କାର ବଜାରରେ ଧୁମ ମଚାଉଛି ମାରୁତିର ଏହି କାର

ନୂଆଦିଲ୍ଲୀ: ୧୧ ନଭେମ୍ବରରେ ଭାରତୀୟ ବଜାରରେ ନୂଆ ମାରୁତି ଡିଜାୟାର ଲଞ୍ଚ କରାଯାଇଥିଲା | ଏହାର ଶୁଭାରମ୍ଭ ପୂର୍ବରୁ ମଧ୍ୟ ଗାଡି କ୍ରାସ୍ ଟେଷ୍ଟରେ ୫ ତାରକା ସୁରକ୍ଷା ମୂଲ୍ୟାୟନ ପାଇଥିଲା | କମ୍ପାନୀ ନୂତନ ଡିଜାୟାରରେ ଅନେକ ସୁରକ୍ଷା ବୈଶିଷ୍ଟ୍ୟ ଅନ୍ତର୍ଭୂକ୍ତ କରିଛି | ସେଥିପାଇଁ ତ ଏହି କାରର ଲଞ୍ଚ ହେବାର ଏକ ମାସ ବିତି ନାହିଁ ଏବଂ ୩୦ ହଜାରରୁ ଅଧିକ ୟୁନିଟ୍ ପାଇଁ ବୁକିଂ କରାଯାଇଛି। ମାରୁତି ପ୍ରତିଦିନ ଡିଜାୟାରର ନୂତନ ଜେନେରେସନ ମଡେଲର ପ୍ରାୟ ୧୦୦୦ ଗାଡି ପାଇଁ ବୁକିଂ କରୁଛି  | ଅଟୋମେକର୍ସ ଏପର୍ଯ୍ୟନ୍ତ ପାଞ୍ଚ ହଜାରରୁ ଅଧିକ ୟୁନିଟ୍ ବିତରଣ କରିସାରିଛି । ବର୍ତ୍ତମାନ, ଏହି ମାରୁତି ଯାନର ଅପେକ୍ଷା ସମୟ ପ୍ରାୟ ତିନି ମାସରେ ପହଞ୍ଚିଛି | ମାରୁତି ପକ୍ଷରୁ କୁହାଯାଇଛି ଯେ ପୂର୍ବ ମଡେଲ ତୁଳନାରେ ପ୍ରତିଦିନ ପ୍ରାୟ ଦୁଇଗୁଣ ବୁକିଂ ଚାଲିଛି।

ମାରୁତି ଏହି କାରରେ ଲୋକଙ୍କ ସୁରକ୍ଷା ପ୍ରତି ସର୍ବାଧିକ ଧ୍ୟାନ ଦେଇଛି  | ଏହି କାରରେ ୬ଟି ଏୟାରବ୍ୟାଗ ଯୋଗାଇ ଦିଆଯାଇଛି | ଆଣ୍ଟି-ଲକ୍ ବ୍ରେକିଂ ସିଷ୍ଟମ୍ (ଏବିଏସ୍) ସହିତ ଗାଡିରେ ଇବିଡ଼ି ମଧ୍ୟ ଯୋଗାଇ ଦିଆଯାଉଛି | ଏହି କାରଟି ଡୁଆଲ୍ ଟୋନ୍ ଇଣ୍ଟେରିଅର୍ ସହିତ ଆସିଥାଏ | ୩୬୦-ଡିଗ୍ରୀ କ୍ୟାମେରା ସହିତ ଏହି କାରରେ କ୍ରୁଜ୍ କଣ୍ଟ୍ରୋଲର ବୈଶିଷ୍ଟ୍ୟ ମଧ୍ୟ ପ୍ରଦାନ କରାଯାଇଛି | ମାରୁତି ନୂତନ ଡିଜାଇରରେ ସନ୍ଫରୁଫ୍ ମଧ୍ୟ ଦେଇଛି | 

ନୂତନ ମାରୁତି ଡିଜାଇରରେ ଅନେକ ନୂତନ ବୈଶିଷ୍ଟ୍ୟ ଅନ୍ତର୍ଭୂକ୍ତ ହୋଇଥିଲେ ମଧ୍ୟ ଏହି କାରର ମୂଲ୍ୟ ୭ ଲକ୍ଷ ଟଙ୍କା ମଧ୍ୟରେ ରହିଛି | ନୂତନ ଡିଜାଇରର ଏକ୍ସ-ସୋରୁମ୍ ମୂଲ୍ୟ ୬.୭୯ ଲକ୍ଷରୁ ଆରମ୍ଭ ହୋଇଛି ଏବଂ ଏହାର ଟପ୍ ମଡେଲର ମୂଲ୍ୟ ୧୦.୧୪ ଲକ୍ଷ ଟଙ୍କା ପର୍ଯ୍ୟନ୍ତ ରହିଛି |