ଏହି କାରଣରୁ ବୋଲିଂ କରୁନାହାଁନ୍ତି ଚହଲ

ନୂଆଦିଲ୍ଲୀ: ଆଜି ପଞ୍ଜାବ କିଙ୍ଗସ ଓ ଆରସିବି ମଧ୍ୟରେ ମହା ମୁକାବିଲା ହେଉଛି | ଯିଏ ଜିତିବ ସିଏ ସିଧା ଫାଇନାଲକୁ ଯିବ | ତେବେ ଆଜିର ମ୍ୟାଚରେ ୟୁଜଭେନ୍ଦ୍ର ଚହଲଙ୍କୁ କ୍ରୀଡ଼ାପ୍ରେମୀ ଖୋଜୁଥିବାବେଳେ ସେ ଅନୁପସ୍ଥିତ ଥିଲେ । ଏଥର ସେ ପଞ୍ଜାବ କିଙ୍ଗ୍ସ ପାଇଁ ଖେଳୁଛନ୍ତି। କିନ୍ତୁ ସେ ଗତ କିଛି ମ୍ୟାଚ୍ ହେଲା ଅନୁପସ୍ଥିତ ଅଛନ୍ତି। ସେ ଦଳ ସହିତ ଅଛନ୍ତି, କିନ୍ତୁ ତାଙ୍କୁ ପ୍ଲେଇଂ ଇଲେଭେନରେ ଖେଳିବାର ସୁଯୋଗ ମିଳୁନାହିଁ। ଏବେ ପ୍ରଶଂସକମାନେ ଚିନ୍ତିତ ଯେ ଏତେ ଗୁରୁତ୍ୱପୂର୍ଣ୍ଣ ମ୍ୟାଚ୍‌ରେ ତାଙ୍କୁ ପ୍ଲେଇଂ ଇଲେଭେନରେ କାହିଁକି ସାମିଲ କରାଗଲା ନାହିଁ। ଅଧିନାୟକ ଶ୍ରେୟସ ଆୟର ତାଙ୍କୁ ଆରସିବି ବିପକ୍ଷ କ୍ୱାଲିଫାୟରରେ ମଧ୍ୟ ସୁଯୋଗ କାହିଁକି ଦେଲେ ନାହିଁ, ଏହା ଏବେ ସମସ୍ତଙ୍କ ମନରେ ପ୍ରଶ୍ନ ଉଙ୍କି ମାରୁଛି |

ବାସ୍ତବରେ ଆଜି ଯେତେବେଳେ ଅଧିନାୟକ ଶ୍ରେୟସ ଆୟର ଟସ୍ ପାଇଁ ଆସି ତାଙ୍କ ପ୍ଲେଇଂ ଇଲେଭେନ ବାବଦରେ କହିଥିଲେ, ସେଥିରେ ଚହଲଙ୍କ ନାମ ନଥିଲା । ଚହଲ ଏହି ସିଜନରେ ପଞ୍ଜାବ କିଙ୍ଗ୍ସ ପାଇଁ ହ୍ୟାଟ୍ରିକ୍ ମଧ୍ୟ ନେଇଥିଲେ। ତେବେ ଆମେ ଆପଣଙ୍କୁ ଜଣାଇ ଦେଉଛୁ ଯେ ଚହଲଙ୍କ ଆଙ୍ଗୁଠିରେ ଆଘାତ ଲାଗିଛି, ତେଣୁ ସେ ଦଳରୁ ବାହାରେ ଅଛନ୍ତି। ଯଦିଓ ଗତ ମ୍ୟାଚ୍‌ରେ ଯେତେବେଳେ ପଞ୍ଜାବ ଏବଂ ମୁମ୍ବାଇ ଦଳ ମୁହାଁମୁହିଁ ହୋଇଥିଲେ, ତାଙ୍କୁ ମଧ୍ୟ ପଡ଼ିଆରେ ଦେଖିବାକୁ ମିଳିଥିଲା, କିନ୍ତୁ ଆଘାତ ଯୋଗୁଁ ସେ ପ୍ଲେଇଂ ଇଲେଭେନରେ ଖେଳି ପାରିନଥିଲେ।

ଏହି ସମୟରେ, ଚହଲ ଶୀଘ୍ର ସୁସ୍ଥ ହୋଇଯିବେ ବୋଲି ଆଶା କରାଯାଉଛି। ତଥାପି, ଚହଲଙ୍କ ବାଦ ପଡ଼ିବା ପଞ୍ଜାବ ପାଇଁ ଏକ ବଡ଼ ବିପର୍ଯ୍ୟୟଠାରୁ କମ୍ ନୁହେଁ। ପଞ୍ଜାବ ପ୍ରଶଂସକମାନେ ମଧ୍ୟ ଏହାକୁ ନେଇ ବହୁତ ଦୁଃଖିତ। ତାଙ୍କର ବାଦ ପଡ଼ିବା ଦଳର ଚିନ୍ତାକୁ ମଧ୍ୟ ବୃଦ୍ଧି କରିଛି। ଚହଲଙ୍କ ବିନା, ପଞ୍ଜାବ କିଙ୍ଗ୍ସର ବୋଲିଂ ମଧ୍ୟ ବହୁତ ଦୁର୍ବଳ ଦେଖାଯାଉଛି।