କଂଗ୍ରେସ କହୁଛି ଦେଶଦ୍ରୋହ ଆଇନକୁ ଉଠାଇଦେବ, ଆମେ କିନ୍ତୁ ତାହାକୁ ଆହୁରି କଠୋର କରିବୁ : ରାଜନାଥ ସିଂ
କୁଲୁ (ହିମାଚଳ ପ୍ରଦେଶ) : କ୍ଷମତାକୁ ଆସିଲେ ଦେଶଦ୍ରୋହ ଆଇନକୁ ଉଠାଇଦେବାକୁ କଂଗ୍ରେସ କହୁଥିବାବେଳେ ବିଜେପି ତାହାର ଓଲଟା କଥା କହୁଛି । କ୍ଷମତାକୁ ଫେରିଲେ ଦେଶଦ୍ରୋହ ଆଇନକୁ ଆହୁରି କଠୋର କରିବାକୁ ଘୋଷଣା କରିଛି । ଏଠାରେ ଅନୁଷ୍ଠିତ ଏକ ଜନସଭାରେ ଗୃହମନ୍ତ୍ରୀ ରାଜନାଥ ସିଂ କହିଛନ୍ତି ଯେ ଦେଶଦ୍ରୋହ ଆଇନକୁ ଏପରି କଡା କରାଯିବ ଯେ ସେ ସଂପର୍କରେ ଭାବିଲେ ଦେଶ ବିରୋଧୀଙ୍କ ଆତ୍ମା ଭୟରେ ଥରିଉଠିବ ।
Sambad is now on WhatsApp
Join and get latest news updates delivered to you via WhatsApp
କଂଗ୍ରେସ ଏହାକୁ ଉଠାଇଦେବାକୁ କହୁଛି, ଆମେ କିନ୍ତୁ ଏହାକୁ କଠୋର କରିବୁ ଯେପରିକି ଦେଶ ବିରୋଧରେ କେହି ଯିବାକୁ ସାହାସ କରିବ ନାହିଁ । ସେ ଆହୁରି ମଧ୍ୟ କହିଛନ୍ତି ୨୦୦୪ ଓ ୨୦୧୯ ନିର୍ବାଚନରେ ଦେଶରେ ଦରଦାମ ବୃଦ୍ଧି ଏକ ନିର୍ବାଚନୀ ପ୍ରସଙ୍ଗ ନାହିଁ । କାରଣ ୨୦୦୪ରେ ପୂର୍ବତନ ପ୍ରଧାନମନ୍ତ୍ରୀ ଅଟଳବିହାରୀ ବାଜପେୟୀ ଓ ୨୦୧୯ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦରଦାମ ବୃଦ୍ଧିକୁ ନିୟନ୍ତ୍ରଣରେ ରଖିଛନ୍ତି । ହିମାଚଳ ପ୍ରଦେଶର ୪ଟି ଲୋକସଭା ଆସନରେ ୧୯ ତାରିଖରେ ଭୋଟ ଗ୍ରହଣ ହେବ ।