ଇଭିଏମ ପଛେ ପଛେ ଯାଅ: ସପା

ନୂଆଦିଲ୍ଲୀ: ଉତ୍ତରପ୍ରଦେଶର ୯ଟି ବିଧାନସଭା ଆସନରେ ଆଜି ମତଦାନ ସମ୍ପନ୍ନ ହୋଇଛି | ତେବେ ଏହାରି ଭିତରେ ସମାଜବାଦୀ ପାର୍ଟି ଏହାର କର୍ମକର୍ତ୍ତାଙ୍କୁ ଏକ ବିଶେଷ ଅନୁରୋଧ କରିଛି। ସମାଜବାଦୀ ପାର୍ଟି ଏହାର ଅଫିସିଆଲ୍ ସୋସିଆଲ୍ ମିଡିଆ ହ୍ୟାଣ୍ଡେଲ ଏକ୍ସରେ ଏନେଇ ଏକ ପୋଷ୍ଟ ସେୟାର କରିଛି।

ସୋସିଆଲ ମିଡିଆ ପୋଷ୍ଟରେ ଏହା ଲେଖାଯାଇଛି ଯେ, "ସମାଜବାଦୀ ପାର୍ଟିର ସମସ୍ତ ନେତା ଓ କର୍ମକର୍ତ୍ତା ମତଦାନ ଶେଷ ହେବା ପରେ, ଇଭିଏମ ସିଲ୍ ହେବା ପର୍ଯ୍ୟନ୍ତ ଏବଂ ପରେ ଇଭିଏମ୍ ଷ୍ଟ୍ରଙ୍ଗ ରୁମରେ ପହଂଚିବା ପର୍ଯ୍ୟନ୍ତ ଇଭିଏମ୍ ଉପରେ ନଜର ରଖିବା ଉଚିତ୍ | । " ଏହି ପୋଷ୍ଟରେ ଆହୁରି ଲେଖାଯାଇଛି, "ମତଦାନ ଶେଷ ହେବା ପରେ, ଆପଣ (ଏସପି କର୍ମୀ ଏବଂ ନେତା) ଯେଉଁ ଗାଡିରେ ଇଭିଏମ୍ ଷ୍ଟ୍ରଙ୍ଗ ରୁମକୁ ଯିବ, ସେହି ଗାଡି ପଛେ ପଛେ ଯାଅ | ଗାଡି ପଛେ ପଛେ ଯାଇ ଇଭିଏମକୁ ଷ୍ଟ୍ରଙ୍ଗ ରୁମରେ ପହଞ୍ଚାଇ ଆସ | 

ଏହାସହ ଏହା ମଧ୍ୟ କୁହାଯାଇଛି ଯେ ଏହା ସହିତ ଦଳର ମତଦାନ ଏଜେଣ୍ଟ ପ୍ରିଜାଇଡିଂ ଅଫିସରଙ୍କଠାରୁ ଫର୍ମ ୧୭ ସି (ପାର୍ଟ -୧) ସଂଗ୍ରହ ଉଚିତ ଏବଂ ଏହାକୁ ପୋଲିଂ ଏଜେଣ୍ଟକୁ ପ୍ରଦାନ କରିବା ଆବଶ୍ୟକ। ଆପଣଙ୍କୁ କହିରଖୁଛୁ, ଆଜି ଉତ୍ତରପ୍ରଦେଶର କୁଣ୍ଡାର୍କି, ଖୈର, ଫୁଲପୁର, ମିରାପୁର, ସିସାମାଉ, କରହଲ, କଟେହରୀ, ମଜୱାନ ଏବଂ ଗାଜିଆବାଦ ବିଧାନସଭା ଆସନରେ ଉପ-ନିର୍ବାଚନ ହୋଇଛି। ସମସ୍ତ ୯ ବିଧାନସଭା ଆସନରେ ଭୋଟ୍ ଗଣନା ନଭେମ୍ବର ୨୩ ରେ କରାଯିବ।