ଟେସେରାକ୍ଟ ବଢ଼ାଇଦେବ ଓଲା ଇଲେକ୍ଟ୍ରିକର ଚିନ୍ତା!

ନୂଆଦିଲ୍ଲୀ: ଇଲେକ୍ଟ୍ରିକ ସ୍କୁଟର ନିର୍ମାତା ଅଲଟ୍ରାଭାୟୋଲେଟର ନୂତନ ଇଲେକ୍ଟ୍ରିକ୍ ସ୍କୁଟର ଟେସେରାକ୍ଟ ଲଞ୍ଚ ହେବା ମାତ୍ରେ ବଜାରରେ ଝଡ଼ ସୃଷ୍ଟି କରିଛି। ବିଶେଷ କଥା ହେଉଛି ଏହା ଲଞ୍ଚ ହେବାର ମାତ୍ର ୪୮ ଘଣ୍ଟା ମଧ୍ୟରେ ୨୦୦୦୦ ବୁକିଂ ପାଇଛି। ଲୋକଙ୍କ ମଧ୍ୟରେ ଏହି ସ୍କୁଟର ପାଇଁ ଏକ ପ୍ରବଳ କ୍ରେଜ୍ ରହିଛି। ପ୍ରଥମ ୧୦୦୦୦ ଗ୍ରାହକଙ୍କ ପାଇଁ ଟେସେରାକ୍ଟ ଇଲେକ୍ଟ୍ରିକ୍ ସ୍କୁଟରର ମୂଲ୍ୟ ମାତ୍ର ୧.୨୦ ଲକ୍ଷ ଟଙ୍କା (ପ୍ରାରମ୍ଭିକ ମୂଲ୍ୟ) ରଖାଯାଇଛି, ଏହା ପରେ ଏହାର ମୂଲ୍ୟ ୧.୪୫ ଲକ୍ଷ ଟଙ୍କା (ଏକ୍ସ-ସୋରୁମ୍) ରୁ ଆରମ୍ଭ ହେବ। କିନ୍ତୁ ଖୁସିର କଥା ହେଉଛି ଯେ କମ୍ପାନୀ ଏବେ ପ୍ରାରମ୍ଭିକ ମୂଲ୍ୟକୁ ୫୦ ହଜାର ବୁକିଂ ପର୍ଯ୍ୟନ୍ତ ବୃଦ୍ଧି କରିଛି। ଏହା ଏକ ଉନ୍ନତ ସ୍କୁଟର ଯେଉଁଥିରେ ଅନେକ ଆଶ୍ଚର୍ଯ୍ୟଜନକ ବୈଶିଷ୍ଟ୍ୟ ଅନ୍ତର୍ଭୁକ୍ତ କରାଯାଇଛି।

ଏହି ଅଲ୍ଟ୍ରାଭାୟୋଲେଟ୍ ଟେସେରାକ୍ଟ ଇଲେକ୍ଟ୍ରିକ୍ ସ୍କୁଟରରେ ସମନ୍ୱିତ ରାଡାର ଏବଂ ଡ୍ୟାସକ୍ୟାମ୍ ରହିଛି ଯାହା ଏହାକୁ ଆହୁରି ସ୍ୱତନ୍ତ୍ର କରିଥାଏ। ଏହି ନୂତନ ଇଲେକ୍ଟ୍ରିକ୍ ସ୍କୁଟର ଟେସେରାକ୍ଟ ମଧ୍ୟ ଫାଇଟର ଜେଟ୍ ଦ୍ୱାରା ଅନୁପ୍ରାଣିତ ହୋଇ ଡିଜାଇନ୍ କରାଯାଇଛି। ଅଲଟ୍ରାଭାୟୋଲେଟର ସିଇଓ ଏବଂ ସହ-ପ୍ରତିଷ୍ଠାତା ନାରାୟଣ ସୁବ୍ରମଣ୍ୟମ କହିଛନ୍ତି, “ଟେସେରାକ୍ଟ ପାଇଥିବା ପ୍ରତିକ୍ରିୟାରେ ଆମେ ବହୁତ ଖୁସି।

ଅଲଟ୍ରାଭାୟୋଲେଟ୍ ଟେସେରାକ୍ଟକୁ ପୂର୍ଣ୍ଣ ଚାର୍ଜରେ ୨୬୧ କିଲୋମିଟର ପର୍ଯ୍ୟନ୍ତ ଚଲାଇହେବ। ଏଥିରେ ୨୦ଏଚପି ଶକ୍ତି ପ୍ରଦାନ କରିବା ପାଇଁ ଏକ ବୈଦ୍ୟୁତିକ ମୋଟର ଲଗାଯାଇଛି। ଏହି ସ୍କୁଟରଟି ମାତ୍ର ୨.୯ ସେକେଣ୍ଡରେ ୦ ରୁ ୬୦ କିଲୋମିଟର ଘଣ୍ଟା ବେଗରେ ଗତି କରିପାରିବ ଏବଂ ଏହାର ସର୍ବାଧିକ ଗତି ଘଣ୍ଟା ପ୍ରତି ୧୨୫ କିଲୋମିଟର । କମ୍ପାନୀ ଦାବି କରିଛି ଯେ ଏହି ସ୍କୁଟରଟି ୧୦୦ ଟଙ୍କାରେ ୫୦୦ କିଲୋମିଟର ଚାଲିବ। ନୂତନ ଟେସେରାକ୍ଟ ଇଲେକ୍ଟ୍ରିକ୍ ସ୍କୁଟର ବଜାଜ ଚେତକ, ଟିଭିଏସ ଏବଂ ଓଲାକୁ କଡା ଟକ୍କର ଦେଇପାରେ |