ଅଶ୍ଳୀଳ ଦୃଶ୍ୟ ଦେଖାଇ ମାଲାମାଲ ଉଲୁ ଆପ ପ୍ରତିଷ୍ଠାତା

ନୂଆଦିଲ୍ଲୀ: ପ୍ରାପ୍ତବୟସ୍କ ଭିଡିଓ ଷ୍ଟ୍ରିମିଂ ପାଇଁ ପ୍ରସିଦ୍ଧ ଉଲ୍ଲୁ ଆପ୍ ଏହାର ଏକ ଶୋ' 'ହାଉସ୍ ଆରେଷ୍ଟ'କୁ ନେଇ ଅନଲାଇନ୍ ବିବାଦ ସୃଷ୍ଟି କରିଛି। ବିଗ୍ ବସ୍ ଫେମ୍ ଏଜାଜ୍ ଖାନଙ୍କ ଦ୍ୱାରା ହୋଷ୍ଟ କରାଯାଇଥିବା ଏହି ରିଆଲିଟି ଶୋ' କ୍ୟାମେରାରେ ଏକ ଆପତ୍ତିଜନକ କ୍ଲିପ୍ ପାଇଁ ଅନଲାଇନରେ ହଇଚଇ ସୃଷ୍ଟି କରିଥିଲା। ଏହା ସବୁ ସେତେବେଳେ ଆରମ୍ଭ ହୋଇଥିଲା ଯେତେବେଳେ ହୋଷ୍ଟ ଏଜାଜ୍ ଖାନ ପ୍ରତିଯୋଗୀମାନଙ୍କୁ କ୍ୟାମେରା ଆଗରେ ଭିନ୍ନ ଭିନ୍ନ ଅଶ୍ଳୀଳ ଢଙ୍ଗ କରିବାକୁ କହିଥିଲେ।

କ୍ଲିପ୍ ଟି କିଛି ସମୟ ମଧ୍ୟରେ ଅନଲାଇନରେ ଭାଇରାଲ ହୋଇଗଲା, ଯାହା ଲୋକଙ୍କୁ କ୍ରୋଧିତ କରିଦେଲା। ଶୋ’କୁ ବନ୍ଦ କରିବା ପାଇଁ ଅନେକ ରାଜନେତାଙ୍କ ପ୍ରତିକ୍ରିୟା ଏବଂ ଦାବି ପରେ, ଷ୍ଟ୍ରିମିଂ ପ୍ଲାଟଫର୍ମ ଏହାର ଆପରୁ ବିବାଦୀୟ ରିଆଲିଟି ଶୋ’କୁ ହଟାଇ ଦେଇଛି। କିନ୍ତୁ ଆପଣ କ’ଣ ଜାଣନ୍ତି ଯେ ଉଲ୍ଲୁ ଆପ୍ ଯାହା ଅଶ୍ଳୀଳ କଣ୍ଟେଣ୍ଟ ଦେଖାଏ ଏବଂ ଏହି ଆପ୍ ରୁ କୋଟି କୋଟି ଟଙ୍କା ରୋଜଗାର କରୁଛି? ବିବାଦୀୟ ଭିଡିଓ ଆପ୍ ଉଲ୍ଲୁ ପଛରେ ଥିବା ସିଇଓ ହେଉଛନ୍ତି ବିଭୁ ଅଗ୍ରୱାଲ। ସେ ଷ୍ଟ୍ରିମିଂ ଆପ୍‌ର ପ୍ରତିଷ୍ଠାତା ଏବଂ ସିଇଓ। ୨୦୧୮ ମସିହାରେ ଲଞ୍ଚ ହୋଇଥିବା ଏହି ଭାରତୀୟ ଭିଡିଓ ଲୋକପ୍ରିୟ ଓଟିଟି ଆପ୍ ମୂଳତଃ ପ୍ରାପ୍ତବୟସ୍କଙ୍କ ଭିଡିଓ ଉପରେ ଆଧାରିତ। 

୨୦୨୪ ମସିହାରେ ସେୟାର କରାଯାଇଥିବା ଏକ ଇନଷ୍ଟାଗ୍ରାମ ପୋଷ୍ଟ ଅନୁଯାୟୀ, ଉଲ୍ଲୁ ଆପର ରାଜସ୍ୱ ୨୦୨୨ ଆର୍ଥିକ ବର୍ଷରେ ୪୬.୮ କୋଟି ଟଙ୍କାରୁ ଦ୍ୱିଗୁଣିତ ହୋଇ ୨୦୨୩ ଆର୍ଥିକ ବର୍ଷରେ ୯୩.୧ କୋଟି ଟଙ୍କା ପହଞ୍ଚିଥିଲା । ଅର୍ଥାତ ଏହି, ଆପ୍ ୧୦୦ କୋଟି ଟଙ୍କା ଆୟ କରିଥିଲା |