ନୂଆଦିଲ୍ଲୀ: ଆଜି ଆଇପିଏଲରେ, ଲକ୍ଷ୍ନୌ ସୁପର ଜାଏଣ୍ଟ୍ସ (LSG) ଏବଂ ଦିଲ୍ଲୀ କ୍ୟାପିଟାଲ୍ସ (DC) ଦଳ ପରସ୍ପରର ମୁହାଁମୁହିଁ ହେବେ। କିନ୍ତୁ ଏହି ମ୍ୟାଚ୍ ପୂର୍ବରୁ ଲକ୍ଷ୍ନୌ ସୁପରଜାଏଣ୍ଟସକୁ ଏକ ବଡ଼ ଝଟକା ଲାଗିଛି । ଲକ୍ଷ୍ନୌ ସୁପରଜାଏଣ୍ଟସ୍ ପ୍ରଶିକ୍ଷକ ଜଷ୍ଟିନ୍ ଲାଙ୍ଗର କହିଛନ୍ତି ଯେ ଦ୍ରୁତ ବୋଲର ମୟଙ୍କ ଯାଦବ ପୁଣି ଥରେ ଆଘାତର ଶିକାର ହୋଇଛନ୍ତି। ଦିଲ୍ଲୀ କ୍ୟାପିଟାଲ୍ସ ବିପକ୍ଷ ମ୍ୟାଚ୍ ପୂର୍ବରୁ ସାମ୍ବାଦିକ ସମ୍ମିଳନୀରେ ଜଷ୍ଟିନ୍ ଲାଙ୍ଗର କହିଥିଲେ ଯେ ମୟଙ୍କ ଯାଦବଙ୍କ ଆଙ୍ଗୁଠିରେ ଆଘାତ ଲାଗିଛି। ତେଣୁ, ଏବେ ଏହି ଦ୍ରୁତ ବୋଲରଙ୍କ ପ୍ରତ୍ୟାବର୍ତ୍ତନ ବିଳମ୍ବିତ ହେବ।

Advertisment

ଜଷ୍ଟିନ୍ ଲାଙ୍ଗର କହିଛନ୍ତି ଯେ ମୟଙ୍କ ଯାଦବ ଗତ ବର୍ଷ ବହୁତ ପ୍ରଭାବିତ କରିଥିଲେ। ଆମେ ତାଙ୍କ ଫେରିବା ପାଇଁ ଉତ୍ସାହର ସହିତ ଅପେକ୍ଷା କରିଥିଲୁ, କିନ୍ତୁ ଏଥର ତାଙ୍କର ଆଙ୍ଗୁଠିରେ ଆଘାତ ଲାଗିଛି। ଏହା ପରେ, ସେହି ଆଙ୍ଗୁଠି ସଂକ୍ରମିତ ହୋଇଗଲା। ଏବେ ମୟଙ୍କ ଯାଦବଙ୍କ ପ୍ରତ୍ୟାବର୍ତ୍ତନ ୧ କିମ୍ବା ୨ ସପ୍ତାହ ବିଳମ୍ବ ହୋଇପାରେ, କିନ୍ତୁ ଭଲ କଥା ହେଉଛି ସେ ସୁସ୍ଥ ଅଛନ୍ତି। ଆମେ ନିରନ୍ତର ମୟଙ୍କ ଯାଦବଙ୍କ ଉପରେ ନଜର ରଖୁଛୁ।

ମୁଁ ଗତକାଲି ତାଙ୍କର ଭିଡିଓ ଦେଖିଲି। ମୋର ଆଶା ଅଛି ଟୁର୍ଣ୍ଣାମେଣ୍ଟ ଶେଷ ସୁଦ୍ଧା ଫିଟ୍ ହୋଇଯିବେ । ଲକ୍ଷ୍ନୌ ସୁପରଜାଏଣ୍ଟସ୍ ପ୍ରଶିକ୍ଷକ ଜଷ୍ଟିନ୍ ଲାଙ୍ଗର ନିଶ୍ଚିତ ଯେ ମୟଙ୍କ ଯାଦବ ଟୁର୍ଣ୍ଣାମେଣ୍ଟ ଶେଷ ସୁଦ୍ଧା ଦଳରେ ଯୋଗଦେବେ। ଆପଣଙ୍କୁ କହି ରଖୁଛୁ ଯେ ଆଜି ଆଇପିଏଲରେ, ରିଷଭ ପନ୍ତଙ୍କ ଅଧିନାୟକତ୍ୱରେ ଲକ୍ଷ୍ନୌ ସୁପରଜାଏଣ୍ଟ୍ସ ଏବଂ ଦିଲ୍ଲୀ କ୍ୟାପିଟାଲ୍ସର ଦଳ ପରସ୍ପରର ମୁହାଁମୁହିଁ ହେବେ। ଉଭୟ ଦଳ ବିଶାଖାପାଟଣାରେ ମୁହାଁମୁହିଁ ହେବେ।