ଭୁଷୁଡ଼ିଲା ମଞ୍ଚ, ଅଳ୍ପକେ ବର୍ତ୍ତିଲେ ଲୋକସଭା ବାଚସ୍ପତି ଓମ ବିର୍ଲା
ନୂଆଦିଲ୍ଲୀ: ଲୋକସଭା ବାଚସ୍ପତି ଓମ ବିର୍ଲା ଅଳ୍ପକେ ବର୍ତ୍ତିଯାଇଛନ୍ତି | ପ୍ରକୃତରେ ଲୋକସଭା ବାଚସ୍ପତି ଭାବେ ଚୟନ ହେବା ପରେ ରାଜସ୍ଥାନର କୋଟାରେ ଏକ ସ୍ୱାଗତ ସମ୍ବର୍ଦ୍ଧନା ଉତ୍ସବର ଆୟୋଜନ କରାଯାଇଥିଲା | ଏହି କାର୍ଯ୍ୟକ୍ରମରେ ମଞ୍ଚ ଉପରେ ବାଚସ୍ପତିଙ୍କ ସହ ବହୁ ଦଳୀୟ ନେତା ଉପସ୍ଥିତ ଥିଲେ | ଯାହାଫଳରେ ମଞ୍ଚଟି ଭାଙ୍ଗିଯାଇଥିଲା |
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ ରାଜସ୍ଥାନର କୋଟାରୁ ଦୁଇଥର ସାଂସଦ ରହିଆସିଥିବା ଓମଙ୍କ ସ୍ୱାଗତ ପାଇଁ ସ୍ଥାନୀୟ ବିଜେପି କର୍ମୀମାନେ ବଡଧରଣର ପ୍ରସ୍ତୁତି କରିଥିଲେ | ବହୁ ସଂଖ୍ୟାରେ କର୍ମୀ ଓମଙ୍କୁ ସ୍ୱାଗତ କରିବା ପାଇଁ ମଞ୍ଚ ଉପରେ ଚଢ଼ିଯାଇଥିଲେ | ଓମ ମଧ୍ୟ ସେମାନଙ୍କ ଅଭିବାଦନ ସ୍ୱୀକାର କରିଥିଲେ | ତେବେ ଆବଶ୍ୟକତାଠାରୁ ଅଧିକ ଲୋକ ଏହି ମଞ୍ଚ ଉପରେ ଛିଡା ହୋଇଥିବାରୁ ମଞ୍ଚଟି ଭୁଶୁଡି ପଡିଥିଲା |
ତେବେ ଏଥିରେ କାହାରିକୁ ଆଘାତ ଲାଗିନଥିବାବେଳେ ଓମ ମଧ୍ୟ ସୁରକ୍ଷିତ ଅଛନ୍ତି | ଲୋକସଭା ଅଧ୍ୟକ୍ଷ ଓମ ବିର୍ଲା ନୂଆ ସାଂସଦମାନଙ୍କୁ ସଂସଦରେ କହିବାକୁ ବାରମ୍ବାର ସୁଯୋଗ ଦେଉଥିବାରୁ ଏହାକୁ ଭୁରି ଭୁରି ପ୍ରଶଂସା କରାଯାଉଛି | ସଂସଦର ପ୍ରଥମ ଅଧିବେଶନରେ ପ୍ରଥମ ଥର ଲୋକସଭାକୁ ଆସିଥିବା ସମସ୍ତ ସାଂସଦଙ୍କୁ ଓମ କହିବାର ସୁଯୋଗ ଦେଇସାରିଲେଣି |