ନାବାଳିକାଙ୍କୁ ଗଣଦୁଷ୍କର୍ମ ଘଟଣାରେ ଦୁଇ ଗିରଫ

ରାଇରଙ୍ଗପୁର: ମୟୁରଭଞ୍ଜ ଜିଲ୍ଲା ରାଇରଙ୍ଗପୁର ଗ୍ରାମାଂଚଳ ଥାନା ଅର୍ନ୍ତଗତ ଉପରବେଡା ଗ୍ରାମପଂଚାୟତର ଗଣଦୁଷ୍କର୍ମ ଅଭିଯୋଗ ଘଟଣାରେ ଦୁଇ ଗିରଫ । ସୂଚନା ଅନୁଯାୟୀ ଦୁବୁଲାବେଡା ଗ୍ରାମରେ କରମ ପରବ ଚାଲିଥିବା ସମୟରେ ଜଣେ ନାବାଳିକା ବାହାରକୁ ବାହାରିଥିବା ସମୟରେ ଦୁଇଜଣ ଯୁବକ ୧୪ ବର୍ଷର ନାବାଳିକାଙ୍କୁ ରାତ୍ରିରେ ଟେକି ନେଇ ଗଣଦୁଷ୍କର୍ମ କରିଥିଲେ ।

 ତେବେ ନାବାଳିକାଙ୍କ ପିତା ମାତା ଉଭୟ ମୃତ୍ୟୁବରଣ କରିଥିବାରୁ ସେନେଇ କାହାକୁ କିଛି କହିନଥିଲେ । ତେବେ ପରବର୍ତ୍ତୀ ସମୟରେ ଦୁଷ୍କର୍ମ ହୋଇଥିବାରୁ ସେ ଗୁରୁତର ଆହତ ହୋଇଥିବାରୁ ପୀଡିତାଙ୍କୁ ଗୁରୁତର ଅବସ୍ଥାରେ ରାଇରଙ୍ଗପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଥିଲା ।

ପରେ ଉକ୍ତ ଯୁବକଙ୍କ ନାମରେ ରାଇରଙ୍ଗପୁର ଗ୍ରାମାଂଚଳ ଥାନାରେ ଲିଖିତ ଅଭିଯୋଗ କରିଥିଲେ । ଏନେଇ ରାଇରଙ୍ଗପୁର ଗ୍ରାମାଂଚଳ ଥାନାରେ କେସ୍ ନଂ ୧୨୯/୨୪ ରେ ଏକ ମାମଲା ରୁଜୁ ହେବା ପରେ ଅଭିଯୁକ୍ତମାନେ ଫେରାର୍ ହୋଇଯାଇଥିଲେ । ତେବେ ଆଜି ରାଇରଙ୍ଗପୁର ଗ୍ରାମାଂଚଳ ଥାନା ପୁଲିସ ଗିରଫ କରିଥିବା ସୂଚନା ମିଳିଛି । ଗିରଫ ଯୁବକମାନେ ହେଲେ ଦୁବୁଲାବେଡା ଗ୍ରାମର ମିଲନ୍ ଓରଫ୍ ପ୍ରଣବ କୁମାର ମହାନ୍ତ ଏବଂ ମିନ୍ଟୁ ଓରଫ୍ ମିତ୍ରଭାନୁ ମହାନ୍ତ (୨୫) ।