ସୁପ୍ରିମକୋର୍ଟକୁ ଭିତରୁ ଦେଖିବାକୁ ଚାଁହୁଛନ୍ତି କି? ଜାଣନ୍ତୁ ଏମିତି କରିବେ ଆବେଦନ

ନୂଆଦିଲ୍ଲୀ: ସାଧାରଣ ଲୋକମାନେ ପ୍ରାୟତଃ ସୁପ୍ରିମକୋର୍ଟକୁ ଭିତରରୁ ଦେଖିବା ପାଇଁ ଆଗ୍ରହୀ ଥାଆନ୍ତି କିନ୍ତୁ ପ୍ରଶାସନିକ ଏବଂ ସୁରକ୍ଷା କାରଣରୁ ସମସ୍ତଙ୍କ ପାଇଁ ସୁପ୍ରିମକୋର୍ଟ ଭିତରକୁ ପ୍ରବେଶ କରିବା ସମ୍ଭବ ନୁହେଁ। ସୁପ୍ରିମକୋର୍ଟ ଏବେ ଏକ ସାର୍ବଜନୀନ ନୋଟିସ୍ ଜାରି କରି କହିଛନ୍ତି ଯେ ଏହାର ଦ୍ୱାର ସାଧାରଣ ଲୋକଙ୍କ ପାଇଁ ଖୋଲା ଅଛି। ଯଦି କେହି କୋର୍ଟକୁ ଭିତରରୁ ଦେଖିବାକୁ ଚାହାଁନ୍ତି, ତେବେ ସେ କୋର୍ଟ ଦ୍ୱାରା ନିର୍ଦ୍ଧାରିତ ଦିନଗୁଡ଼ିକରେ ତାହା କରିପାରିବେ।

କୋର୍ଟ ଦ୍ୱାରା ଜାରି କରାଯାଇଥିବା ଏକ ସାର୍ବଜନୀନ ନୋଟିସରେ କୁହାଯାଇଛି ଯେ ମାସର ଦ୍ୱିତୀୟ ଏବଂ ଚତୁର୍ଥ ଶନିବାର ବ୍ୟତୀତ ଅନ୍ୟ ସମସ୍ତ ଶନିବାରରେ, ଲୋକମାନେ ନିର୍ଦ୍ଧାରିତ ପ୍ରକ୍ରିୟା ଅନୁସରଣ କରି କୋର୍ଟ ପରିସର ଏବଂ ଏହାର କୋଠାକୁ ଭିତରରୁ ଦେଖିପାରିବେ। ଛୁଟି ଦିନ ଘୋଷିତ କୌଣସି ଶନିବାରରେ ଏହି ଟୁର ସମ୍ଭବ ହେବ ନାହିଁ।

ଶନିବାର ପ୍ରତ୍ୟେକ ଗାଇଡେଡ୍ ଟୁର୍ ଦେଢ଼ ଘଣ୍ଟାର ହେବ। ଏଥିପାଇଁ ନିମ୍ନ ସମୟ ନିର୍ଦ୍ଧାରିତ ଅଛି |
ସକାଳ ୧୦ଟାରୁ ୧୧:୩୦ ପର୍ଯ୍ୟନ୍ତ।
ସକାଳ ୧୧:୩୦ ରୁ ଅପରାହ୍ନ ୧ଟା ପର୍ଯ୍ୟନ୍ତ।
ଅପରାହ୍ନ ୨ଟାରୁ ୩:୩୦ ପର୍ଯ୍ୟନ୍ତ
ଅପରାହ୍ନ ୩:୩୦ ରୁ ୫ଟା ପର୍ଯ୍ୟନ୍ତ

ଏବାବଦରେ ଅଧିକ ସୂଚନା ସୁପ୍ରିମକୋର୍ଟର ସରକାରୀ ୱେବସାଇଟରେ ଉପଲବ୍ଧ | ଆଉ ଆପଣ https://guidedtour.sci.nic.in/ ଲିଙ୍କରୁ ପାଇପାରିବେ। ଆପଣ ଏହି ଲିଙ୍କ୍ ମାଧ୍ୟମରେ ଆପଣଙ୍କର ସୁପ୍ରିମକୋର୍ଟ ପରିଦର୍ଶନ ପାଇଁ ଏକ ସ୍ଲଟ୍ ବୁକ୍ କରିପାରିବେ। କୋର୍ଟର ଏହି ପରିଦର୍ଶନ ପାଇଁ ପୂର୍ବରୁ ଅନଲାଇନ୍ ବୁକିଂ କରିବା ବାଧ୍ୟତାମୂଳକ। ସୁପ୍ରିମକୋର୍ଟ ଆସୁଥିବା ଲୋକମାନେ ଏପରି ଅନେକ ସ୍ଥାନ ଦେଖିବାର ସୁଯୋଗ ପାଇବେ ଯେଉଁଠାକୁ ସାଧାରଣ ଦିନଗୁଡ଼ିକରେ ଯିବାକୁ ଅନୁମତି ନାହିଁ। ଲୋକମାନେ ସୁପ୍ରିମକୋର୍ଟର ଭବ୍ୟ ଐତିହାସିକ କୋଠାକୁ ଭିତରରୁ ଦେଖିପାରିବେ। ମୁଖ୍ୟ ବିଚାରପତିଙ୍କ କୋର୍ଟ ରୁମ ସମେତ ଅନ୍ୟାନ୍ୟ କୋର୍ଟ ରୁମ ଦେଖିବାକୁ ପାଇବେ। ଜାତୀୟ ନ୍ୟାୟିକ ସଂଗ୍ରହାଳୟ ପରିଦର୍ଶନ କରିପାରିବେ, ଯେଉଁଠାରେ ନ୍ୟାୟପାଳିକାର ଇତିହାସ ସହିତ ଜଡିତ ମୂଲ୍ୟବାନ ସ୍ମୃତି ସଂରକ୍ଷିତ ରହିଛି। ଲୋକମାନେ ବିଚାରପତିଙ୍କ ପାଠାଗାର ମଧ୍ୟ ପରିଦର୍ଶନ କରିପାରିବେ।