘଟିଛି। ଟଙ୍କା ପାଇଁ ବାଡ଼ିରେ ପିଟି ମା’ଙ୍କୁ ହତ୍ୟାକରିଛି ପୁଅ। ମୃତା ହେଉଛନ୍ତି ପଡ଼ାର ସବିତା ଲାକଡ଼ା(୫୦)। ପୁଲିସ ହତ୍ୟା‌କାରୀ ପୁଅକୁ ଅଟକ ରଖିଛି।

ବିଶ୍ୱଙ୍କ ସ୍ତ୍ରୀ ତାଙ୍କ ବାପଘରକୁ ଯାଇଥିବାବେଳେ ବିଶ୍ୱ ମା’ ସବିତା ପାଖକୁ ଆସି କିଛିଟଙ୍କା ମାଗିଥିଲେ। ସବିତା ଟଙ୍କାଦେବାକୁ ମନା କରିବାରୁ ବିଶ୍ବ ଉତ୍‌କ୍ଷିପ୍ତ ହୋଇ ସେଠାରେ ଥିବା ଏକ ବାଡ଼ିରେ ନିସ୍ତୁକ ପ୍ରହାର କରିଥିଲା। ସବିତା ଶୋଇଥିବା ଅବସ୍ଥାରେ ସବୁଦିନ ପାଇଁ ଶୋଇ ଯାଇଥିଲେ। ସ୍ୱାମୀ ଗନେ ତାଙ୍କୁ ଖଟରୁ ଉଠାଇବାକୁ ଚେଷ୍ଟା କରିଥିଲେ। କିନ୍ତୁ ସେ ନ ଉଠିବାରୁ ଓ  ତାଙ୍କ ମୁଣ୍ଡରୁ ରକ୍ତ ବାହାରୁଥିବା ଦେଖି ଗନେ ତଳସରା ପୁଲିସକୁ ଖବର ଦେଇଥିଲେ।

ସୂଚନା ଅନୁସାରେ, ମୃତା ସବିତାଙ୍କ ୨ ପୁଅ। ବଡ଼ପୁଅ ବିଶ୍ୱ(୩୦) ଓ ସାନପୁଅ ବବୁଲ(୨୭)। ବଡ଼ପୁଅ ବିଶ୍ବ ବିବାହକରି ଗ୍ରାମର ମଝାପଡ଼ାରେ ଅନ୍ୟତ୍ର ରହୁଥିଲେ। ସାନପୁଅ ବବୁଲ ତାଙ୍କ ମା’ ସବିତା ଓ ବାପା ଗନେଙ୍କ ସହ ନୂଆପଡ଼ାରେ ରହୁଥିଲେ। ବିଶ୍ୱଙ୍କ ସ୍ତ୍ରୀ ତାଙ୍କ ବାପଘରକୁ ଯାଇଥିବାବେଳେ ବିଶ୍ୱ ମା’ ସବିତା ପାଖକୁ ଆସି କିଛିଟଙ୍କା ମାଗିଥିଲେ। ସବିତା ଟଙ୍କାଦେବାକୁ ମନା କରିବାରୁ ବିଶ୍ବ ଉତ୍‌କ୍ଷିପ୍ତ ହୋଇ ସେଠାରେ ଥିବା ଏକ ବାଡ଼ିରେ ନିସ୍ତୁକ ପ୍ରହାର କରିଥିଲା। ସବିତା ଶୋଇଥିବା ଅବସ୍ଥାରେ ସବୁଦିନ ପାଇଁ ଶୋଇ ଯାଇଥିଲେ। ସ୍ୱାମୀ ଗନେ ତାଙ୍କୁ ଖଟରୁ ଉଠାଇବାକୁ ଚେଷ୍ଟା କରିଥିଲେ। କିନ୍ତୁ ସେ ନ ଉଠିବାରୁ ଓ  ତାଙ୍କ ମୁଣ୍ଡରୁ ରକ୍ତ ବାହାରୁଥିବା ଦେଖି ଗନେ ତଳସରା ପୁଲିସକୁ ଖବର ଦେଇଥିଲେ।

ଆଜି ଭୋର୍‌ରୁ ପୁଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରିବା ସହ ସାଇଣ୍ଟିଫିକ୍‌ ଦଳକୁ ଡକାଇ ତଦନ୍ତ କରିଥିଲା। ହତ୍ୟାକାରୀ ପୁଅ ବିଶ୍ୱକୁ ପୁଲିସ ଅଟକ ରଖି ପଚରାଉଚରା କରୁଥିବା ଜଣାପଡ଼ିଛି। ପୁଲିସ ଶବ ବ୍ୟବଚ୍ଛେଦ କରାଇ ପରିବାରକୁ ହସ୍ତାନ୍ତର କରିଥିବାବେଳେ ତଦନ୍ତ ଜାରିହିଛି।