ଇତିହାସରେ ପ୍ରଥମ; ସୁପ୍ରିମ୍କୋର୍ଟରେ ଆରମ୍ଭ ହେଲା ମାମଲା ଶୁଣାଣିର ଲାଇଭ୍ ଷ୍ଟ୍ରିମିଂ
ନୂଆଦିଲ୍ଳୀ: ସୁପ୍ରିମକୋର୍ଟ ଇତିହାସରେ ପ୍ରଥମ ଥର ଲାଗି ଆଜି ମାମଲା ଶୁଣାଣି ପ୍ରକ୍ରିୟାର ଲାଇଭ୍ ଷ୍ଟ୍ରିମିଂ କରାଯାଇଛି । ୩ଟି ପୃଥକ ସାମ୍ବିଧାନିକ ଖଣ୍ଡପୀଠର କାର୍ଯ୍ୟଧାରାର ଷ୍ଟ୍ରିମିଂ webcast.gov.in/scindia/ରେ ହେଉଛି।
Sambad is now on WhatsApp
Join and get latest news updates delivered to you via WhatsApp
ଭାରତର ପ୍ରଧାନ ବିଚାରପତି ୟୁ ୟୁ ଲଳିତଙ୍କ ନେତୃତ୍ବାଧୀନ ଖଣ୍ଡପୀଠରେ ଅର୍ଥନୈତିକ ଦୁର୍ବଳ ଶ୍ରେଣୀ (ଇଡବ୍ଲୁଏସ୍) ଲାଗି କୋଟା ମାମଲାର ଶୁଣାଣି ହେଉଥିବା ବେଳେ ଏହି ମାମଲା ୧୦୩ତମ ସମ୍ବିଧାନ ସଂଶୋଧନକୁ ଚ୍ୟାଲେଞ୍ଚ୍ କରୁଛି।
ସେହିପରି ଜଷ୍ଟିସ୍ ଡି ୱାଇ ଚନ୍ଦ୍ରଚୁଡ଼ଙ୍କ ନେତୃତ୍ବାଧୀନ ଖଣ୍ଡପୀଠ ମହାରାଷ୍ଟ୍ରର ରାଜନୈତିକ ଦଳ ଶିବସେନାରେ ଉପୁଜିଥିବା ବିଭାଜନ ଉପରେ ଶୁଣାଣି ହେଉଛି।
ସେହିପରି ଜଷ୍ଟିସ୍ ଏସ୍କେ କୌଲ୍ଙ୍କ ନେତୃତ୍ବାଧୀନ ଖଣ୍ଡପୀଠ ଅଲ୍ ଇଣ୍ଡିଆ ବାର୍ ପରୀକ୍ଷା ବୈଧତା ସମ୍ବନ୍ଧୀୟ ମାମଲାର ଶୁଣାଣି କରିବେ।
ଉଲ୍ଲେଖଯୋଗ୍ୟ, ୨୦୧୮ରେ ଶୀର୍ଷ ଅଦାଲତ ସୁପ୍ରିମ୍କୋର୍ଟ ସାମ୍ବିଧାନିକ ଏବଂ ଜାତୀୟ ଗୁରୁତ୍ୱପୂର୍ଣ୍ଣ ମାମଲାର ଅଦାଲତ ପ୍ରକ୍ରିୟାର ଲାଇଭ୍ ଷ୍ଟ୍ରିମିଂକୁ ଅନୁମତି ଦେଇ କହିଥିଲେ ଯେ ଏହି ଖୋଲାପଣ ’ସୂର୍ଯ୍ୟକିରଣ’ ପରି, ଯାହା ’ସର୍ବୋତ୍ତମ ଜୀବାଣୁନାଶକ’। ଏହା ଏକ ପାଇଲଟ୍ ପ୍ରକଳ୍ପ ଭାବରେ ରହିଥିଲା। କେବଳ ଏକ ନିର୍ଦ୍ଦିଷ୍ଟ ବର୍ଗର ମାମଲା ଯାହା ସାମ୍ବିଧାନିକ କିମ୍ବା ଜାତୀୟ ଗୁରୁତ୍ୱପୂର୍ଣ୍ଣ ଏବଂ ଏକ ସମ୍ବିଧାନ ବେଞ୍ଚ ସମ୍ମୁଖରେ ଯୁକ୍ତି କରାଯାଉଛି, ତାହାର ଲାଇଭ୍ ଷ୍ଟ୍ରିମିଂ କରାଯିବା ଉଚିତ୍।